2 TAWARIKH 10:18 - WUKE SUSI WATTI'U AL᷊AL᷊USASSA

¹⁸ Salaiwe aroddi i Ratu Rehabeam ta'e lai nandolokki Adoniram, sangkatou tembonannu mamanara wata'a, mapal᷊annabbu awadaalla. Arawe i tou tinuntunganni mangitou watu na'oman sara nate. i Rehabeam sassane naal᷊assangnga wuṛṛu mal᷊iha-l᷊ihakka sinuma'e keretane wuṛṛu tinumal᷊angngu watanganne watukku Yerusalem.

2 TAWARIKH 10:18 ပူးပေါင်းရင်းမြစ်များ

1 MARARATU 5:14

wuṛṛu namile si Adoniram maola'a mandariagga si mangitou. I Salomo nattahia si mangitou sulal᷊ummu tallun kawageanganna, sambau-sambau anambone mapul᷊o riwu suatoune. Wageangnge tatallu udde ringannu ualal᷊ol᷊ossa matana'a sambul᷊anna su Libanon wuṛṛu rua wul᷊anna su wal᷊en.

2 TAWARIKH 10:17

wuṛṛu i Rehabeam naola'e ratu tumba'u su wageangngu leta'u Yehuda.

2 TAWARIKH 24:21

Arawe awadaalla apan uaammula udde suadio'a ringanni Ratu Yoas mannal᷊are si Zakharia. I tou tate mannaungnga inasaharanna wuṛṛu tatuṛṛutti Yoyada, iamangngi Zakharia. Wuassu parentan datu, Zakharia tinuntungannu watu na'oman sara nate su rallakku Wal᷊en Mawu. Sutempo i tou matete, i Zakharia sinumal᷊ande, “Antimanna Mawu ma'ellega inolaanna indi wuṛṛu mabbal᷊issa!”