2 SAMUEL 6:21 - WUKE SUSI WATTI'U AL᷊AL᷊USASSA

²¹ I Daud sinumimbakka, “I ya'u massal᷊aingnga ana waugu mangngaddatta Mawu, apan buatte nanol᷊a'u iamangngu wuṛṛu amonanne, ana see namile si ya'u maola'a piaṛṛa'u Israel, al᷊aṛṛanang-Nge. Ana waugu udde i ya'u sidutu massal᷊aingnga ipangaddatta Mawu.

2 SAMUEL 6:21 ပူးပေါင်းရင်းမြစ်များ

2 SAMUEL 5:2

Ro'en dorone, ewe'e lai sutempo i Saul ta'e uaparenta si yami, masokka lai i Tuangnga mamiaṛṛa'u tantaran Israel napawe inaite mapapangalo, see lai Mawu buatte naddiandi si Tuangnga manungku ete i Tuangnga apan mamiaṛṛa'u al᷊aṛṛanang-Nge wuṛṛu maola'a ratun mangitou.”

2 SAMUEL 6:14

Wua'udde i Daud massal᷊aingke ringannu naungnga mal᷊uassa su ipangaddatta Mawu. Su orassa udde i tou tumba'u ual᷊uṛṛen nasa linen ma'autta wuṛṛu nireṛṛotta su tapanangnge.

2 SAMUEL 6:16

Sutempo Wantalla udde tantal᷊anna ia'apidda sumutta sulal᷊ummu soa, i Mikhal sinangianni Saul nallinge wuassu sungketa ana see naasilo si Ratu Daud sussolo'a wuṛṛu massal᷊aingnga ipangaddatta Mawu, ne i Mikhal maddantinna ma'asilo si Daud.

2 SAMUEL 6:22

Ewe'e lai ya'u mal᷊uassa al᷊uandahanna nangillembo lai wuassu tanginna. I'o wotongnge ma'ellega si ya'u mawawo, arawe manga allangnga apan nisaggonu tanginna, sarun mangaddatta si ya'u!”

2 SAMUEL 6:5

I Daud wuṛṛu anambon walahannu Israel niumamatta su saruannu Wantalla udde lapiddu massal᷊aingnga nallassa auatanna wuṛṛu mangngantari maddalo Mawu. I mangitou mannalangnga kecapi, gambus, rebana, kelentingan wuṛṛu simbal.

2 SAMUEL 7:8

Ana waugu udde, i Natan, pasingkata'e su allang-Ku Daud, manungku i Ya'u, Mawu Apan Lembontaṛṛino, nabbisara si tou, ‘I'o buatte Ta'u nial᷊appa wuassu manaranu mallu'adda domba su wadda'a wuṛṛu Ta'u nitenega maola'a ratun pabbawala-U Israel.

1 TAWARIKH 15:29

Sutempo Wantalla udde tantal᷊anna papasannananna sumutta sulal᷊ummu soa, i Mikhal sinangianni Saul nallinge wuassu jendela wuṛṛu naasilo si Ratu Daud tantal᷊anna massal᷊aingnga wuṛṛu lulluassa. Ne i Mikhal naapendamma mammuta ma'ellega si Daud.

WATTI'U MANGA RASUL 13:22

Napawe Ruata nanossokki tou wuassu aiananne, Ruata nanenegi Daud maola'a ratu mangitou. Wuṛṛu ete indi apan iwabal᷊on Ruata su ola'i Daud, ‘I ya'u suete naasomba si Daud ana'i Isai udde sangkatou apan ma'al᷊uassa naung-Ku. Tumba'u i tou taumata apan mangngamattu apulu-U.’

1 KORINTUS 10:31

Al᷊awo'u apa apan a'olaanni yamiu – tuṛṛangnga umanna ara'e tuṛṛangnga ma'inumma – ola'e sarangkanambone udde ipamantuga Ruata.

1 SAMUEL 13:14

Arawe orassa indi aratuanni Tuangnga tawe mal᷊annu. Ana waugu i Tuangnga tawe naddaringikka parentan Mawu, ne Mawu buatte namile taumata waine apan ipa'apulu-Ne itenega maola'a ratun pabbawala-Ne.”

1 SAMUEL 15:28

Ana see i Samuel nabbisarate si tou, “Su allo indi Mawu buatte nanggesa'a araratuannu Israel wuassi Tuangnga, wuṛṛu nionggola su taumata waine apan mappianne wuassi Tuangnga.

1 SAMUEL 16:1

Manga pira tempo wua'udde Mawu nabbisara si Samuel, “Ta'e sangkura lai al᷊annune i'o massusa ana waugu i Saul? Wal᷊inewe i tou tate nia'u naola'a sangkatou ratun Israel? Orassa indi, panganute lanan zaitun wuṛṛu roote watukku Betlehem, ringannu sangkatou aranne i Isai, ana waugu suwallattu sangkatou anangnge buatte Ta'u nipile maola'a ratu.”

1 SAMUEL 16:12

Ana see i Isai nandolokken sangkatou niapawago ana'a udde. Wutte'e i tou sangkatou saṛṛen tumuwo apan matohassa wuṛṛu tawe sangkulle, wuṛṛu matane maṛṛansangnga. Ana see Mawu nabbisarate si Samuel, “Ete i tou indi; teneha'e i tou!”