2 TAWARIKH 15:7 - WUKE SUSI WATTI'U AL᷊AL᷊USASSA

⁷ Arawe i yamiu ṛinone matammudda wuṛṛu waṛṛani. Inasaharannu sarun pia gessine.”

2 TAWARIKH 15:7 ပူးပေါင်းရင်းမြစ်များ

PANDARIADDI 15:1

Wua'udde, i Abram naasomba sondappa wuṛṛu naaringikka Mawu nabbisara si tou, “Arie paata'utta, i Abram, i Ya'u sarun mallu'adda si'o wuassu asasilaka, wuṛṛu mangonggolla si'o lal᷊antakke apan manambo.”

1 TAWARIKH 28:20

Wua'udde i Ratu Daud nabbisara apia si Salomo anangnge, “I'o ṛinone pia pangangimanna wuṛṛu awawaṛṛani. Panattakke mammanara udde wuṛṛu arie mata'uttu al᷊awo'u manga apa. Mawu Ruata apan ta'u sassubbanna sarun mantul᷊ungngu. I tou tawe manantangngu. I tou sidutu su sandiṛṛannu maddatingngu anambon manara udde muddussa.

2 TAWARIKH 19:11

Imam Wahewalla i Amarya ta'u nionggol᷊annu taṛṛino apan atanggaṛṛanne su ola'u hatto apan pia sasampangnge su manga titan agama. Zebaya ana'i Ismael, eteudde gubernuren Yehuda, ta'u nionggol᷊annu taṛṛino apan atanggaṛṛanne su ola'u manga hatto waine. Manga taumatan Lewi manarane mallu'adda tadea'u laṛṛawessu mallaṛuungnga udde iapaamatta. Daringiṛṛete manga tatantiro indi wuṛṛu pammamarate ringannu mapia. Antimanna Mawu uatantalongnga taumata apan mammanara ringannu matul᷊idda!”

2 TAWARIKH 32:7

“Paatammudde wuṛṛu pangimante; arie paata'uttu ratun Asyur ara'e tantarane. I ite mattohasanna wuassi mangitou.

DARALO 19:11

Titan Mawu udde maareganne wuassu wul᷊awanna tutune, mattemanganna wuassu pul᷊a apianne.

DARALO 27:14

Pangantimpe sidutu su Mawu, tohasse wuṛṛu patammura'e naungku; ore, pangantimpe Mawu!

DARALO 58:11

Ma'ellega taumata lal᷊eo niṛṛuumanna, taumata matul᷊idda lulluassa, wuṛṛu nangukkassa leddane su daṛṛan taumata lal᷊eo.

YEREMIA 31:16

Illol᷊oa'e lal᷊uainu wuṛṛu peddate allo matanu! Sahaddu sarun pia lal᷊antakke su al᷊aṛṛanangngu. Si'o sarun pia bawal᷊inne, manga anangngu sarun mapul᷊e wuassu wanuan seetta.

DANIEL 10:19

I tou nabbisara, “Ruata mandangngu si'o, ana waugu udde ariete suminggawangnga ara'e mata'utta, wette, ariaddite matohassa!” Tantal᷊anna i tou mabbisaran olangnge udde, i ya'u naapendamma lembon matohassa lai wuṛṛu nabbisara, “Otte pabbisarate, Tuangnga. Tuangnga buatte nanamba atatoha'u.”

ZAKARIA 8:9

Mawu nabbisara su uman-Ne, “Paatohasse naungngu! Orassa indi i yamiu ma'aringikka manga wisara apan buatte niwisara lai manga nabi sutempo rapappakke niaddo, ipabbangunna apia Wal᷊e-U.

MATIUS 5:12

Manga nabi apan nabbiakka su tempo i yamiu taambe su runia, nisansara lai ereudde. Luasse wuṛṛu lala'e, ana waugu lal᷊antakke manambonisaddia Mawu si yamiu.”

MATIUS 5:46

Ana waugu amungkangngu i yamiu tumba'u mandangngu taumata apan mandangngu si yamiu, apa hunane su Ruata mabbal᷊issa inolaanni yamiu udde? Wal᷊inewe manga maddarorongnga wose lai ma'ola'a aroddi?

MATIUS 6:1

“Naungete, arie i yamiu ma'ola'a tatuṛṛuttu agama su saruannu awadaalla tadea'u ellehannu taumata. Amungkangngu i yamiu ma'ola'a aroddi, i yamiu tawe onggol᷊annu lal᷊antakke wuassu Iamangngu su surga.

MATIUS 6:18

tadea'u tawedu maasingkatta manungku i yamiu mappuasa, ewe'e tumba'u Iamangngi yamiu apan tawe asiloanna udde, masingkatta. I Tou ma'asilo pallal᷊agunu apan uawuni udde, wuṛṛu sarun mangonggolu lal᷊antakke si'o.”

MATIUS 6:4

Wala'e pallal᷊agunu udde tawe asingkatannu taumata, tumba'u Iamangngu su surga. I tou ma'asilo pallal᷊agunu apan uawuni udde wuṛṛu sarun mangonggolu lal᷊antakke si yamiu.”

MATIUS 6:6

Arawe amungkangngu i yamiu umal᷊iomanna, suttate su wabbo'a wuṛṛu ṛuura'a ngara, see al᷊iomante su Ruata Iamangnga apan tawe iasilo udde. Ne Iamangngu apan ma'asilo pallal᷊agunu apan uawuni udde, sarun mangonggolu lal᷊antakke si yamiu.

LUKAS 6:35

Ṛinone wal᷊ine aroddi! Ewe'e i yamiu ṛinone umakkannu seetti yamiu wuṛṛu pia pallal᷊agu mapia si mangitou. I yamiu ṛinone mapawallassa wuṛṛu arie mangantimma mawelengnga apia. Amungkangngu aroddi, lal᷊antakku wahewa wuṛṛu i yamiu sarun maola'a al᷊aṛṛana'u Ruata Apan Atanggaṛṛanne. Ana waugu Ruata naungnge mapia su saruannu taumata apan waga ma'aidengkamanna, wuṛṛu su saruannu taumata lal᷊eo lai.

1 KORINTUS 15:58

Ana waugu udde, manga tuṛṛangnga apan arangnguanna, ṛinone i yamiu matohassa wuṛṛu sidutu mangngimanna. Pammanarate sidutu su Mawu ringannu atonna-tonna, ana waugu i yamiu masingkatta manungku sarangkanambone apan mammanaranni yamiu udde su Mawu, tawe maholo'a.

1 KORINTUS 16:13

Ṛinone i yamiu paatehamma wuṛṛu matohassa sulal᷊ummu pabbiaṛṛannu ere taumatan Saṛṛani. Pammanarate ringannu waṛṛani wuṛṛu paatohassa.

1 KORINTUS 3:14

Amungkangngu wal᷊e apan niapararisikku taumata su wowon rapappake udde mal᷊annu matutungnga, taumata udde sarun manengkamma lal᷊antake.

1 KORINTUS 3:8

itarua uassul᷊ungnga. Sangkatou-sangkatou sarun manengkamma lal᷊antake tumuṛṛuttu inasaharanne.

EFESUS 6:10

Pangudusanne, ṛinone i yamiu maola'a matohassa ringannu atatohassa apan niasombanganni yamiu wuassu Mawu, ana waugu i yamiu uaaukka ringanni Tou.

KOLOSE 3:24

Paanaunge manungku i yamiu sarun manengkamma lal᷊antake wuassu Ruata. Apa apan nissaddia Mawu su al᷊aṛṛanang-Nge, eteudde sarun ionggola si yamiu. Ana waugu mawu apan atonna eteudde Kristus sassane.

IBRANI 10:35

Ana waugu udde, arie naungnga maadio'a, ana waugu amungkangu i yamiu sidutu mangngimanna, ne pia lal᷊antakke apan bahewalla su inolaannu udde!

IBRANI 6:10

Ruata wal᷊ine Ruata tawe matul᷊ida. I Tou tawe maabul᷊i apa apan mammanaranni yamiu si Tou, wuṛṛu darangngu apan niapaasilong kamiu si Tou su tempo nantul᷊ungu manga tuṛṛanga apan pangangimanna sambau, dorone wuṛṛu sara orassa indi.

YOSUA 1:6

Ṛinone i'o mangimanna wuṛṛu waṛṛani, ana waugu i'o sarun mamiaṛṛa'u walahanna indi ana waugu i mangitou matana'a su wanua apan Ta'u pina'ire su iupungu al᷊amona mangitou.

YOSUA 1:7

Tumba'u ṛinone i'o atonna-tonna mangimanna wuṛṛu waṛṛani. I'o ṛinone uanaungnga tadea'u i'o tuttuṛṛuta anambon tita apan nionggoli Musa allang-Ku udde si'o, imbaṛṛangnga abul᷊ianannanu ne i'o sarun ma'aola'a sarangkanambone.

YOSUA 1:9

Naunge, i Ya'u buatte namarenta si'o tadea'u i'o atonna-tonna mangimanna wuṛṛu waṛṛani! Imbaṛṛanga i'o mata'utta ara'e alal᷊eoannu ikkata, ana waugu i Ya'u Mawu Ruatanu uṛundingnna su al᷊awo'u tampa a'amatannu.”

YOSUA 14:14

Na'oman sara orassa indi soa udde ta'e naola'a pussa'a papapulunni Kaleb ana'i Yefune, taumatan Kenas, ana waugu i tou satia wuṛṛu matuṛṛuta Mawu, Ruatan Israel.

2 YOHANES 1:8

Ana waugu udde, paariaggaite arie ma'oman sara i yamiu awul᷊iannu apa apan suete nionggoli yami si yamiu. Paddea'e tadea'u i yamiu manengkamma lal᷊antake wuassu Ruata.

RUT 2:12

Antimanna Mawu mabbal᷊issa al᷊awo'u apapianu. Antimanna i'o manengkamma al᷊awo'a apan ṛinone ionggolu Mawu, Ruatan Israel si'o, ana waugu i'o nirumantate mangimanna wuṛṛu uasirungnga si Tou!”