2 SAMUEL 24:15 - WUKE SUSI WATTI'U AL᷊AL᷊USASSA

¹⁵ Ne Mawu nandantan radda'a su taumatan Israel nanattakka wuassu marua'allo udde naddatingngu tempo apan buatte nitantun-Ne. Su ahewallu Israel 70.000 suatoune nate.

2 SAMUEL 24:15 ပူးပေါင်းရင်းမြစ်များ

2 SAMUEL 24:2

Ana see i Daud nabbisarate si Yoab tembonannu tantarane, “Roote suadio'a ringannu manga piaṛṛa'u tantaranu su anambon walahannu Israel su ahewallu wanua wuṛṛu pa'ola'e pandareengnga. I ya'u mappulu maasingkatta anambon mangitou.”

1 TAWARIKH 21:14

Ne Mawu nandantan saidalu su taumatan Israel na'oman sara 70.000 su atoune nate.

1 TAWARIKH 27:24

I Yoab ana'i Zeruya mannattakke ma'ola'a pandareengnga, arawe i tou tawe naapanginsue, ana waugu Ruata nakkuumannu taumatan Israel, waugu pandareengnga udde. Ana waugu udde anambon reenganni mangitou tawe niwoṛṛetta sulal᷊ummu Wuken Ratu Daud.

YESAYA 37:36

Ṛabbi udde lai mala'ekattu Mawu nirumanta su paddasanannu taumatan Asyur wuṛṛu namate 185.000 su atoune tantara. Tiṛṛabbine marua allo manga winal᷊unanni mangitou uatal᷊eṛṛonga.

HABAKUK 3:2

I ya'u naaringikka su ola'u inolaan-Nu, ne apendamma mal᷊angnganna namene naungku. Antimanna inolaanna wahewalla udde isule-Nu apia wuṛṛu iapal᷊iattang-Ngu sutempon kami indi. Ṛinone I'o umakkanni yami salaiwe naung-Ngu mal᷊oso.

REENGANNA 25:9

Arawe tantal᷊anna udde ingana'a nate 24.000 su atoune.

MATIUS 24:7

Walahanna sambau sarun mamangalo lumawangnga walahanna waine, wuṛṛu araratuanna sambau sarun mamangalo araratuanna waine. Su al᷊awo'u tampa sarun mariaddi al᷊al᷊unussa wuṛṛu linukka.

SONDAPPA 6:8

I ya'u na'ellega, see niasiloangku sambau awal᷊o hatine namillosa. Sumasa'ene aranne Papate. Wuassu liudde, i tou tatantalongannu Runiam Papate marani-rani. Taṛṛino su wageangnge aiappane su runia indi tinantilla si mangitou, tadea'u i mangitou wotongnge mamate sulal᷊ummu pangalo, sulal᷊ummu ṛutumma, ara'e al᷊aṛṛusa'itta wuṛṛu wuassu manga winatangnga mal᷊aṛṛaga.

1 SAMUEL 6:19

Arawe ana waugu taumatan Bet-Semes udde nangintanno sulal᷊ummu Wantallu Paairen Mawu, pitun pul᷊o su atoune suwallatti mangitou nipaten Mawu. Ana see tumana'u soa nilumal᷊o ana waugu Mawu nandanta si mangitou sambau asasilaka apan aroddi ahewalle.