2 SAMUEL 3:31 - WUKE SUSI WATTI'U AL᷊AL᷊USASSA

³¹ Wua'udde i Daud namarenta si Yoab wuṛṛu tantarane tadea'u manggesa'a laubbi mangitou, wuṛṛu malluṛen nasa lullal᷊o lapiddu lumuain Abner. Ne sutempo i mangitou nanguntuddu asuangnga, i Ratu Daud sassane u'amatta su liuddu asuangnga.

2 SAMUEL 3:31 ပူးပေါင်းရင်းမြစ်များ

PANDARIADDI 37:29

Napawe nabelengnga su paṛṛihi udde wuṛṛu tawe naasilo si Yusuf isudde, i tou nanggesa'a laungnge ana waugu massusa.

PANDARIADDI 37:34

I Yakub nanggesa'a laungnge ana waugu massusa wuṛṛu nalluṛṛen laubbu lalal᷊o. Aroddi al᷊annune i tou lulluain anangnge udde.

2 SAMUEL 1:11

Naaringikka watti'a udde i Daud nanggesa'a laungnge ana waugu massusa, wuṛṛu anambon tantarane na'ola'a aroddi lai.

2 SAMUEL 1:2

Tiṛṛabbine, nirumantate sangkatou umbasanna wuassu paddasananni Saul. Maola'a tatiala lullal᷊o i tou nanggesa'a laungnge wuṛṛu nangaddon leta'a su wowon puane. I tou inaite ringanni Daud wuṛṛu niumal᷊intudda su saruanne.

1 MARARATU 20:31

Manga piaṛṛa'u tantarane nirumanta ringanni tou wuṛṛu nabbisara, “Unu taumata, manga ratun Israel uddewe manga ratu apan maakkanna, ana waugu udde, wala'e yami sumaruanna ratun Israel ringannu malluṛṛen laubba karongnga maola'a tatialan sasassila wuṛṛu tal᷊i su ullekka maola'a tatiala masuṛṛubbawa. Antimanna i tou tawe mamate si Tuangnga.”

1 MARARATU 21:27

Napawe i Elia nuddusse nabbisara, i Ahab nanggesa'a laungnge wuṛṛu nalluṛṛen laubba karongnga naola'a tatiala sussassilla, ana see nappuassa. Sutempo mati'illa lai i tou nappaattu nasa karongnga, wuṛṛu amungkangngu umamatta, hatine sidutu massusa.

2 MARARATU 19:1

Sutempo i Ratu Hizkia naaringikka aalae wuassu siri tallu udde, i tou nanggesa'a launge wuṛṛu nalluṛṛen nasa karonga tatialan massusa, ana see i tou inaite watukku Wal᷊en Mawu.

2 MARARATU 19:2

Wua'udde i tou nandolokki Elyakim, tembonannu wal᷊en araratuanna, i Sebna mamamoṛṛettu wanua, wuṛṛu manga imam apan timmadete, iapasasomban Yesaya ana'i Amos. I mangitou nalluṛṛen nasa karonga.

LUKAS 7:14

Wua'udde Mawu Yesus nangundaniten tampan asuangnga udde wuṛṛu namita. Ne manga mamamasanna nattaalle. Mawu Yesus nabbisara, “Ei umbasanna, i Ya'u mabbisara si'o pabbangunna!”

YOSUA 7:6

I Yosua wuṛṛu manga piaṛṛa'u ṛuangannu Israel mangke massusa na'oman sara i mangitou nanggesa'a laubbi mangitou, wuṛṛu su al᷊o'engngu allo maddatingu ṛabbi i mangitou u'al᷊intudda su saruannu Wantalu Pa'aire Mawu ringannu nangaddon awu su pua mangitou maola'a sambau tatiala massusa.

SONDAPPA 11:3

I Ya'u sarun mandolokku ruang katou tiala-U apan ual᷊uṛṛem peddeta ilallal᷊o, wuṛṛu i mangitou sarun mamasingkatu watti'u Ruata al᷊annune 1260 su allone.”

MAL᷊AṚṚUUNGNGA 11:35

Aroddi i Yefta naasilo, i Yefta mangke nasusa na'oman sara i tou nanggesa'a laungnge, lapiddu nabbisara, “Uare ana'u, naungku natuno! Anio ete i'o napaasusan naungku? I Ya'u buatte nassalu su Mawu, wuṛṛu i ya'u tate maapangul᷊en bisara'u apia!”