2 SAMUEL 24:25 - WUKE SUSI WATTI'U AL᷊AL᷊USASSA

²⁵ Ana see i Daud napararisikku mezbah Mawu isudde wuṛṛu nangonggollu sasamba itattambunna see lai sasamba paddarame. Mawu naddaringikka aal᷊iomanni Daud, ana see nasuete radda'a udde su Israel.

2 SAMUEL 24:25 ပူးပေါင်းရင်းမြစ်များ

PANDARIADDI 12:7

Mawu naipasilon batangan-Ne si Abram wuṛṛu nabbisara si tou, “Ete indi wanua apan Ta'u ionggolla su papapulunnu.” Ana see i Abram napararisikku sambau mezbah hunan Mawu apan buatte naipabilon batangan-Ne si tou.

PANDARIADDI 22:9

Napawe itarua na'omate su tampa apan niwal᷊on Duata si Abraham, i tou napararisikku sambau mezbah wuṛṛu nangatokku alu udde su wowone. Ana see i tou nakkapussa ana'a wuṛṛu niapal᷊allowanga su mezbah, su wowon alu udde.

PANDARIADDI 8:20

I Nuh napararisikku sambau mezbah hunan Mawu. I tou nanganu sambau su wallattu manu'u winalanganna wuṛṛu winatangnga waine apan tawe ipappalli, ana see nionggolla su Mawu naola'a sambau sasamba itattambunna su wowon mezbah udde.

2 SAMUEL 21:14

Wua'udde manga duṛṛin Saul wuṛṛu Yonatan see lai duṛṛin siri pitu taumata udde nilabbinga sulal᷊ummu labbingi Kish iamangngi Saul su Zela su wageangngu leta'i Benyamin. Napawe sarangkanambone buatte nimanara ere su parentan ratu, Ruata naddaringikka aal᷊iomanni mangitou su ipanilla'uppa wanua udde.

2 SAMUEL 24:14

I Daud sinumimbakka, “Uare! Nasilakate i ya'u! Arawe wuassu i ya'u iṛṛuumannu taumata, mappianne i ite sarangkanambone iṛṛuumannu Mawu, ana waugu wahewalla darangngu-Ne.”

1 MARARATU 1:1

I Ratu Daud timmaddete atonna. Salaiwe i tou aoosannu nasa maappalla, i tou mangke sidutu aamansungeanna.

YEHEZKIEL 16:42

Wakkute udde asasa'u-U umompo'a, wuṛṛu sarun maola'a matammuda apia. I Ya'u tate masa'u apia ara'e mallu'adda.

REENGANNA 17:13

Amungkangngu taumata apan mangundanin Dasannu Mawu ṛinone mate, ne yami lai tate antimma!”

MAL᷊AṚṚUUNGNGA 21:4

Tiṛabbine marua allo atonna, walahannu Israel napararisikku sambau mezbah isudde, ana see nangonggolu sasamba itattambunna wuṛṛu sasamban paddarame su Mawu.

MAL᷊AṚṚUUNGNGA 6:24

Ana see i Gideon napararisikku sambau mezbah poiaroddi wuṛṛu nisaggo “Mawu Punnu Al᷊al᷊uassa”. Mezbah udde sara orassa indi ta'e poi su Ofra, eteudde soan taumatan Abiezer.

1 SAMUEL 13:9

Ana waugu udde i tou nabbisara si mangitou, “Apira'e inawarendi sasamba itattambunna wuṛṛu sasamban paddarame udde.” Ana see i tou sassane nangonggollu sasamba itattambunna udde.

1 SAMUEL 14:35

Ana see i Saul napararisikku mezbah su Mawu; eteudde mezbah paarorone niolangnge.

1 SAMUEL 7:17

Wua' isudde i tou sidutu mappul᷊e watukku wal᷊ene su Rama. Poiaroddi i tou naola'a mallaṛṛuungngu taumatan Israel wuṛṛu lai nallanginnu sambau mezbah su Mawu.

1 SAMUEL 7:9

Ana waugu udde i Samuel naṛṛata sambau domba anangnge, ana see nionggola maola'a sambau sasamba itattambunna su Mawu. Wua'udde i tou niumal᷊iomanna tadea'u Mawu mantul᷊ungngu taumatan Israel, ne aal᷊iomanne udde niraringiṛṛanna.