2 SAMUEL 7:12 - WUKE SUSI WATTI'U AL᷊AL᷊USASSA

^12-13 Allo addantane, napawe nia'omante papatenu, wuṛṛu i'o ilabbinga su labbingu al᷊amonanu, sangkatou wuassu anangngu esakka sarun Ta'u itenega maola'a ratu. Ete i tou apan mapararisikku wal᷊e-U. Araratuanne sarun Ta'u tohassanna wuṛṛu saran mal᷊annu-l᷊annu sangkatou papapulunne sarun mamarenta maola'a sangkatou ratu.

2 SAMUEL 7:12 ပူးပေါင်းရင်းမြစ်များ

PANDARIADDI 15:4

Wua'udde i Abram naaringikka Mawu nabbisara si tou apia, “Wal᷊ine allangngu apan sarun mamusa'a darotongngu, ewe'e anangngu esakka sassane.”

2 SAMUEL 22:51

Ruata nangonggollu auntunganna apan bahewalla su ratu apan nitene-Ge, I Tou sidutu marangngu taumata apan nipile-Ne, eteudde i Daud wuṛṛu papapulunne saran mal᷊annu-l᷊annu.

1 MARARATU 1:21

Amungkangngu i Tuangnga tawe mangonggollu putusanna udde, ṛinone sarun mariaddi napawe i Tuangnga mate, i ya'u wuṛṛu parin'siu sarun olaanna ere sangkatou mandal᷊al᷊eo.”

1 MARARATU 1:48

wuṛṛu niumal᷊iomanna, ‘Dalo Si'o, oh Mawu, Ruata apan sassubbannu umattu Israel. Allo indi sangkatou wuassu papapulungku buatte nitene-Gu naola'a ratu mallol᷊ossa si ya'u. Wuṛṛu I'o buatte namala'u nabbiakka tadea'u maasilo udde!’ ”

1 MARARATU 2:1

Napawe maranite papatene, i Daud namaggo si Salomo, parinsine, wuṛṛu nangonggollu manga tanatane apan panginsueanne. I Daud nabbisara,

1 MARARATU 2:10

Wua'udde i Daud nate wuṛṛu nilabbinga su Soan Daud.

1 MARARATU 2:4

Amungkangngu i'o matuṛṛutta Mawu, i Tou sarun manipussu pa'aire-Ne manungku papapulungku sarun mamarenta Israel, sawal᷊iate i mangitou ringannu ahewallu naungnga wuṛṛu anambon pangangimanna sidutu tuttuṛṛutta manga parenta-Ne.

1 MARARATU 5:5

Mawu buatte naddiandi arendi su iamangku Daud, “Anangngu apan Ta'u itenega maola'a ratu mallol᷊ossa si'o sarun mapararisikku wal᷊en tampa patataṛṛamawuanna si Ya'u.” Ana waugu udde, Tuangnga Hiram Apan Mawantuga, i ya'u, Salomo, buatte nakkawessa mapararisikku wal᷊en udde.

1 MARARATU 8:15

I tou nabbisara, “Dorone Mawu buatte naddiandi su iamangku Daud arendi, ‘Ro'en i Ya'u nangapiddu uma-U sinumabbangnga wuassu Mesir, su ahewallu wanua Israel tawe saran sambau soa apan Ta'u nipile maola'a tampa suapa tampa pa'olaanna wal᷊en maola'a tampa patataṛṛamawuanna si Ya'u. Arawe i'o, Daud, Ta'u nipile mamarenta uma-U.’ Dalo su Mawu Ruatan Israel apan buatte nanipussa pa'aire-Ne udde!”

1 MARARATU 8:19

Arawe, wal᷊ine i'o, ewe'e ete anangngu apan ma'ola'a wal᷊e-U udde.’

1 MARARATU 8:20

Orassa indi Mawu buatte nanipussu pa'aire-Ne. I ya'u naola'e ratun Israel nallol᷊ossa iamangku, wuṛṛu i ya'u lai buatte napararisikku wal᷊en maola'a tampa patataṛṛamawuanna su Mawu, Ruatan Israel.

1 MARARATU 9:5

ne i Ya'u sarun manipussu pa'aire-U su iamangngu Daud manungku ana'a pulunne sidutu sarun mamarenta Israel.

2 MARARATU 8:19

Arawe Mawu maddiri manginsue ruangannu Yehuda ana waugu i Tou buatte na'ire si Daud allang-Nge, manungku papapulunne sidutu maola'a ratu.

1 TAWARIKH 17:11

Sutempo addantane napawe nia'omate papatenu wuṛṛu i'o ilabbinga su labbingu al᷊amonanu,sangkatou suwallatu parinsinu sarun Ta'u itenega maola'a ratu. Ete i tou apan sarun mapararisikku Wal᷊e-U. Araratuanne sarun Ta'u tohassanna, wuṛṛu saran mal᷊annu-l᷊annu sangkatou wuassu papapulunne sarun mamarenta maola'a sangkatou ratu.

2 TAWARIKH 1:9

Orassa indi, oh Mawu Ruata, antimanna I'o manipussu paaire-Nu su iamangku. I ya'u buatte nitenegu Mawu naola'a ratu su walahanna wahewalla indi apan tawe iareengnga anambone.

2 TAWARIKH 13:5

I yamiu masingkatta manungku, Mawu, Ruatan Israel, buatte naddiandi si Daud, manungku i tou wuṛṛu papapulunne sarun mamarenta Israel sarangkal᷊o'engnge. Riandi udde tawe wotongnge mawal᷊u.

2 TAWARIKH 21:7

arawe Mawu maddiri mamate ratu papapulunni Daud ana waugu I tou buatte na'ire manungku papapulunni Daud sarun uatatana'a uaparenta.

2 TAWARIKH 23:3

I mangitou naammule su Wal᷊en Mawu, wuṛṛu na'ireten Yoas ana'u ratu udde. Yoyada nabbisara si mangitou, “Eteindi sangkatou esakka ana'i Ratu Ahazia! Orassa indi i tou ṛinone itenega maola'a ratu, ana waugu Mawu buatte naddiandi manungku papapulunni Ratu Daud sidutu sarun uaparenta.

2 TAWARIKH 6:15

I'o buatte nanipussa paaire-Nu su iamangku Daud. Sarangkanambone apan nipa'ire-Nu udde buatte nimanara'u allo indi.

2 TAWARIKH 6:9

Arawe, wal᷊ine i'o, ewe'e ete anangngu apan sarun mapararisikku Wal᷊e-U udde.’

DARALO 89:29

I Tou sarun Ta'u rangnguanna saran mal᷊annu-l᷊annu, paaire-U si tou sidutu matohassa.

YESAYA 11:10

Tempone sarun dumanta sangkatou ratu pallaṛṛiten Daud maola'a punnu aellegu manga walahanna. I mangitou sarun dumanta ringanni tou, wuṛṛu tampa atatanaanne mangke raddaloanna.

YESAYA 9:7

Mawu buatte nangema'u ṛuumanna su araratuannu Israel.

YEREMIA 33:17

I Ya'u, Mawu, na'ire manungku sidutu sarun pia sangkatou wuassu papapulunni Daud apan maola'a ratun Israel;

DANIEL 12:2

Manambo suwallatti mangitou apan natete sarun tate mabbiakka apia; sambageanganna lai sarun aṛṛiaannu asasusa wuṛṛu atata'utta saran mal᷊annu-l᷊annu lai.

MATIUS 1:1

Ete indi arannu iupungngu al᷊amona Mawu Yesus Kristus, papapulunni Daud, papapulunni Abraham. Wuassi Abraham na'oman sara i Daud, arannu manga iupungngu al᷊amona Mawu Yesus Kristus ereindi:

LUKAS 1:32

I Tou sarun maola'a wahewa wuṛṛu sarun isago Ana'u Ruata Lembon Atanggaṛṛanne. Mawu Ruata sarun ma'ola'a si Tou ratu ere i Ratu Daud iupungngu al᷊amonane.

LUKAS 24:27

Wua'udde Mawu Yesus nanal᷊aate si mangitou apa apan uawoṛṛetta sulal᷊ummu Wuke Susi su ola'u wadang-Nge, manattakka wuassu wuke Musa wuṛṛu wuke manga nabi.

WATTI'U MANGA RASUL 13:36

I Daud natete wuṛṛu nilabingnga lai suadio'a ringannu iupungngu al᷊amonane, napawe i tou suete nammanara apa apan nirolokku Ruata si tou. Winal᷊unanni Daud naṛṛenessa wuṛṛu sarangkanambone nasuete.

WATTI'U MANGA RASUL 2:30

Ruata suete na'ire si Daud, ringannu sasalu, manungku sangkatou wuassu wallattu papapulunne sarun itenegu Ruata maola'a ratu. Ana waugu Daud masingkattu paaire udde wuṛṛu ana waugu i tou lai sangkatou nabi,

1 KORINTUS 15:51

Paatutuṛṛe addapingnga indi: Tawe sarangkanambone i ite sarun mate, arawe i ite sarangkanambone sarun wal᷊uanna.

TAHIUL᷊E 31:16

Wisaran Mawu si Musa, “Papatenu maranite. Su apapul᷊enu walahannu Israel maddirite tumuṛṛutta si Ya'u wuṛṛu lumawangke pa'aire apan Ta'u niola'a si mangitou. I mangitou sarun manantang-Ku wuṛṛu massubba manga Mawu apan sassubbanna su wanua apan tate mal᷊annu lai suttanni mangitou.

1 TESALONIKA 4:14

I ite mangngimanna manungku Mawu Yesus suete nate wuṛṛu nabbiakka apia. Ana waugu udde i ite mangngimanna lai manungku Ruata sarun mapaawiakku apia anambon taumata apan mangngimanna Mawu Yesus wuṛṛu apan natete, tadea'u i mangitou mabbiakka su sampunna ringanni Tou.