2 SAMUEL 21:22 - WUKE SUSI WATTI'U AL᷊AL᷊USASSA

²² Siri appatta apan niapaten Daud wuṛṛu tantarane udde, eteudde papapulunnu wawalla su Gat.

2 SAMUEL 21:22 ပူးပေါင်းရင်းမြစ်များ

2 SAMUEL 21:16

Ne nirumantate sangkatou wawalla aranne i Yisbi-Benob. Sambeangnge nilanginne wuassu witu'a awakkanne iraṛṛangngo tatallu mal᷊oara su kilone. I tou lai uapitan hal᷊ele apan wakku, wuṛṛu pia antimma wotongnge ma'apate si Daud.

2 SAMUEL 21:21

I tou mangngeetta taumatan Israel, ne ana waugu i tou niapaten Yonatan ana'i Simea, iaangngi Daud.

1 TAWARIKH 20:8

Siri tallu taumata apan nipaten Daud wuṛṛu tantarane eteudde, papapulunnu wawalla su Gat.

DARALO 108:13

Ontol᷊ewe i yami su saruannu seetta, ana waugu sasumbalan taumata tawe gunane.

DARALO 118:15

Paddaringikke hion naauntunga su manga rasannu al᷊aṛṛanang-Nge, “Mawu na'ola'a inolaanna wahewalla!

DARALO 60:12

Oh Ruata, I'o talawe tumantalonga suadio'a ringanni yami? I'o talawe inai suadio'a ringannu tantaran kami?

MANNANASE 9:11

Su runia indi piaddu lai apan ta'u niasiloanna: patatalumma tawe sidutu asombangannu tumatal᷊angnga mal᷊ihakka, pangalo tawe sidutu auntungannu taumata apan matohassa. Taumata pande tawe sidutu maasomba manarane. Taumata masiṛṛungnga tawe sidutu maasomba paa'ala. Wuṛṛu lai manga mapapande tawe sidutu tumelengnga. Ana waugu suapan taumata wotongnge aṛṛiaannu pal᷊addu pabbiaṛṛanna lal᷊eo.

YEREMIA 9:23

Mawu nabbisara, “Taumata pande imbaṛṛangnga lumuassa ana waugu apapandene, taumata matohassa ana waugu atatohanne, wuṛṛu taumata ala ana waugu pa'aalane.

ROMA 8:31

Apa apan wotongnge iwisara orassa indi su ola'u sarangkanambone udde? Amungkangngu Ruata uasamba'a si ite, isai wotongnge lumawangnga si ite?

ROMA 8:37

Tawe! Ewe'e sulal᷊ummu sarangkanambone udde i ite naasomba auntunganna apan nasuungnga ana waugu i Tou apan niumakkani ite!

YOSUA 14:12

Ana waugu udde, onggol᷊a'e orassa indi leta'u panenteanna apan nipa'ire Mawu si ya'u, su tempo i ya'u wuṛṛu manga taumata uaṛundinganna si ya'u nabelengnga uaapiddu watti'a. Su tempo udde i'o sassane naaringikka, manungku poiaroddi pia balahannu wawalla apan isassago walahannu Enak. I mangitou uatana'a su lal᷊ummu manga soa wahewalla apan pia darandunge. Asinungka Mawu nantul᷊ungku na'oman sara i ya'u wotongnge nallimbuakka si mangitou, ere buatte niwal᷊o Mawu.”