2 SAMUEL 23:5 - WUKE SUSI WATTI'U AL᷊AL᷊USASSA

⁵ Aroddi lai papapulungku nial᷊amatannu Ruata, pa'aire-Ne si ya'u, tawe mawal᷊u, pa'aire-Ne udde mal᷊annu-l᷊annu wuṛṛu nasuungnga, mangke sidutu uaatokka su sarangkanambone. Ruata uariaga auntungangku wuṛṛu nangutungngu al᷊awo'u apulun naungku.

2 SAMUEL 23:5 ပူးပေါင်းရင်းမြစ်များ

PANDARIADDI 9:16

Napawe randipakka asiloanna su winabbawa, i Ya'u sarun ma'ellega wuṛṛu mannaungnga paaire-U sarangkal᷊o'enge ringannu al᷊awo'u riadianna wiakka su runia.

2 SAMUEL 12:10

Ana waugu i'o tawe tinumuṛṛutta si Ya'u wuṛṛu i'o nanganu awingngi Uria, ne suapan papapulunnu piaddu mate iapate.

2 SAMUEL 13:14

Arawe i Amnon maddiri maddaringikka, ne ana waugu i tou mattohasanna, tuarine udde niwata'a ringannu atatohassa, ana see i tou natatambaten tou.

2 SAMUEL 13:28

I tou namarenta manga allangnge, “Paellehe paapia-pia, napawe i Amnon wu'ante ana waugu na'inumma anggore, i ya'u sarun mamarenta, wua'udde patete i tou. Arie pa'ata'utta. I ya'u te sumaruanna olangnge udde. Pammanarate ringannu waṛṛani wuṛṛu imbaṛṛangnga mapapaddua!”

2 SAMUEL 18:14

“Uddita'e! Tempo masuete tumba'u uasasimbakku,” wisaran Yoab. Ana see i Yoab nanganu sambeangnga tallun bua ana see nipanta'a su sabba'i Absalom apan orassa udde ta'e ua'ele wiakka su alu.

2 SAMUEL 7:12

Allo addantane, napawe nia'omante papatenu, wuṛṛu i'o ilabbinga su labbingu al᷊amonanu, sangkatou wuassu anangngu esakka sarun Ta'u itenega maola'a ratu. Ete i tou apan mapararisikku wal᷊e-U. Araratuanne sarun Ta'u tohassanna wuṛṛu saran mal᷊annu-l᷊annu sangkatou papapulunne sarun mamarenta maola'a sangkatou ratu.

2 SAMUEL 7:18

Ana see i Ratu Daud sinumutate sulal᷊ummu Rasannu Mawu. I tou niuma'ianna wuṛṛu niumal᷊iomanna, “Oh Mawu Apan Atanggaṛṛanne, i ya'u wuṛṛu amonangku tawe sulal᷊anne manengkamma al᷊awo'u apapia apan niapasilo-Nu si ya'u su al᷊annune indi.

1 MARARATU 1:5

Ana waugu i Absalom natete, ne i Adonia, ana'i Daud aruane naola'a aiaanganne. Inangnge aranne i Hagit. I Adonia uddewe sangkatou apan maṛṛansangnga. Iamangnge tawe saran paassa namul᷊o si tou amungkangngu i tou ma'ola'a pasasal᷊a. I Adonia mappulu atonna maola'a ratu, ne i tou nanaddia hunan batanganne manambo keretan pangalo wuṛṛu tantara uasa'e awal᷊o see liman pul᷊o tantara uariaga si tou.

1 MARARATU 11:38

Amungkangngu i'o, ere allang-Ku Daud, mangke matuṛṛutta si Ya'u see mabbiakka tumuṛṛuttu manga tita-U, wuṛṛu ma'al᷊uassa naung-Ku ringannu ma'ola'a sarangkanambone apan Ta'u niparenta si'o, ne i Ya'u sidutu uarundinganna si'o. I Ya'u sarun ma'ola'a si'o ratun Israel. I Ya'u sarun maddiandi manungku papapulunnu sarun maola'a ratun Israel mallol᷊ossa si'o, ere buatte Ta'u niola'a lai si Daud.

1 MARARATU 12:14

Uasul᷊ungu tatantiron manga taumata saṛṛentumuwo, i tou nabbisara, “Iamangku nangonggolla si yamiu winabbawa apan mawakkatta, arawe i ya'u sarun ma'ola'a winabbawa udde lembon mabbakkatanne lai. I tou manggesekka si yamiu ringannu sambokka, arawe i ya'u sarun mamabballa si yamiu ringannu sambokka larangnge atta'a!”

DARALO 111:9

I Tou namallossu al᷊aṛṛanang-Nge, wuṛṛu nakkiinnu paaire apan tawe pangudusanne si mangitou. Ete i Tou Mawu apan na'ukkassa wuṛṛu matohassa!

DARALO 119:81

Naungku mangke luṛṛintulun asasal᷊amatta wuas-Si'o; i ya'u uaantimma paaire-Nu.

DARALO 27:4

Tumba'u sambau apan ta'u doronganna su Mawu, tumba'u indi apan ta'u ipaapulu: matana'a su Wal᷊en Mawu su al᷊o'engngu pabbiaṛangku, tadea'u maapendamma apapian Mawu wuṛṛu sumal᷊ande aehen-Ne.

DARALO 62:2

Ringannu matammuda niawa'u uaṛṛaddo Ruata, tumba'u wuassi Tou sassane asasal᷊ama'u.

DARALO 89:3

Ana waugu i ya'u masingkatta darangngu-Nu tawe panginsueanne, apapia-Nu matohassa ere langitta.

YESAYA 11:1

Pallaṛṛiten Ratu Daud ere alu apan buatte nituwangnga. Arawe su ereapa wuassu tuidde tinumuwo solla wakku, aroddi lai wuassu pallaṛṛiten Daud sarun sumabbangnga sangkatou ratu.

YESAYA 27:6

Sutempo apan addantane, walahannu Israel naal᷊ihidda punnu alu apan nakkamutta wuṛṛu nabbalaga, see namene runia ringannu manga wuane.

YESAYA 4:2

Sarun dumanta tempone Mawu ma'ola'a suapan sinuananna wuṛṛu aaluanna tumuwo maola'a masallakka wuṛṛu maṛṛansangnga su wanua indi. Su allo udde taumatan Israel apan naralukka sarun mamendamma al᷊al᷊uassa waugu hessin pangitinganna.

YESAYA 54:10

Salaiwe manga wowone manga wuidda umio'a, i Ya'u tawe illol᷊one tumal᷊antummu. Pa'airen paddarame-U sidutu Ta'u aggasanna,” wisara Mawu apan mandangngu si'o.

YESAYA 55:3

Paddaringikke, ei pabbawala-U, rantate ringang-Ku, i yamiu sarun Ta'u onggol᷊annu wiakka tutune. Ringannu darangngu wuṛṛu tatuṛṛutta apan pina'ire-U si Daud, i Ya'u nangiittu riandi apan tawe auddusanne si yamiu.

YESAYA 61:8

Mawu nabbisara, “I Ya'u marangngu atatul᷊idda wuṛṛu maddantinnu pangangallanga se'e lai al᷊al᷊eo. I Ya'u sarun mangonggollu hadinu ringannu uaatokka, wuṛṛu mangiittu paddariandi sarangkal᷊o'enge ringanni yamiu.

YESAYA 7:14

Orassa indi, Mawu sassane sarun mangonggollu tatiala si yamiu: Sangkatou maṛṛuala apan pia illoṛṛo sarun manungkangngu sangkatou ana'a esakka apan aranne isaggo Imanuel.

YEREMIA 32:40

I Ya'u sarun ma'ola'a paaire apan tawe pattaal᷊anne ringanni mangitou. I Ya'u tawe mangillol᷊o ma'ola'a apapia si mangitou. I Ya'u sarun ma'ola'a si mangitou matta'utta wuṛṛu maaddatta si Ya'u ringannu ahewallu naungnga tadea'u i mangitou tawe mangindau-U.

YEREMIA 33:21

Aroddi lai Ya'u buatte namattan paaire ringannu allang-Ku Daud, manungku wuassu papapulunne sidutu sarun pia sangkatou apan maola'a ratu; wuṛṛu i Ya'u buatte namattan paaire ringannu manga imam papapulunni Lewi manungku i mangitou sidutu sarun mangimbe si Ya'u. Manga paaire udde tawe iapappassa.

YEHEZKIEL 37:26

I Ya'u sarun makkiinnu sambau pa'aire ringanni mangitou apan manohassa atatammudi mangitou saran mal᷊annu-l᷊annu. I Ya'u sarun mangal᷊amatta wuṛṛu manamba reenganni mangitou. Su leta'i mangitou sarun Ta'u iapararisikka Wal᷊e-U apan sidutu poiaroddi saran mal᷊annu-l᷊annu.

AMOS 9:11

Mawu nabbisara, “Sarun a'omanna tempone i Ya'u manul᷊en araratuanni Daud. Orassa indi araratuanna udde nabbal᷊ite ere wal᷊en apan naṛṛa'a. Arawe manga darandungnge sarun Ta'u apianna wuṛṛu iapararisikka apia ma'oman sara mabbal᷊i ere paarorone.

WATTI'U MANGA RASUL 13:34

Ruata suete napaawiakki Tou apia wuassu papate. Orassa indi i Tou tate lai mamendamma papate sulal᷊ummu lal᷊abinganna. Su olangnge udde Ruata nabbisara, ‘I Ya'u sarun mangonggolu paaire susi Si'o apan sarun tipusanna, apan suete pina'ire-U si Daud.’

IBRANI 13:20

Ruata suete napaawiakku Mawung kite Yesus Kristus wuassu papate. Ana waugu papate-Ne udde i Tou orassa indi naola'a Mallal᷊u'adda Mawantuga si ite, eteudde manga dombane. Papate-Ne udde lai mannohassa pa'aire apan tawe pangudusanne apan niola'u Ruata ringanni ite.

IBRANI 6:19

Antimmi ite udde ere wal᷊ango apan ual᷊abinga mal᷊al᷊umma wuṛṛu maola'a sambau pangangal᷊eanna apan matohassa wuṛṛu tawe singkal᷊one su pabbiaṛṛani ite. Antimma udde nallapasa su lal᷊indumu Wabbo'a Lembon Susi su Wal᷊e Mawu su surga.

1 SAMUEL 2:35

Wua'udde i Ya'u sarun mamile imam apan matuṛṛutta si Ya'u wuṛṛu maddaringikka manga parenta-U si tou. Si tou sarun Ta'u ionggolla papapulunna apan sidutu mammanara imam su saruannu manga ratu apan Ta'u nipile.

1 SAMUEL 25:28

Ampungewe awawoddon allangngu, Mawu sarun ma'ola'a si Tuangku see lai papapulunni Tuangku maola'a ratu su Israel, ana waugu i Tuangku uapapangalo ana waugu Mawu; wuṛṛu i Tuangku tawe na'ola'a al᷊al᷊eo su al᷊o'engngu pabbiaṛṛanna.