2 SAMUEL 22:29 - WUKE SUSI WATTI'U AL᷊AL᷊USASSA

²⁹ I'o nande'omma sasol᷊oangku; Mawu Ruata'u nanemakka ararandungku.

2 SAMUEL 22:29 ပူးပေါင်းရင်းမြစ်များ

2 SAMUEL 21:17

Arawe i Abisai ana'i Zeruya nirumanta nangontola si Daud. I tou nando'appa wawalla udde ana see nipate. Wua'udde tantaran Daud sinumal᷊ande tadea'u i Daud tate lai tumantalongnga sulal᷊ummu pangalo. “I Tuangnga udde pangangantimannu Israel, arie ma'oman sara yami awul᷊ianni Tuangnga,” unni mangitou.

1 MARARATU 11:36

Arawe sambau ṛuanganna sarun Ta'u iwala si tou, tadea'u sidutu pia sangkatou wuassu papapulunni Daud apan mamarenta ana waugu i Ya'u su Yerusalem, soa apan buatte Ta'u nipile maola'a tampa patataṛṛamawuanna si Ya'u.

AYUB 29:3

I Tou sidutu mangnggollu aontolla si ya'u, I Tou sidutu mannemakka si ya'u sutempo u'amatta sulal᷊ummu ararandumma.

DARALO 112:4

Semakka lukkena sulal᷊ummu ararandumma su taumata mapia, su taumata apan matul᷊idda, marangngu wuṛṛu maakkanna.

DARALO 18:28

Taumata apan naungnge mawawo I'o nanal᷊amatta, arawe taumata mawunga niapasuṛṛubawa-Nu.

DARALO 27:1

Daralon Daud. Mawu udde asasema'u wuṛṛu asasal᷊ama'u, taweddu ta'u iata'utta. Mawu uddewe tanda'a watu pattillumangku, i ya'u tawe mata'utta.

DARALO 4:6

Onggola'e sasamba su ṛinone wuṛṛu pangimante Mawu.

DARALO 84:11

Mappianne allo massallo su Wal᷊en-Nu sul᷊ungnge'e saṛṛiwu su tonnane su tampa waine. I ya'u mamile maola'a mandariaga ngara su Wal᷊en Duata'u sul᷊ungnge'e matana'a su wal᷊en taumata lal᷊eo.

DARALO 97:11

Semakka nilumapputte su taumata apan naungnge matul᷊idda, wuṛṛu lal᷊uassa su taumata apan mabbiakka su ṛinone.

YESAYA 50:10

Ei i yamiu apan mangngaddatta Mawu, wuṛṛu maddaringikka wisaran allang-Nge, lal᷊anna apan amatanni yamiu asinungka marandumma, wuṛṛu tawe semakka apan mannemakka si yamiu; arawe pangimante Mawu; pangunsandakke su Ruatanu.

MIKHA 7:9

I ite narosate su Mawu, ana waugu udde orassa indi i ite ṛinone mamendamma asasa'u-Ne. Arawe tate mal᷊annu lai i Tou sarun manamba'a si ite wuṛṛu mangonggollu atatul᷊idda si ite. i Tou sarun mangapiddi ite sumabbangnga watukku asasemakka; i ite sarun maapendamma sassane manungku i Tou nanal᷊amatta si ite.

MALEAKHI 4:2

Arawe si yamiu apan matuṛṛutta si Ya'u, taṛṛino-U apan mannal᷊amatta sarun sumabbangnga ere matannallo, wuṛṛu semakke mangngapiddu apapia. I yamiu sarun mapallossa wuṛṛu lumuassa ere ana'u sapi apan wakku niapasabbangnga wuassu tatandange.

YOHANES 12:46

I Ya'u nirumanta su runia indi maola'a sambau asasemakka, tadea'u anambon taumata apan mangngimanna si Ya'u tawe matana'a sulal᷊ummu ararandumma.

YOHANES 8:12

Mawu Yesus nabbisara apia su taumata nambo udde, wisara-Ne, “Ete i Ya'u asasemakku runia. Taumata apan tumantalongnga si Ya'u tawe umamatta su ararandumma, arawe maatahuanna asasemakku pabbiaṛṛanna.”

SONDAPPA 21:23

Soa udde tate mappandumma semakku matannallo ara'e semakku wul᷊anna, ana waugu awawantugu Ruata mananemakke, wuṛṛu eteudde Ana'u Domba sol᷊one.