2 TAWARIKH 13:5 - WUKE SUSI WATTI'U AL᷊AL᷊USASSA5 I yamiu masingkatta manungku, Mawu, Ruatan Israel, buatte naddiandi si Daud, manungku i tou wuṛṛu papapulunne sarun mamarenta Israel sarangkal᷊o'engnge. Riandi udde tawe wotongnge mawal᷊u. အခန်းကိုကြည့်ပါ။ |
Sutempo addantane napawe nia'omate papatenu wuṛṛu i'o ilabbinga su labbingu al᷊amonanu,sangkatou suwallatu parinsinu sarun Ta'u itenega maola'a ratu. Ete i tou apan sarun mapararisikku Wal᷊e-U. Araratuanne sarun Ta'u tohassanna, wuṛṛu saran mal᷊annu-l᷊annu sangkatou wuassu papapulunne sarun mamarenta maola'a sangkatou ratu.
I'o lai buatte na'ire su iamangku manungku amungkangu papapulunne atonna-tonna tuttuṛṛutta tita-Nu ere lai i tou, ne saran mal᷊annu-l᷊annu sangkatou wuassu papapulunne sarun mamarenta maola'a ratu su Israel. Orassa indi, oh Mawu Ruatan Israel, tipussa laiwe sarangkanambone apan buatte nipa'ire-Nu su iamangku Daud, allang-Ngu udde.
Ma'oman sarangkal᷊o'engnge, anambon sasamba apianne apan niappiddu manga taumatan Israel si Ya'u, Ta'u ionggola si'o wuṛṛu su manga anangngu esakka wuṛṛu wawine. Atoranna udde ipappaatta saran mal᷊annu-l᷊annu wuṛṛu maola'a aiittu pa'aire apan tawe iawal᷊u suwallatti i Ya'u wuṛṛu i yamiu wuṛṛu papapulunnu.”
Manga pira tempo wua'udde Mawu nabbisara si Samuel, “Ta'e sangkura lai al᷊annune i'o massusa ana waugu i Saul? Wal᷊inewe i tou tate nia'u naola'a sangkatou ratun Israel? Orassa indi, panganute lanan zaitun wuṛṛu roote watukku Betlehem, ringannu sangkatou aranne i Isai, ana waugu suwallattu sangkatou anangnge buatte Ta'u nipile maola'a ratu.”