2 SAMUEL 7:16 - WUKE SUSI WATTI'U AL᷊AL᷊USASSA

¹⁶ I'o sidutu uatahuanna papapulunna, wuṛṛu araratuannu sarun Ta'u olaanna mattaṛṛangnga saran mal᷊annu-l᷊annu. Sarangkal᷊o'engnge sangkatou wuassu papapulunnu sarun mamarenta maola'a sangkatou ratu.’ ”

2 SAMUEL 7:16 ပူးပေါင်းရင်းမြစ်များ

PANDARIADDI 49:10

I Yehuda sarun mangagassa ta'innu araratuanna, papapalunne sarun mamarenta saran mal᷊annu-l᷊annu. Manga walahanna sarun mangapiddu aonggolla, wuṛṛu umal᷊intudda ringannu uasuṛṛubbawa su saruanne.

2 SAMUEL 22:51

Ruata nangonggollu auntunganna apan bahewalla su ratu apan nitene-Ge, I Tou sidutu marangngu taumata apan nipile-Ne, eteudde i Daud wuṛṛu papapulunne saran mal᷊annu-l᷊annu.

2 SAMUEL 7:17

Ana see i Natan namasingkatta si Daud sarangkanambone apan buatte niapal᷊iatta'u Ruata si tou.

1 MARARATU 2:4

Amungkangngu i'o matuṛṛutta Mawu, i Tou sarun manipussu pa'aire-Ne manungku papapulungku sarun mamarenta Israel, sawal᷊iate i mangitou ringannu ahewallu naungnga wuṛṛu anambon pangangimanna sidutu tuttuṛṛutta manga parenta-Ne.

1 MARARATU 9:5

ne i Ya'u sarun manipussu pa'aire-U su iamangngu Daud manungku ana'a pulunne sidutu sarun mamarenta Israel.

2 MARARATU 19:34

Soan Yerusalem sarun Ta'u lu'aranna wuṛṛu riaganna ana waugu arang-Ku sassane wuṛṛu ana waugu pa'aire-U ringannu allang-Ku i Daud.’ ”

2 MARARATU 8:19

Arawe Mawu maddiri manginsue ruangannu Yehuda ana waugu i Tou buatte na'ire si Daud allang-Nge, manungku papapulunne sidutu maola'a ratu.

2 TAWARIKH 6:16

I'o lai buatte na'ire su iamangku manungku amungkangu papapulunne atonna-tonna tuttuṛṛutta tita-Nu ere lai i tou, ne saran mal᷊annu-l᷊annu sangkatou wuassu papapulunne sarun mamarenta maola'a ratu su Israel. Orassa indi, oh Mawu Ruatan Israel, tipussa laiwe sarangkanambone apan buatte nipa'ire-Nu su iamangku Daud, allang-Ngu udde.

AYUB 36:7

Taumata apan matul᷊idda aellehan-Ne, i mangitou niolang-Nge uataṛṛino ere manga ratu, na'oman sara i mangitou aaddatanna saran mal᷊annu-l᷊annu.

DARALO 45:6

Anaannu apan maṛṛoro nallappasa su pappuson seennu, manga walahanna nanawo su saruannu leddanu.

DARALO 72:5

Antimanna i tou sidutu uata'a maṛṛawa mappulunna, tantal᷊anna pia matannallo wuṛṛu wul᷊anna.

DARALO 89:4

I'o nabbisara, “I Ya'u buatte na'ola'a paaire ringannu taumata apan nipile-U; i Ya'u buatte nassalu si Daud, allang-Ku;

YESAYA 9:6

I Tou mamarenta maola'a sangkatou ratu papulunni Daud, taṛṛinone tumaniten bahewalla. Wanuane sidutu su paddarame wuṛṛu su lal᷊umanna'a; pamamarentane nirapappakka su tita wuṛṛu atatul᷊idda orassa indi maddatingngu mal᷊annu-l᷊annu. Mawu Apan Lembontaṛṛino sarun manuungngu udde.

YESAYA 9:7

Mawu buatte nangema'u ṛuumanna su araratuannu Israel.

YEREMIA 17:25

Amungkangngu i yamiu atonna-tonna mapaamattu manga parenta-U udde, ne manga ratu wuṛṛu manga tembonanne apan uaparenta ere i Daud sarun sumutta su manga ngara pasallanganna su soan Yerusalem. I mangitou suadio'a ringannu taumatan Yehuda wuṛṛu tumana'u Yerusalem, sarun suma'e keretan awal᷊o, ma'oman sara soa Yerusalem maola'a rame atonna.

YEREMIA 33:17

I Ya'u, Mawu, na'ire manungku sidutu sarun pia sangkatou wuassu papapulunni Daud apan maola'a ratun Israel;

DANIEL 2:44

Sutempo pamamarentan manga ratu udde, Ruata su surga sarun mapararisikku sambau araratuanna apan mattaṛṛangnga saran mal᷊annu-l᷊annu wuṛṛu sarun tawe iawaddon al᷊awo'u walahanna su al᷊awo'u tampa. Araratuanna udde sarun makkimunsa'a al᷊awo'u walahanna su al᷊awo'u araratuanna waine udde.

DANIEL 7:14

I tou nionggol᷊annu aaddata wuṛṛu taṛṛino ere sangkatou ratu, na'oman sara manga taumata wuassu al᷊awo'u walahanna, ṛuangannu walahanna wuṛṛu wahasa mattaṛṛamawu si tou. Taṛṛinone sarun mattaṛṛangnga saran mal᷊annu-l᷊annu, pamamarentane tawe iawaddo.

MATIUS 16:18

Ana waugu udde ṛinone i yamiu masingkatta, i'o udde i Petrus, watu apan matohassa. Wuṛṛu su wowon batu indi ya'u sarun mapararisikku Ghaṛṛeda-U apan tawe iahohakku taumata; salaiwe ete uasaruanna papate!

YOHANES 12:34

Manga taumata nambo udde nabbisara si Tou, “Tumuṛṛuttu Wuken Titang kami, Ratun Punnu Sal᷊amatta sarun mabbiakka sarangkal᷊o'engnge. Ereapa I'o wotongnge mabbisara manungku Ana'u Taumata ṛinone iruitta su wowon runia? Isai Ana'u Taumata udde?”

IBRANI 1:8

Arawe su Ana'a udde, Ruata nabbisara, “Adderan araratuannu, oh Mawu, sarun ma'oman sara mal᷊annu-l᷊annu! Araratuannu udde araratuanna apan matul᷊ida.

SONDAPPA 11:15

See mala'ekatta appitune nattiuppe trompeti tou, ne su surga niaṛṛingiṛṛante manga tingikka ma'ikkatta apan mabbisara, “Taṛṛino ipamarenta runia orassa indi sulal᷊ummu lima Mawung kite wuṛṛu Ratum Punnu Sal᷊amatta apan suete pina'ire-Ne. I Tou sarun mamarenta saran mal᷊annu-l᷊annu!”

1 SAMUEL 25:28

Ampungewe awawoddon allangngu, Mawu sarun ma'ola'a si Tuangku see lai papapulunni Tuangku maola'a ratu su Israel, ana waugu i Tuangku uapapangalo ana waugu Mawu; wuṛṛu i Tuangku tawe na'ola'a al᷊al᷊eo su al᷊o'engngu pabbiaṛṛanna.