2 SAMUEL 8:6 - WUKE SUSI WATTI'U AL᷊AL᷊USASSA

⁶ Wua'udde i Daud napararisikku manga paddasanannu tantara sulal᷊ummu wageangngu leta'i mangitou, ne i mangitou uasuṛṛubbawate lapiddu mammaekka wose si Daud. Mawu napauntungngi Daud su al᷊awo'u tampa i tou mapapangalo.

2 SAMUEL 8:6 ပူးပေါင်းရင်းမြစ်များ

2 SAMUEL 10:19

Sutempo manga ratu apan paparentanni Hadadezer naatutukka manungku i mangitou nawaddote su tantaran Israel, i mangitou naddorongnga paddarame ana see nassuṛṛubbawate tantaran Israel. Nanattakka orassa udde taumatan Siria tate waṛṛani mallal᷊ima taumatan Amon.

2 SAMUEL 3:18

Ne, eteindi tempone si yamiu. Panaungke, Mawu buatte naddiandi si Daud, manungku i Tou sarun mappaatti Daud manal᷊amatta al᷊aṛṛanang-Nge Israel wuassu taumatan Filistin wuṛṛu wuassu anambon seenne waine.”

2 SAMUEL 5:10

I Daud mallannu lembon mattohassa, ana waugu Mawu, Ruata Apan Lembontaṛṛino nantul᷊ungnge.

2 SAMUEL 7:9

I Ya'u buatte nakkundinganna si'o su al᷊awo'u amatannu, wuṛṛu manga seennu buatte Ta'u nipate sutempo i'o napapangalo. I'o sarun tumelengnga ere lai manga piaṛṛangnge apan ahewal᷊anne su runia.

2 SAMUEL 8:14

I tou napararisikku manga paddasanannu tantara su ahewallu Edom, wuṛṛu manga taumatan Edom udde uasuṛṛubbawate si tou. Mawu nangonggollu auntunganna si Daud suapan tampa i tou mapapangalo.

2 SAMUEL 8:2

I Daud lai namaddon taumatan Moab. I tou nandolokki mangitou iapal᷊allowanga su leta'a, ana see i tou namate ruan katou suwallattu suapan siri tallu su atoune. Nariaddi, taumatan Moab nassuṛṛubbawa si Daud wuṛṛu mammaekka wose si tou.

2 SAMUEL 8:7

Manga allungnga wul᷊awanna apan nipaattu tantaran Hadadezer niaṛṛon Daud wuṛṛu niapidda su Yerusalem.

1 MARARATU 4:21

Suapan amonanna uatahuanna waillu anggore wuṛṛu waillu ara. Su al᷊o'engngu pabbiaṛṛanni Salomo tumana'a su ahewallu Yehuda wuṛṛu Israel wuassu Dan maddatingngu Bersyeba mabbiakka ringannu matammudda wuṛṛu mal᷊angnganna. Ana waugu, anambon datu su samba'an waṛṛattu Efrat uasuṛṛubawa si tou, wuṛṛu anambon balahanna wuassu manga araratuanna maranin araratuanne uahahawen tou. Leta'a su samba'an waṛṛattu Sal᷊ukku Efrat wuṛṛu Tifsah su wiwikku Sal᷊ukku Efrat masal᷊a su waṛṛata watukku soa Gaza su Filistin maddatingngu passarannu Mesir, sarangkanambone paparentanni Salomo. Manga walahanna su wanua udde uasuṛṛubawa si tou wuṛṛu mammaekka wose. Manga anna apan pappandumanni Salomo suapan allo eteudde 5.000 litere taponna al᷊ussa, 10.000 litere taponna hal᷊agga, 10 sapi sulal᷊ummu tanda'a, 20 sapi su wadda'a, wuṛṛu 100 domba. Wal᷊ine wua isudde lai rusa, kijang, menjangan wuṛṛu manga manu'u winalanganna.

2 MARARATU 1:1

Napawe i Ahab ratun Israel natete, ne wanua Moab namangalo Israel.

2 MARARATU 14:28

Watti'a waine su ola'i Ratu Yerobeam II, su ola'u awawaṛṛanine sulal᷊ummu manga pangalo wuṛṛu ereapa i tou nangaṛṛo apia Damsyik wuṛṛu Hamat wuassu Yehuda hunan Israel, sarangkanambone niwoṛṛetta sulal᷊ummu wuken Watti'u mararatun Israel.

2 MARARATU 18:7

Ana waugu udde Mawu sidutu mantul᷊ungngi tou na'oman sara i tou pia gessine su al᷊awo'u inasaharanne. I tou namangalo ratun Asyur, wuṛṛu maddiri massubba si tou.

2 MARARATU 3:4

I Ratu Mesa wuassu Moab uatahuanna pamamadul᷊iananna domba. Maola'a sambau wose su taumatan Israel, suapan tonna i tou nangonggolu 100.000 ana'u domba esakka.

1 TAWARIKH 18:13

ana see napararisikku manga paddasanannu tantara su ahewallu Edom. Ne manga taumatan Edom nassuṛṛubawate si Ratu Daud. Mawu nangonggolu auntunganna si Daud suapan tampa i tou mapapangalo.

2 TAWARIKH 17:2

I tou napariagan tantara su anambon soa pia tanda'a watune su Yehuda, wuṛṛu su wageangngu leta'a su liuddu soan Yehuda, see lai manga soa apan buatte niaṛṛon iamangnge su wageangngu leta'u Efraim.

DARALO 140:7

Oh Mawu, i ya'u mabbisara: Ete I'o Ruata'u, daringiṛṛewe aal᷊iomannu sasal᷊ande'u.

DARALO 60:10

Arawe Moab uddewe tampa pangukkasanna ledda-U; I Ya'u lumala'a ana waugu auntungu Filistea. Si Edom Ta'u tinuntungannu sapatu-U maola'a tatiala manungku i tou pussaa-U.”

AMSAL 21:31

Salaiwe pangalo riahiannu ringannu awal᷊on pangalo, apan manantunnu auntunganna tumba'u Mawu.

1 SAMUEL 13:3

Wua'udde i Yonatan namate tembonannu tantaran Filistin su Gibea, wuṛṛu ana see walahannu Filistin naaringikka lai arariadianna udde. Wua'udde i Saul nandolokku taumata niapatiuppa trompeta su ahewallu wanua iapawago taumatan Ibrani tadea'u inaite mapapangalo.

1 SAMUEL 14:1

Sutempo sambau i Yonatan nabbisara su sangkatou umbasanna apan uaapiddu ahidde, “Wette, i ite inaite watukku tampa pandariagannu taumatan Filistin su samba'a poine!” Arawe i tou tawe namasingkatta iamangnge asuene.

1 SAMUEL 14:15

Arariadianna udde naata'utta taumatan Filistin su paddasananna wuṛṛu su manga wadda'a. Anambon tumana'u Filistin ringannu manga tampa pandariaganna wuṛṛu manga ammul᷊annu taṛṛa aṛṛo mangke nata'utta; ewe'e lai runia niumio'a, wuṛṛu nariaddite aal᷊iba'ukka apan masaddatta.

1 SAMUEL 14:6

Ne i Yonatan nabbisarate su umbasanna udde, “Wette iaddua inaite watukku tampan pandariagannu taumatan Filistin taumata apekka udde. Asinungka Mawu mantul᷊ungngi addua. Ana waugu Mawu wotongnge mangonggollu auntunganna, mawae ete su taumata manambo ara'e lai su taumata matul᷊ungnga.”