2 TAWARIKH 10:6 - WUKE SUSI WATTI'U AL᷊AL᷊USASSA

⁶ Ana see i Rehabeam naddorongnga tatantiro su manga matatimmade apan buatte naola'a mananantiron Salomo iamangngi Rehabeam, “Ereapa ṛinone i ya'u sumimbakka wisaran manga taumata udde?” i Rehabeam naiwal᷊o. “Apa tatantiron kamiu?”

2 TAWARIKH 10:6 ပူးပေါင်းရင်းမြစ်များ

2 SAMUEL 16:20

Wua'udde i Absalom nabbisara si Ahitofel, “Wal᷊oa'a apa apan sarun olaanni ite.”

2 TAWARIKH 10:5

Rehabeam sinumimbakka, “I ya'u maṛṛingidda asuene. Rantate apia tallu allo mal᷊iudda.” Ne manga taumata udde napul᷊ete.

AYUB 32:7

Ṛingi'u, ete i yamiu apan ṛinone mabbisara, iapa atimmaranne ṛinone mattahia asingkatta.

AMSAL 12:15

Taumata longonna mammendamma watanganne taambe nassal᷊a saran paassa, arawe taumata pande apulune maddaringikka tatantiro.

AMSAL 19:20

Amungkangngu i'o mappulu mangurumma wuṛṛu maddaringikka tatantiro, sal᷊immurine i'o mabbal᷊i taumata apan pia apande.

AMSAL 27:10

Arie paabul᷊iane hawenu ara'e hawen iamangngu. Sulal᷊ummu asasusa imbaṛṛangnga maisumbala su tuṛṛangngu; al᷊indonganna marani maareganna wuassu tuṛṛangnga apan marau.

YEREMIA 42:20

manungku i yamiu buatte na'ola'a sambau pasasal᷊a apan wahewalla. I yamiu sussal᷊ande tadea'u i ya'u umal᷊iomanna su Mawu Ruatang kite hunang kamiu, wuṛṛu i yamiu naddiandi mapaamattu sarangkanambone apan niwisara Mawu.