2 SAMUEL 24:17 - WUKE SUSI WATTI'U AL᷊AL᷊USASSA

¹⁷ I Daud naasilo mala'ekatta apan tantal᷊anna mammate tumanangnge udde, ana see i tou nabbisara Mawu, “Ete i ya'u apan marosa ana waugu i ya'u apan na'ola'a pasasal᷊a udde. Arawe apate pasasal᷊an walahanna nasusa udde? Ṛuumana'e i ya'u wuṛṛu amonangku!”

2 SAMUEL 24:17 ပူးပေါင်းရင်းမြစ်များ

PANDARIADDI 18:23

I Abraham nangundani Mawu wuṛṛu naiwal᷊o, “Atonnate Mawu mamate taumata apan tawe sal᷊ane suadio'a ringannu taumata apan pia sal᷊ane?

PANDARIADDI 44:33

Nariaddi, allangngu sumal᷊ande, Tuangku, walaawe allangngu matana'a isindi maola'a allangngi Tuangku manal᷊i tuaring kami indi; wala'e i tou mapul᷊e suadio'a ringannu manga iaangnge.

2 SAMUEL 12:13

Ana see i Daud nabbisara si Natan, “I ya'u buatte na'ola;'a rosa su saruannu Mawu.” I Natan sinumimbakka, “Mawu buatte nangampungnga pasasal᷊an Tuangnga; nariaddi i Tuangnga tawe mate.

2 SAMUEL 24:10

Arawe napawe i Daud buatte nandeengngu walahanna udde, i tou naapendamma pasasal᷊a, wua'udde i tou nabbisarate Mawu, “Oh Mawu, i ya'u tumaniten marosa! Ampungewe i ya'u, ana waugu inolaangku udde tumaniten longonna.”

2 SAMUEL 7:8

Ana waugu udde, i Natan, pasingkata'e su allang-Ku Daud, manungku i Ya'u, Mawu Apan Lembontaṛṛino, nabbisara si tou, ‘I'o buatte Ta'u nial᷊appa wuassu manaranu mallu'adda domba su wadda'a wuṛṛu Ta'u nitenega maola'a ratun pabbawala-U Israel.

1 MARARATU 22:17

I Mikha nabbal᷊issa, “I ya'u naasilo tantaran Israel nassal᷊iawukka su manga wowone. I mangitou naal᷊ihidda domba tawe mallal᷊u'adde, wuṛṛu Mawu nabbisara su ola'i mangitou, ‘Manga taumata indi tawe piaṛṛangnge. Wala'e i mangitou mapul᷊e ringannu sal᷊amatta.’ ”

AYUB 42:6

Ana waugu udde i ya'u massili mannaungnga al᷊awo'u wisara'u wuṛṛu ringannu sussasilla i ya'u niuma'ianna sulal᷊ummu awu wuṛṛu leta'a.”

AYUB 7:20

Ei Mandariaga'u, marugite I'o ana waugu rosa'u? Anio I'o nappaattu maola'a tataṛṛangannu anaan-Nu? Aroddi awakkanne i ya'u maola'a winabbawa-Nu?

DARALO 32:5

Ana see i ya'u nanga'ute rosa'u Si'o, pasasal᷊a'u taweddu ta'u niwuni. I ya'u nakkawessa, sarangkanambone a'uanna Si'o, ne I'o nangampunga rosa'u.

DARALO 44:11

I'o namalan kami tinumal᷊angu watanganni yami wuassu seetti yami, wuṛṛu i mangitou nangaṛṛo darotongngi yami.

DARALO 74:1

Antari tatantiro Asaf. O Ruata, sarangkal᷊o'engnge I'o manantangngi yami? Anio I'o sidutu massa'u al᷊aṛṛanang-Ngu sassane?

DARALO 78:71

wuassu tampa i Tou uapadul᷊i inangngu domba, ipamiaṛṛa'u Israel al᷊aṛṛanang-Nge.

SASABANGNGA 10:16

Ratu ringannu mal᷊ihakka namaggo si Musa wuṛṛu si Harun ana see nabbisara, “I ya'u narosate su lantakku hatin Duatanu wuṛṛu su saruanni yamiu.

YESAYA 6:5

Wua'udde i ya'u nabbisara, “Nasilakate! Tate antimma lai si ya'u, ana waugu moṛṛongku kotore ana waugu rosa, wuṛṛu i ya'u uatana'e su pattangngannu walahanna ereudde lai. Sallaiwe aroddi, ringannu mata'u sassane i ya'u buatte naasilo Ratu, Mawu Apan Lembontaṛṛino!”

YUNUS 1:12

Yunus sinumimbakka, “Rammea'e i ya'u sulal᷊ummu tahal᷊oangnga, ne tandi'a sarun umol᷊o. Ana waugu orassa indi i ya'u masingkatte, manungku ete i ya'u apan naaola'a tandi'a wahewalla indi naṛṛia'a si yamiu.”

ZAKARIA 13:7

Mawu Apan Lembontaṛṛino nabbisara, “Darisikke, ei hal᷊ele, wuṛṛu pangaloite mallal᷊u'adda apan mammanara ringang-Ku! Patete i tou, ne manga domba sarun massal᷊iawukka. I Ya'u sarun mamangalo uma-U,

REENGANNA 16:22

Arawe i Musa wuṛṛu i Harun niumal᷊intudda nassubba wuṛṛu nabbisara, “Oh Ruata, tumba'u I'o apan mangngonggolu sasangngo su al᷊awo'a apan biakka. Amungkangngu tumba'u sangkatou apan narosa, apa I'o masa'u lai su anambon ṛuanganna?”