2 SAMUEL 6:20 - WUKE SUSI WATTI'U AL᷊AL᷊USASSA

²⁰ Sutempo i Daud napul᷊ete su wal᷊en araratuanne mangonggollu tabea su lal᷊oṛṛon bal᷊ene, i Mikhal sinumabbangnga naisasomban Daud wuṛṛu nabbisara, “Allo indi ratun Israel atonna-tonna na'ola'a watanganne a'addatanna! I tou buatte tinumantol᷊e naal᷊ihidda taumata longonna apan wagga masili su saruannu manga allangnga wawine tatahuanannu manga mamanaran araratuanna!”

2 SAMUEL 6:20 ပူးပေါင်းရင်းမြစ်များ

PANDARIADDI 18:19

I tou buatte Ta'u nipile tadea'u mamarenta al᷊aṛṛanangnge wuṛṛu papapulunne tadea'u tumuṛṛutta si Ya'u wuṛṛu ma'ola'a inolaanna mapia wuṛṛu matul᷊idda. Amungkangngu olange udde olaanni mangitou, al᷊awo'u pa'aire-U si Abraham sarun Ta'u tipusanna.”

2 SAMUEL 6:14

Wua'udde i Daud massal᷊aingke ringannu naungnga mal᷊uassa su ipangaddatta Mawu. Su orassa udde i tou tumba'u ual᷊uṛṛen nasa linen ma'autta wuṛṛu nireṛṛotta su tapanangnge.

2 SAMUEL 6:16

Sutempo Wantalla udde tantal᷊anna ia'apidda sumutta sulal᷊ummu soa, i Mikhal sinangianni Saul nallinge wuassu sungketa ana see naasilo si Ratu Daud sussolo'a wuṛṛu massal᷊aingnga ipangaddatta Mawu, ne i Mikhal maddantinna ma'asilo si Daud.

2 SAMUEL 6:18

Ana see i tou nangal᷊amatta tumana'u Israel ringannu arannu Mawu Apan Lembontaṛṛino.

2 SAMUEL 6:19

Wua'udde nattahia anna si mangitou sarangkanambone. Suapan taumata isudde mawae ete esakka ara'e wawine nionggol᷊annu sanduru ṛemessa apan buatte nitapa, roti wuṛṛu kukisse kismis. Wua'udde i mangitou sarangkanambone napul᷊ete su wal᷊ene sangkatou-sangkatou.

1 TAWARIKH 16:43

Wua'udde anambon taumata napul᷊ete watukku wal᷊ene sambau-sambau. Aroddi lai i Daud napul᷊ete naisasomban amonanne.

AYUB 30:8

I mangitou tawe aranne wuṛṛu tawe aregane, manga taumata apan buatte nilimbuaṛṛanna wuassu wanuane.

DARALO 101:2

I ya'u maapulu mattanno ola'u wiakka apan tawe sal᷊ane. Tingngerate I'o rumanta ringangku? I ya'u maapulu mabbiakka susi su wal᷊enu,

DARALO 30:1

Daralon Daud. Aantari ipassa'e Wal᷊en Duata.

MANNANASE 7:17

Arie lai tumaniten dal᷊eo ara'e tumaniten longonna. Apa hunane mate taambe tempone?

MARKUS 14:66

Tantal᷊anna Petrus ta'e su passalanganna, sangkatou wawine allangngu imam wahewa nirumanta isudde.

MARKUS 3:21

Manga taumata udde nabbisara, “I Tou nabewate!” Wuṛṛu napawe manga tuṛṛang-Nge naaringikka olangnge udde, i mangitou nirumanta nangal᷊appa si Tou.

YOHANES 13:6

Na'omate i Tou ringanni Simon Petrus, apan nabbisara, “Mawu, ṛatadde Mawu nangukkassa ledda'u?”

YOSUA 24:15

Unnu wisara i yamiu mattaṛṛamawu su Mawu, paaṛṛawesse allo indi lai, ete sisai yamiu maapulu mattaṛṛamawu; su manga Mawu waine apan sassubbannu iupungngu al᷊amonanu su Mesopotamia dorone, ara'e su manga mawun taumatan Amori apan wanuane atatanaanni yamiu orassa indi. Arawe yami – i ya'u wuṛṛu amonangku sarun tumba'u mattaṛṛamawu su Mawu sassane.”

MAL᷊AṚṚUUNGNGA 9:4

Wua'udde i mangitou nangonggolu pitu pul᷊o roitta sal᷊a'a apan nianu wuassu wal᷊en passubbanna su Baal-Berit. Ringannu roitta udde i Abimelekh nanewa sangkammul᷊anna manga taumata taṛṛa wawul᷊o maammulla ringanni tou,

1 SAMUEL 14:49

Manga ana'i Saul umbasanna eteudde i Yonatan, i Yiswi, wuṛṛu i Malkisua. Ana'a maṛṛuala pahul᷊u aranne i Merab wuṛṛu iapa aruane aranne i Mikhal.

1 SAMUEL 18:20

I Mikhal ana'i Saul maṛṛuala waine pian naungnga si Daud. Napawe i Saul naaringikka olangnge udde, i tou naapul᷊ute lai.