2 SAMUEL 6:19 - WUKE SUSI WATTI'U AL᷊AL᷊USASSA

¹⁹ Wua'udde nattahia anna si mangitou sarangkanambone. Suapan taumata isudde mawae ete esakka ara'e wawine nionggol᷊annu sanduru ṛemessa apan buatte nitapa, roti wuṛṛu kukisse kismis. Wua'udde i mangitou sarangkanambone napul᷊ete su wal᷊ene sangkatou-sangkatou.

2 SAMUEL 6:19 ပူးပေါင်းရင်းမြစ်များ

2 SAMUEL 6:18

Ana see i tou nangal᷊amatta tumana'u Israel ringannu arannu Mawu Apan Lembontaṛṛino.

2 SAMUEL 6:20

Sutempo i Daud napul᷊ete su wal᷊en araratuanne mangonggollu tabea su lal᷊oṛṛon bal᷊ene, i Mikhal sinumabbangnga naisasomban Daud wuṛṛu nabbisara, “Allo indi ratun Israel atonna-tonna na'ola'a watanganne a'addatanna! I tou buatte tinumantol᷊e naal᷊ihidda taumata longonna apan wagga masili su saruannu manga allangnga wawine tatahuanannu manga mamanaran araratuanna!”

1 MARARATU 8:66

Su allo aual᷊une i Salomo nandolokku manga taumata nabbelengke su wal᷊en mangitou ringannu naungnga apan lullala'a, ana waugu anambon al᷊amatta apan buatte nionggollu Mawu su allang-Nge i Daud wuṛṛu su walahannu Israel uman-Ne.

1 TAWARIKH 16:3

ana see nattahia anna si mangitou sarangkanambone. Suapan taumata isudde mawae ete esakka aroddi lai wawine naasomba sanduru ṛemessa buatte tinapa, roti wuṛṛu kismis.

1 TAWARIKH 16:43

Wua'udde anambon taumata napul᷊ete watukku wal᷊ene sambau-sambau. Aroddi lai i Daud napul᷊ete naisasomban amonanne.

2 TAWARIKH 30:24

Ratu Hizkia nangonggolu 1.000 sapi esakka wuṛṛu 7.000 domba. Manga mamanaran araratuanni Hizkia nangonggolu 1.000 sapi esakka wuṛṛu 10.000 domba. Winatangnga sarangkanambone udde nionggola su tumana'u soa iapaṛṛata wuṛṛu inasanna. Tumaniten manambo imam napasusin batanganne.

2 TAWARIKH 7:10

wuṛṛu tiṛṛabbine, su allo 23 wul᷊anna appitune, Salomo nandolokku manga taumata udde niapaapul᷊e. I mangitou lulluassa su sarangkanambone apan mapia apan buatte niola'u Mawu su walahannu Israel al᷊aṛanang-Nge, si Daud wuṛṛu si Salomo.

NEHEMIA 8:10

Orassa indi apul᷊ete; ante wuṛṛu pa'inumpe ringannu lullala'a. Onggol᷊a'e sambageanganna wuassu anna wuṛṛu anggorenu si mangitou apan awussa. Allo indi allo apan niṛṛae su Mawu kite, nariaddi arie paasusa. Al᷊al᷊uassa apan nionggollu Mawu si yamiu sarun manohassa si yamiu.”

ANTARI MAWANTUGA 2:5

Tohassawe i ya'u ringannu temangngu wuan anggore, tohassawe i ya'u ringannu wuan apel, ana waugu i ya'u maradda'u paapulu.

YEHEZKIEL 45:17

Ete i tou apan ṛinone mamalli winatangnga maola'a sasamba itattambunna wuṛṛu manga saranapa olaanna sasamba gandumma wuṛṛu sasamba anggore su anambon balahannu Israel su allo-allo wahewalla, Ramean Bul᷊anna Wakku, manga allon Sabat wuṛṛu manga allo wahewalla waine. I tou ṛinone manaddia sasamba aampungnga rosa, sasamba gandumma, sasamba itattambunna, wuṛṛu sasamban paddarame ipaddorongnga aampungnga su walahannu Israel.”

HOSEA 3:1

Mawu nabbisara si ya'u, “Roote apia wuṛṛu pandangngute sangkatou wawine apan apulune sussandaga. Pandangngute si tou ere lai i Ya'u mandangngu sangkatou Israel salaiwe i mangitou nanantang-Ku wuṛṛu massubba manga paaluanna waine see lai apulune mangonggollu kukisse kismis su monganna.”

WATTI'U MANGA RASUL 20:35

Sulal᷊ummu al᷊awo'u hatto, i ya'u suete nanul᷊adda si yamiu manungku ringannu mammanara maṛṛimadda ereindi, i ite ṛinone mantul᷊ungngu manga taumata lome. Ana waugu i ite ṛinone mannaungnga apa apan suete niwal᷊o Mawu Yesus, ‘Lembon su lal᷊umanna'a i ite mangonggolla, wuassu i ite manengkamma.’ ”

EFESUS 4:8

Sulal᷊ummu Wuke Susi uawoṛṛetta, “Su tempo i Tou niumawitta su tampa apan atanggaṛṛanne, I Tou uaapiddu manambo taumatan ṛuumanna; wuṛṛu i Tou nangonggolu manga aonggola su taumata.”

YOSUA 22:6

Wua'udde i Yosua nangimpal᷊ukka wuṛṛu nandolokki mangitou mabelengnga watukku leta'a wageangngi mangitou ringannu nangonggolu tanata indi, “I yamiu orassa indi naalate wuṛṛu i yamiu mabelengnga ringannu uaapiddu manambo winatangnga, sal᷊a'a, wul᷊awanna, witu'a, atta'a wuṛṛu laubba. Tahiate lai manga hessin inasaharannu su manga taumata waine ṛuanganna sambau.” Ne ṛuanganni Ruben, i Gad wuṛṛu ṛuanganna Manasye su samba'an ra'in Yordan udde nanantangngu taumatan Israel waine, wua'udde inaite watukku Silo su Kanaan mattudda leta'i mangitou sassane su wageangngu Gilead. I mangitou namanua su leta'a udde wuassu parenta Mawu si Musa. (Sambageanganna ṛuanganni Manasye buatte nanengkamma wuassi Musa, leta'a su samba'an ra'in Sal᷊ukku Yordan, wuṛṛu sambageanganna ṛuanganni Manasye waine, nanengkamma wuassi Yosua leta'a su samba'an baṛṛatu Sal᷊ukku Yordan su sampunna ringannu manga ṛuanganna waine.)