2 SAMUEL 22:24 - WUKE SUSI WATTI'U AL᷊AL᷊USASSA

²⁴ I Tou masingkatta manungku i ya'u tawe sal᷊ane wuṛṛu naparaun batangangku wuassu pasasal᷊a.

2 SAMUEL 22:24 ပူးပေါင်းရင်းမြစ်များ

PANDARIADDI 17:1

Napawe i Abram uukke sioten pul᷊o sio su tonnane, Mawu naipasilon batanganne si tou wuṛṛu nabbisara, “Ete i Ya'u Ruata Apan Lembontaṛṛino. Paatuṛṛutte si Ya'u wuṛṛu sidutu pa'ola'e apulu-U.

PANDARIADDI 6:9

Ete indi watti'u pinabbiaṛṛanni Nuh. I tou pia ana'a esakka siri tallu, eteudde i Sem, i Yafet wuṛṛu i Ham. I Nuh tawe na'ola'a pasasal᷊a, wuṛṛu ete i tou sangkatou su wallatu taumata apan ma'ola'a apapia su tempo udde. I tou mabbiakka uaaukka ringannu Ruata.

PANDARIADDI 7:1

Ana see Mawu nabbisarate si Nuh, “I ya'u naasilo manungku tumba'u i'o sangkatou apan tuttuṛṛutta apulu-U. Nariaddi, suttate sulal᷊ummu apalla udde suadio'a ringannu anambon amonannu.

AYUB 1:1

Su leta'u Us uatana'e sangkatou esakka aranne i Ayub. I tou massubba Ruata wuṛṛu satia si Tou. I tou taumata apan pallal᷊aghune mapia wuṛṛu tawe ma'ola'a al᷊al᷊eo sarangkadio'a.

DARALO 17:1

Aal᷊iomannu Daud. Daringiṛṛewe sasal᷊ande'u maddoronga atatul᷊idda, daringiṛṛewe aal᷊iomanku apan atonna, oh Mawu.

DARALO 51:6

Su saruan-Nu, tumba'u su saruan-Nu i ya'u narosa, wuṛṛu a'olaangku pallal᷊aghu a'ellehan-Nu lal᷊eo. Ne suṛṛinone I'o makkuumangku, naṛṛinote apulu-Nu.

DARALO 84:11

Mappianne allo massallo su Wal᷊en-Nu sul᷊ungnge'e saṛṛiwu su tonnane su tampa waine. I ya'u mamile maola'a mandariaga ngara su Wal᷊en Duata'u sul᷊ungnge'e matana'a su wal᷊en taumata lal᷊eo.

AMSAL 4:23

Paariagai mapia-pia naungngu, ana waugu ete naungngu apan manantunnu lal᷊annu pabbiaṛṛannu.

YOHANES 1:47

Mawu Yesus naasilo si Natanael nirumanta, see nabbisara su ola'i tou, “Pa'ellega, udde taumatan Israel tutune. Tawe awusune i tou.”

2 KORINTUS 5:11

I yami masingkata apa atappasanne mata'uttu Mawu; ana waugu i yami maapulu mangaṛṛa'a taumata see mangngimanna ola'u wadangngi ami. Ruata maaillal᷊a si yami, wuṛṛu i ya'u mangantimma i yamiu lai maaillal᷊a si yami sulal᷊ummu naungngu.

EFESUS 1:4

Tantal᷊anna runia indi taambe nariaddi, Ruata buatte namile si ite sulal᷊ummi Yesus Kristus ringannu pandumanna tadea'u i ite maola'a pussa'a-Ne sassane wuṛṛu tawe sal᷊ane su saruan-Ne. Ana waugu darangngun Duata,

KOLOSE 1:21

Dorone i yamiu maraun Duata. I yamiu masseetti Tou ana waugu pallal᷊agunu wuṛṛu ṛingiṛṛannu lal᷊eo.

KOLOSE 1:22

Arawe orassa indi, ringannu papaten Anang-Nge, Ruata na'ola'a paa'aukki yamiu ringanni Tou maola'a mapia apia. Ringannu olangnge udde i yamiu wotongnge iapidda sumaruanna Ruata sulal᷊ummu asasuungnga, atatul᷊idda wuṛṛu tawe sal᷊ane.

IBRANI 12:1

Ne, su ola'i ite sassane, uapaal᷊iwutta si ite manambo atonna mattatiala! Ana waugu udde wette i ite mandammen anambon apa apan mammakkata si ite wuṛṛu rosa apan sidutu uareeta si ite. Wuṛṛu wette i ite ringannu ma'udduppa sumutta su pattalumanna apan sasaruannani ite.