2 SAMUEL 22:31 - WUKE SUSI WATTI'U AL᷊AL᷊USASSA

³¹ Inolaannu Ruata nasuungnga, paairen Mawu wotongnge apangimananna! I Tou naal᷊ihidda allungnga su sarangkanambone apan uasirungnga si Tou.

2 SAMUEL 22:31 ပူးပေါင်းရင်းမြစ်များ

2 SAMUEL 22:3

Mawu naal᷊ihidda tanda'a watu apan matohassa. Tampa pasasirungangku. Naal᷊ihidda allungnga i Tou uataappa si ya'u, wuṛṛu ual᷊u'adda tadea'u i ya'u sidutu mal᷊angnganna.

NEHEMIA 9:8

Niasangkal᷊an-Nu i tou satia Si'o wuṛṛu matuṛṛutta. Ana see niolang-Ngu ringanni tou paaire apan matohassa. Leta'u Kanaan, Het wuṛṛu Amori, leta'u Feris, Yebus wuṛṛu Girgasi, sarangkanambone udde I'o mangonggolla si tou; maola'a tampa tatanaannu anambon papapulunne. Wua'udde I'o nanipussu, paaire udde si tou, ana waugu I'o matul᷊idda wuṛṛu satia.

AYUB 34:10

Ei manga taumata apan pande, paddaringikka! Tawe mariaddi Ruata Apan Lembontaṛṛino ma'ola'a pasasal᷊a?

DARALO 119:140

Paaire-Nu matohassa wuṛṛu apangimananna, i ya'u tumaniten marangngu.

DARALO 12:6

Wisaran Mawu, “Taumata asiangnga a'umpisananna wuṛṛu taumata susa sussal᷊iomanna. Ne orassa udde lai i Ya'u rumanta mangonggolu langnganna apan aantimanni mangitou.”

DARALO 145:17

Mawu matul᷊idda sulal᷊ummu al᷊awo'u manara-Ne wuṛṛu napenen darangngu sulal᷊ummu al᷊awo'u inolaan-Ne.

DARALO 18:30

I'o nanohassa si ya'u ipaṛṛadda'a seetta; ringannu sasumbalan Ruata'u i ya'u nanggohakku pattillumanni mangitou.

DARALO 2:7

Unnu ratu, “I ya'u maapulu mamasingkattu apa apan buatte nitantunu Mawu. wisara-Ne si ya'u, ‘I'o ana-U esakka, allo indi i Ya'u maola'a Iamangu.

DARALO 35:2

Panganute lal᷊indumma wuṛṛu allung-Ngu, wuṛṛu darisikke pangontola si ya'u.

DARALO 84:9

Daringeṛṛewe aal᷊iomangku, oh Mawu Ruata Apan Lembontaṛṛino, daringiṛṛewe, oh Ruatan Yakub.

DARALO 91:4

I Tou sarun massirungnga si'o ringannu papaiddu Mawu, na'oman sara i'o mal᷊angnganna su al᷊ung-Nge; apapia-Ne naal᷊ihidda allungnga apan uasirungnga si'o.

AMSAL 30:5

Ruata nanipussu suapan paaire-Ne. I tou naal᷊ihidda allungnga su sarangkanambone apan uatillumma si Tou.

MANNANASE 3:14

I ya'u masingkatta manungku al᷊awo'u manaran Duata siditu sarun mal᷊annu-l᷊annu. Taumata tawe maatamba ara'e maahaingnga. Wuṛṛu mammanara aroddi tadea'u i ite mata'utti Tou.

DANIEL 4:34

Napawe pitu tonna udde nal᷊iudde, i ya'u tinumingngara langitta, wua'udde nawelengke apia ringirangku. Ne i ya'u naddalote Ruata Apan Atanggaṛṛanne. Ta'u niraloanna wuṛṛu ta'u niwantuhanna i Tou apan mabbiakka saran mal᷊annu-l᷊annu udde. “Ruata sarun maola'a ratu saran mal᷊annu-l᷊annu. I Tou ataṛṛino su al᷊o'engngu tempo.

DANIEL 4:37

Nariaddi orassa indi i ya'u, Nebukadnezar maddalo, mannanggakka wuṛṛu mammantuga Ratun Surga. Al᷊awo'u inolaan-Ne atonna wuṛṛu matul᷊idda wuṛṛu i Tou wotongnge mapaawawon taumata apan pallal᷊anune mawunga.

MATIUS 5:48

Iamangngu su surga mandangngu al᷊awo'u taumata ringannu nasuungnge. I yamiu sarun pa'ola'a lai aroddi.”

TAHIUL᷊E 32:4

Mawu mallal᷊u'addu apan matohassa, manara-Ne nasuungnga, wuṛṛu anambon dal᷊anne matul᷊idda. Ruatanu matammuda, tawe pallal᷊inga si Tou, I tou ma'ola'a apapia wuṛṛu mangke suṛṛinone.

SONDAPPA 15:3

Wuṛṛu i mangitou mangantari antari Musa, allangngu Ruata, wuṛṛu antarin Ana'u Domba. Arendi tingikke, “Mawu, Ruata Lembon Taṛṛino, tumaniten wahewalla wuṛṛu ma'atiangnga manga inolaan-Nu! Ratun al᷊awo'u walahanna tumaniten matul᷊idda wuṛṛu tawe sal᷊ane manga inolaan-Nu!