2 SAMUEL 7:10 - WUKE SUSI WATTI'U AL᷊AL᷊USASSA

^10-11 See lai pabbawala-U Israel buatte Ta'u nisaddianna tampa wuṛṛu Ta'u nirolokka i mangitou mamanua isudde, tadea'u i mangitou wotongnge mabbiakka ringannu matammudda, taweddu manal᷊awa'a lai. Ro'en i mangitou naranta su leta'a indi dorone, wuṛṛu lai Ta'u nitenega manga piaṛṛa'i mangitou, i mangitou buatte nipangaloannu manga taumata apan maapulun araṛṛagissa, arawe olangnge udde tawe nariaddi apia. I Ya'u maddiandi manungku i'o sarun marau wuassu al᷊awo'u hatin seetta, wuṛṛu i Ya'u lai sarun mangonggollu papapulunna si'o.

2 SAMUEL 7:10 ပူးပေါင်းရင်းမြစ်များ

2 MARARATU 21:8

Wuṛṛu amungkangu walahannu Israel maddaringikka anambon parenta-U wuṛṛu tuttuṛṛutta manga tita-U apan Ta'u nionggola si Musa allang-Ku, ne i Ya'u tawe mamalan mangitou limbuaṛṛanna wuassu wanua apan buatte Ta'u nionggola su al᷊amona mangitou.”

1 TAWARIKH 17:9

Su pabbawala-U Israel i Ya'u buatte nanaddia tampa maola'a pamamanuanni mangitou tadea'u i mangitou wotongnge mabbiakka matammudda taweddu manal᷊awa'a. Ro'en darantan mangitou watukku leta'a indi dorone, wuṛṛu ro'en i mangitou taambe datu, i mangitou nipangaloannu manga taumata apan mal᷊utu mapapangalo. Arawe olangnge udde tawe nariaddi apia. I Ya'u ma'ire sarun mamaddon anambon seennu, wuṛṛu i Ya'u sarun mangonggolu pallal᷊awanna si yamiu.

2 TAWARIKH 33:8

Amungkangu ṛuangannu Israel maddaringikka anambon parenta-U wuṛṛu tuttuṛṛuta tita apan nionggola si Musa allang-Ku si mangitou, ne i Ya'u tawe mamalan mangitou limbuaṛṛanna wuassu wanua apan buatte Ta'u nionggola su iupungngi mangitou.”

DARALO 44:2

Oh Ruata, i yami naaringikke sassane wa'e apan niwatti'u al᷊amonan kami su ola'u manara wahewalla apan buatte niolang-Ngu sutempo dorone.

DARALO 44:4

Leta'a udde tawe niaaṛṛon mangitou ringannu hal᷊ele; tawe ringannu atatohassa sassane i mangitou naauntunga, arawe ringannu taṛṛino wuṛṛu semakku daranta-Nu, ana waugu I'o uanaungnga al᷊aṛṛanang-Ngu.

DARALO 80:8

Oh Ruata Apan Lembontaṛṛino, uwusewe i yami; ellehe i yami ringannu naungnga mal᷊uassa, tadea'u i yami masal᷊amatta.

DARALO 80:9

Uman-Nu naahil᷊idda punnu anggore apan niingkan-Nu wuassu Mesir. Manga walahanna waine nilimbuaṛṛan-Nu, ana see alu udde nisuan-Nu su wanuan mangitou.

SASABANGNGA 1:22

Ana see ratu nangonggolu parenta indi su tumanangnge, “Suapan ana'a esakku taumatan Ibrani apan wakkute niasungkangnga ṛinone iramme su Sal᷊ukku Nil, arawe anambon anangnge wawine wotongnge iwala wiakka.”

SASABANGNGA 15:17

Ana see Israel niuntudda watukku tampa apan buatte nipile-Nu maola'a atatanaan-Nu. I mangitou namanua su wuiddu Mawu apan susi, su Wal᷊en apan buatte niolang-Ngu sassane.

YESAYA 5:2

I tou mammasolla letangnge wuṛṛu mandamme manga watune. I tou nassuannu anggore apan nipilene i tou napararisikku wal᷊en matanggakka pandiagganna. I tou naal᷊i sambau loṛṛangnga tampa pamakkannu anggore, ana see i tou naṛṛaddo wuane mal᷊aha arawe wuane ewe'e anggore apan mapakkadda.

YESAYA 5:7

Ana waugu waillu anggoru Mawu Apan Lembontaṛṛino uddewe umattu Israel, wuṛṛu manga taumatan Yehuda uddewe punnu anggore apan nisuan-Ne. Wuassi mangitou i Tou uaantimma atatul᷊idda, arawe tumba'u pia araṛṛagissa. I Tou uaantimma i mangitou mandisikku apapia, arawe tumba'u pia sasal᷊iomanna maddorongnga atatul᷊idda.

YESAYA 60:18

Tate lai batti'a su ola'u araṛṛagissa su wanuanu, su ola'u araṛṛimunsa'a ahahohakka su wageangngu letangngu. Naal᷊ihidda darandungnga i Ya'u ual᷊u'adda si'o, wuṛṛu i'o sarun maddalo si Ya'u mananal᷊amannu.

YESAYA 60:21

Tumana'u soanu mammanara ringannu ṛinone, i mangitou sarun manahuanna wanua saran mal᷊annu-l᷊annu. I mangitou naal᷊ihidda ranna cangkokka apan nisuang-Ku sassane, tadea'u mapal᷊iatta'u awawantu-U.

YEREMIA 18:9

Mawal᷊i'a, napawe i Ya'u makkawessa mamangunna ara'e manohassa sambau walahanna ara'e araratuanna,

YEREMIA 24:6

I Ya'u sarun mallu'adda si mangitou wuṛṛu mangapiddi mangitou apia su wanua indi. I Ya'u sarun mapararisikka, tawe makka'an mangitou; i Ya'u sarun massuanna, wal᷊ine mangabbutta si mangitou.

YEHEZKIEL 28:24

Mawu nabbisara, “Manga wanua al᷊indonganne apan buatte nallobbossa Israel, tate maola'a sambau roa'a wuṛṛu larangnga apan maataddu'a Israel. I mangitou sarun maatutukka manungku ete i Ya'u Mawu Apan Atanggaṛṛanne.”

HOSEA 2:18

Sutempo udde i Ya'u sarunma'ola'a paaire ringannu al᷊awo'u hatin binatangnga tadea'u i mangitou tate manal᷊asa'u uma-U. I Ya'u sarun mapaaddon al᷊awo'u pangalo wuṛṛu manahangginna manga ahiddu pangalo wuassu wanuan uma-U udde, wuṛṛu ma'ola'a si mangitou mabbiakka ringannu mal᷊angnganna wuṛṛu matammudda.

AMOS 9:15

I Ya'u sarun mapatana'u uma-U su wanua apan buatte Ta'u nionggolla si mangitou. I mangitou tate lai wambanganna wua poiaroddi. I Ya'u Mawu Ruatan mangitou buatte nabbisara.”

SONDAPPA 21:4

I tou sarun mamappasa alawo'u allo mata wuassu mata mangitou. Papate sarun tate lai, asasusa, lal᷊uai, ara'e al᷊aṛṛusa'itta tate lai. Manga inolaanna tabbe nawul᷊ite!”

MAL᷊AṚṚUUNGNGA 4:3

I Yabin uatahuanna 900 keretan pangalo wuassu atta'a. Ruan pul᷊o su tonnane al᷊annune i tou uaparenta taumatan Israel ringannu maṛaggissa. Wua'udde i mangitou sinumal᷊ande maiontolla su Mawu.

1 SAMUEL 13:17

Sutempo udde lai tatallu ammul᷊annu taṛṛa aṛṛo taumatan Filistin inaite wuassu paddasanannu Filistin inai mangaṛṛo; ammul᷊anne sambau inaite watukku Ofra su wageangngu leta'i Syual,