2 SAMUEL 24:24 - WUKE SUSI WATTI'U AL᷊AL᷊USASSA

²⁴ Arawe ratu sinumimbakka, “Arie! Tampa indi ta'u wallianna. I ya'u maddiri mangonggolla su Mawu Ruata'u sambau saranapa apan niasombanganna ringannu tawe sahadde.” Ana see i Daud namallite tampa pakkindanna gandumma wuṛṛu manga sapi udde ringannu aregane liman pul᷊o roitta sal᷊a'a.

2 SAMUEL 24:24 ပူးပေါင်းရင်းမြစ်များ

PANDARIADDI 23:11

“Walahangku sassane maola'a matatialane manungku wailla udde suadio'a ringannu liangnge ta'u ionggolla tadea'u i Tuangnga wotongnge mallabingngu awingngi Tuangnga.”

PANDARIADDI 23:13

wuṛṛu ringannu dararingiṛṛannu anambon taumata, i tou nabbisara si Efron, “Sal᷊andeanna daringiṛṛe'o i ya'u. I ya'u maapulu mamalli ahewallu wawail᷊annu udde. Sengkampe roinne, tadea'u i ya'u mallabingngu awingku isudde.”

PANDARIADDI 23:16

I Abraham naapuluten arega udde. I tou nandeengngu roitta sal᷊a'a anambone ere nisagon Efron, eteudde appatu ṛasutta roitta sal᷊a'a, tumuṛṛuttu aul᷊aanna ara'e uṛṛanna apan ipappaattu manga mabbawal᷊u'a. Ana see i tou namaekke si Efron, ringannu aellehannu anambon taumatan Het udde.

1 TAWARIKH 21:1

Setanna maapulu manilaka taumatan Israel; ana waugu udde i tou nassal᷊o'i Daud tadea'u ma'ola'a pandareengnga.

1 TAWARIKH 22:1

Ne i Daud nbbisara, “Ete sutampa indi ṛinone iapararisikka Wal᷊en Mawu Ruata. Wuṛṛu ete su mezbah indi taumatan Israel ṛinone mangonggolu sasamba itattambunna hunane su Mawu.”

ROMA 12:17

Amungkangngu taumata mandal᷊eo si'o, arie wal᷊isannu al᷊al᷊eo. Ola'e apa apan mapia su aellegu awadaalla.