2 TAWARIKH 1:14 - WUKE SUSI WATTI'U AL᷊AL᷊USASSA

¹⁴ I Tou nanuungngu ammul᷊annu tantarane ringannu 1.400 keretan pangalo wuṛṛu 12.000 awal᷊on pangalo. Sambageanganna niaddon Salomo su Yerusalem, wuṛṛu lambene su al᷊awo'u soa waine.

2 TAWARIKH 1:14 ပူးပေါင်းရင်းမြစ်များ

1 MARARATU 10:16

I Salomo na'ola'a 200 allungnga wahewalla wuassu wul᷊awanna nisassalla. Wul᷊awanna apan nipa'atta pina'ola'a allungnga udde iraṛṛangngo anambone pitu kiloharamma.

1 MARARATU 4:26

I Salomo uatahuanna 12.000 tantara uasa'e awal᷊o wuṛṛu 40.000 kandangu manga awal᷊o iapawol᷊engnga manga keretane.

1 MARARATU 5:6

I Tuangnga lai masingkatta manungku suwallattu tumana'u wanua'u taweddu masingkatta manuwangnga alu ere tumana'i Tuangnga. Ana waugu udde, i ya'u maddorongnga antimanna i Tuangnga mandolokku manga taumatan Tuangnga manuwangnga manga alun cemaran Libanon ionggolla si ya'u. Tumana'u sarun ta'u irolokka massumbala si mangitou, wuṛṛu salaiwe pira lal᷊antakke apan buatte nitantunni Tuangnga ipamaekka manga taumatan Tuangnga udde, i ya'u sarun mamaekka.”

1 MARARATU 9:19

manga soa pangaddoannu wal᷊unna, see manga soa pangaddoanu keretan pangalo wuṛṛu awal᷊one. Anambon hol᷊agu wal᷊en su Yerusalem, Libanon, wuṛṛu ahewallu wageangngu leta'a paparentanne buatte nimanarane.

2 TAWARIKH 8:6

Ana see lai soa Baalat niola'a apia, wuṛṛu anambon soa pangangadoannu anna, see lai soa panahipunanna keretan pangalo wuṛṛu awal᷊one. Sarangkanambone su Yerusalem, Libanon wuṛṛu su ahewallu leta'u panenteanna apan buatte niolangnge.

2 TAWARIKH 9:25

Ratu Salomo lai uatahuanna 4.000 tanda'u awal᷊o wuṛṛu keretane. Awal᷊on pangalone 12.000 anambone. Sambageanganna niaddo su Yerusalem, wuṛṛu lambene su al᷊awo'u soa pangangaddoannu manga keretan pangalone.

TAHIUL᷊E 17:16

Ratu tawe wotongnge manahuanna awal᷊o manambo ionggola su tantarane wuṛṛu tawe wotongnge mandolokku walahanna indi mabelengnga watukku Mesir huna mamalli awal᷊o, ana waugu Mawu buatte nabbisara manungku alaṛṛanang-Nge tawe wotongnge mabelengnga watukku wanua udde.