2 SAMUEL 3:39 - WUKE SUSI WATTI'U AL᷊AL᷊USASSA39 Salaiwe i ya'u indi ratu apan nipilen Duata, arawe orassa indi ya'u naapendamma nallome. Manga ana'i Zeruya udde tumaniten maṛṛagissa. I ya'u tawe maatokki mangitou. Doronganna Mawu makkuumannu taumata lal᷊eo udde, uasul᷊ungngu inolaanni mangitou!” အခန်းကိုကြည့်ပါ။ |
I Daud na'ola'a sarangkanambone udde ana waugu i tou maṛṛingidda arendi; “I ya'u ṛinone mandiahi saranapa apan pappandumanna ipandarisikku Wal᷊en Mawu. Ana waugu i Salomo parinsi-U ta'e dario'a wuṛṛu addio'a asingkanne, arawe Wal᷊en Mawu apan iapararisikke ṛinone apianne wuṛṛu tumelengnga su ahewallu runia.” Ne tantal᷊anna i Daud taambe nate, i tou nanaddia manambo atonna aola'u wangunanna.
Ana see i Ratu Daud nabbisarate su anambon taumata apan uaammulla isudde, “Wuassu anambon parinsi'u, tumba'u i Salomo apan nipilen Duata. Arawe i tou ta'e tumaniten dario'a wuṛṛu ta'e woddo ara'e longonna, see lai manara indi tumaniten wahewalla. Ana see lai apa sarun iaparisikka indi wal᷊ine wal᷊en araratuannu taumata, ewe'e Wal᷊en Mawu Ruata.
Ana waugu tembonanne udde, allangngu Ruata apan mammanara hunane ipadde'a apapianu. Arawe amungkangngu i'o ma'ola'a al᷊al᷊eo, i'o ṛinone mata'utti tou, ana waugu wal᷊inewe tawe mangal᷊ene i tou maṛṛuumannu taumata. Ete i tou allangngu Ruata, apan mangngonggolu ṛuumannu Ruata su manga taumata apan ma'ola'a al᷊al᷊eo.