2 TAWARIKH 13:9 - WUKE SUSI WATTI'U AL᷊AL᷊USASSA

⁹ Wal᷊inewe manga imam su Mawu eteudde papapulunni Harun wuṛṛu manga taumatan Lewi, sarangkanambone buatte nilimbuaṛanni yamiu? Maola'a hahantine walate isai maapulu maola'a imam, sawal᷊iate i tou mangapiddu sapi sambau ara'e domba pitu, apan pileanni yamiu maola'a imam wal᷊inewe Ruata, ana waugu etearoddi ola'u manga walahanna waine manenegu imammi mangitou. Arawe inolaanni yami wal᷊inewe ereudde.

2 TAWARIKH 13:9 ပူးပေါင်းရင်းမြစ်များ

1 MARARATU 13:33

I Ratu Yerobeam sidutu maddiri manantangngu pallal᷊agune apan dal᷊eo. Su ipallu'adda manga tampa patataṛṛamawuanna apan buatte niolangnge udde, i tou sidutu mammile imam wuassu manga amonanna wiasa. Walate isai apan mappulu, itenega mabbal᷊i imam.

2 MARARATU 19:18

Manga monganni mangitou lai tinutunga wuṛṛu nikkimunsa'a, ana waugu manga monganna udde tawe taṛṛinone sarangkadio'a. I mangitou tumba'u paal᷊uanna wuassu alu wuṛṛu watu niola'u taumata.

2 TAWARIKH 13:10

Yami sidutu massubba Mawu Ruatan kami wuṛṛu tawe manantangngi Tou. Manga imam si yami sidutu wuassu papapulunni Harun, wuṛṛu manga taumatan Lewi sidutu uasumbala si mangitou.

2 TAWARIKH 29:31

Wua'udde i Hizkia nabbisara, “Ana waugu orassa indi yamiu buatte nipilen Mawu, ne maola'a sasamba aadiangkamanni yamiu, i yamiu ṛinone mangapiddu sasamba su Wal᷊en Mawu.” Ana see awadaalla apan uasemodda isudde nangapiddu manga sasamba udde, ewe'e piaddu lai ringannu al᷊al᷊uassu naungnge nangapiddu manga winatangnga maola'a sasamba itattambunna.

SASABANGNGA 29:1

“Ete arendi olangnge i Harun wuṛṛu al᷊aṛṛanangnge nitenega maola'a imam tadea'u i mangitou wotongnge mangimbe si Ya'u. Panganute sambau sapi esakka saṛṛen tumuwo wuṛṛu darua domba esakka apan tawe angngone.

SASABANGNGA 29:29

Laubbu patataṛṛamawun i Harun ṛinone maola'a pussa'an manga anangnge, tadea'u wotongnge iluṛṛen mangitou su tempo itenega.

SASABANGNGA 29:35

Lal᷊aghun patatenegi Harun wuṛṛu manga anangnge ṛinone olaanna pitu allo al᷊annune, ere buatte Ta'u nirolokka si yamiu.

SASABANGNGA 32:29

Unni Musa su ruuangannu Lewi, “Allo indi yamiu buatte naṛṛaem batangannu maola'a imam ipangimbe Mawu ringannu namate manga ana'a wuṛṛu manga tuṛṛangngu, ne Mawu nangonggolu al᷊aman-Ne si yamiu.”

YEREMIA 2:11

Taambe saran paassa nariaddi sambau walahanna nanu'addu mawune salaiwe udde wal᷊ine Ruata apan atonna. Arawe uma-U buatte nanal᷊iu-U, apan ma'aluassa si mangitou ringannu sambau saranapa apan tawe maaola'a apa-apa.

YEREMIA 5:7

Mawu nabbisara, “Anio i Ya'u ṛinone mangampungnga manga rosan uma-U? I mangitou buatte nanantang-Ku wuṛṛu massubba wal᷊ine Ruata. I Ya'u mangngonggollu anna si mangitou ma'oman sara i mangitou mal᷊aidda, arawe i mangitou sinumandaga, wuṛṛu masokka mattembo wawine masandaga.

HOSEA 8:6

Sapi wul᷊awanna apan sassubbanna su Samaria udde lanna'u lima taumatan Israel! Udde wal᷊ine Ruata, wuṛṛu rinone rimunsaanna!

IMAMATTA 16:32

Imam Rahewalla, apan buatte nitenega wuṛṛu niṛṛae hunan Duata ipallol᷊ossa iamangnge, ṛinone mapaamattu lal᷊aghu pamamaresi udde. I tou ṛinone mappaattu laubba al᷊aṛṛaene,

IMAMATTA 8:2

“Waggoite i Harun wuṛṛu manga anangnge wuṛṛu apira'e laubbu imam, lanan lal᷊aghu, sambau sapi esakka saṛṛen tumuwo maola'a sasamba ipangampunga rosa, darua domba esakka wuṛṛu sangkul᷊a'a roti tawe ragine.

WATTI'U MANGA RASUL 19:26

Orassa indi manga tuṛṛangnga naasilote wuṛṛu naaringikke sassane apa apan niola'i Paulus udde. I tou nabbisara manungku manga monganna apan niola'u taumata, wal᷊inewe monganna atonna. Wuṛṛu i tou namohete manambo taumata mangngimanna al᷊aṛṛangnge, wal᷊ine tumba'u isindi su Efesus, ewe'e maranin su ahewallu leta'u Asia.

GALATIA 4:8

Dorone i yamiu tawe maaillal᷊a Ruata, ana waugu udde i yamiu naola'a allangngu manga taṛṛino apan iraṛṛangngo ere mawu, arawe ṛinone wal᷊ine Ruata.

TAHIUL᷊E 32:17

I mangitou mangngonggolu sasamba su manga ghaṛṛaho lal᷊eo apan bal᷊ine Ruata, su manga Mawu apan awagananni mangitou, manga Mawu wakku apan tawe iata'uttu al᷊amona mangitou.