2 TAWARIKH 1:11 - WUKE SUSI WATTI'U AL᷊AL᷊USASSA

¹¹ Ruata sinumimbakka si Salomo, “Darorongngu udde mapia. I'o tawe naddorongnga paa'ala ara'e darotongnga ara'e aaddata ara'e papaten manga seennu ara'e uukka mal᷊o'engnga su waddangngu sassane, ewe'e apande wuṛṛu asingkatta ipamarenta al᷊aṛṛana-U apan buatte Ta'u itantilla si'o.

2 TAWARIKH 1:11 ပူးပေါင်းရင်းမြစ်များ

1 MARARATU 10:24

Anambon taumata su ahewallu runia mattinsahadda maddea'a maisasomban Salomo tadea'u maddaringikka al᷊aṛṛa'a masiṛṛongnga apan nionggollu Ruata si tou.

1 MARARATU 3:28

Sutempo walahannu Israel naaringikka putusanni Salomo sulal᷊ummu hatto udde, i mangitou tinumiangnga wuṛṛu mangngaddatta si tou. Ana waugu, nilumiatta'e manungku Ruata buatte nangonggolla si tou asingkatta tadea'u mammanara ringannu atatul᷊idda.

1 MARARATU 8:18

Arawe Mawu nabbisara si tou, ‘Pandumannu udde mapia.

1 TAWARIKH 28:2

I Daud dirumarisikka su saruanni mangitou wuṛṛu nabbisara, “Manga tuṛṛangku sambalahanna, paddaringikke! Mal᷊annute i ya'u pia pandumma mapararisikku sambau wal᷊en apan matohassa panahipunanna Wantallu Pa'aire, dararisirannu leddan Mawu Ruatan kite. I ya'u buatte nanaddia aolangnge ipandarisikku sambau wal᷊en apan passubbanna si Tou.

2 TAWARIKH 1:12

Ana waugu udde apande wuṛṛu asingkatta sarun Ta'u ionggolla si'o. Wal᷊ine wua'udde lai, Ya'u sarun ma'ola'a si'o lembon su lal᷊umanna'a, lembon ala wuṛṛu lembon tumelengnga wuassu al᷊awo'u ratu mawae ete sutempo paarorone aroddi lai sutempo apan addantane.”

AMSAL 14:8

Taumata pande masingkatta ereapa ṛinone mammanara, taumata woddo niawusuannu awawoddone.

AMSAL 23:7

Ana waugu, i tou sarun mabbisara, “Wette umanna; panamba'o lai,” sumbal᷊i pandumanne wal᷊ine aroddi. I tou tumba'u mangngarassa, arawe sulal᷊ummu naungnge wal᷊ine.

AMSAL 8:15

Manga ratu ta'u nisumbalanna mappaamattu manarane, manga tembonanne ta'u nitul᷊ungnga manohassa atatul᷊idda.

WATTI'U MANGA RASUL 5:4

Leta'a udde pussaanu, ro'en i'o taambe nabal᷊u'a. Wuṛṛu napawe leta'a udde suete niwal᷊u'a, roinne lai ta'e pussaanu. Nariaddi anio i'o pia pandumma ereudde sulal᷊ummu naungngu ma'ola'a pallal᷊agu udde? Wal᷊ine taumata aawusuannu ewe'e Ruata!”

IBRANI 4:12

Wisaran Ruata eteudde wisara apan biakka wuṛṛu matohassa; maṛṛoroanna wuassu hal᷊el᷊e rorone ruam ba'a. Wisara udde uusippa ma'oman sara su wallatu niawa wuṛṛu ghaṛṛaho; ma'oman sara su wallattu manga passi'uanna wuṛṛu duṛṛin liudda, na'oman sara maasingkata al᷊al᷊ummu ṛingiranna wuṛṛu apulu naungngu taumata.

YAKOBUS 3:13

Amungkangu su wallatti yamiu pia sangkatou apan pande wuṛṛu pia buddine, ṛinone i tou mapaal᷊iatta'a ringannu mabbiakka mapia, wuṛṛu ringannu ma'ola'a inolaanna apan mapia, apan rarundinganannu awawon naungnga wuṛṛu apapande.

YAKOBUS 3:17

Arawe taumata apan pia apande niarantane wuassu surga, i tou paarorone atonna waresi, wua'udde maapulun paddarame, masaṛṛionto'a, wuṛṛu matuṛṛuta. I tou napenen darangngu, wuṛṛu mabbuan manga pallal᷊agu apan mapia. I tou tawe manamba'a wuṛṛu tawe mallilangkamal᷊e'a.

1 SAMUEL 16:7

Arawe Mawu nabbisara si Samuel, “Arie i'o umanggangu al᷊aṛṛamage wuṛṛu wadangnge mal᷊angkassa; wal᷊ine i tou Ta'u pileanna. I Ya'u tawe ma'ellega wa'ikke, arawe i Ya'u ma'ellega naungnge.”