2 SAMUEL 21:10 - WUKE SUSI WATTI'U AL᷊AL᷊USASSA

¹⁰ Ana see i Rizpa nia'in Saul, namilattu nasa karongnga su wowon batu su tampan manga winal᷊unanna udde uatal᷊owangnga. I Rizpa tawe nanantangngu tampa udde wuassu panattaṛṛannu tempo mangitingnga naddatingngu tempon manguranna su watiannu rongnga manontongnga. I tou tawe namalan winal᷊unanna udde inasannu manga manu'u winalanganna su allo allattune ara'e winatangnga mal᷊aṛṛaga sutempo ṛabbi.

2 SAMUEL 21:10 ပူးပေါင်းရင်းမြစ်များ

PANDARIADDI 40:19

Sulal᷊ummu tallu allo indi ratu sarun mandolokku taumata iapaponggo'a puanu ana see iele winal᷊unannu su sambau riṛṛi, wuṛṛu manga manu'u winalanganna sarun uminassa ṛemessa wuassu winal᷊unannu.”

2 SAMUEL 21:11

Napawe nipasingkatta si Daud apa apan niola'i Rizpa,

2 SAMUEL 3:7

Su allo sambau i Isyboset, parinsinni Saul, mangngansilla si Abner natiilla ringannu sangkatou nia'in Saul aranne i Rizpa ana'i Aya.

1 MARARATU 21:27

Napawe i Elia nuddusse nabbisara, i Ahab nanggesa'a laungnge wuṛṛu nalluṛṛen laubba karongnga naola'a tatiala sussassilla, ana see nappuassa. Sutempo mati'illa lai i tou nappaattu nasa karongnga, wuṛṛu amungkangngu umamatta, hatine sidutu massusa.

YEREMIA 14:22

Manga mongannu manga walahanna tawe mapanossokku uranna su runia. Langitta lai tawe wotongnge manossokku uranna ringannu taṛṛinone sassane. Tumba'u ete I'o aantimanni yami. I'o na'ola'a sarangkanambone udde nariaddi.

YEHEZKIEL 39:4

Su puiddu manga wowonen Israel, i Gog suadio'a ringannu anambon tantarane wuṛṛu walahanna hawene sarun mate, wuṛṛu manga winal᷊unanni mangitou sarun Ta'u ionggolla su al᷊awo'u manu'u winalanganna wuṛṛu winatangnga mal᷊aṛṛaga iapa'inassa si mangitou.

HOSEA 6:3

Ana waugu udde wette i ite mattinsahadde atonna-tonna ma'illal᷊a Mawu. I Tou sarun dumanta ringanni ite ere darantan matannallo, wuṛṛu ere uranna apan maṛṛolo runia su panguddusannu tempon urana.”

YOEL 1:18

Winatangnga papadul᷊iananna mammiṛṛonganna wuṛṛu u'ambul᷊isadda; tate lai wadda'u nannal᷊o si tou. Ammul᷊annu domba lai ringanna naṛṛasa.

YOEL 2:23

Ei tumana'u Sion, lalluasse! Lallala'e wuṛṛu paggiote! ana waugu al᷊owo'u apapia wuassu Mawu Ruatanu. Sutempon manontongnga i Tou nangonggollu uranna manambo si'o. Sutempon masunge urana niwambin-Ne, wuṛṛu lai sutempo mallal᷊uwo ere su inanaramanne.

ZAKARIA 10:1

Napawe tempon manontongnga rumantate, paddorongke uranna su Mawu. Ne Mawu sarun mangammullu winabbawa ma'itumma, wuṛṛu manosokku urana masassaga ma'oman sara manga wawail᷊anna mabbal᷊i mangelomma mapia su anambon taumata.

TAHIUL᷊E 11:14

Amungkangngu i yamiu ma'ola'a aroddi, ne Mawu sarun manossokku uranna su letangngu su tempone matitimma, napawe i yamiu buatte nangitingnga, wuṛṛu su tempo i yamiu manattakke mangasi'a. Ne i yamiu sarun maatahuanna manambo gandumma, anggore wuṛṛu lanan zaitun,

TAHIUL᷊E 21:13

wuṛṛu mangganti laubba. I tou ṛinone matana'a su wal᷊enu, wuṛṛu lumal᷊on papaten hagurangnge, al᷊annune sambul᷊anna. Wua'udde i'o wotongngete ma'awingngi tou.

TAHIUL᷊E 21:22

“Amungkangngu pia sangkatou buatte niṛṛuumanna nate ana waugu sambau al᷊al᷊eo, wuṛṛu winal᷊unanne niele su tiangnga,

TAHIUL᷊E 21:23

winal᷊unanna udde tawe wotongnge iwala isudde su al᷊o'engngu ṛabbi, arawe ṛinone ilabbingnga allo udde lai. Winalunanna apan ua'ele udde, mandantan bontogu Mawu Ruata su wanua udde. Nariaddi, labbinga'e winal᷊unanna udde tadea'u i yamiu tawe mandal᷊eo wanua apan nionggolu Mawu Ruatanu si yamiu.

1 SAMUEL 17:44

See lai i tou nanal᷊u'atta si Daud, wisarane, “Wette inawarendite! Wadangngu sarun ta'u ionggolla su manu'u winalanganna wuṛṛu winatangnga iapa'inassa.”

1 SAMUEL 17:46

Allo indi lai Mawu sarun manantillu si ya'u; i'o sarun ta'u iwaddo wuṛṛu puanu sarun ta'u ṛatanna. Waddangngu wuṛṛu manga tantaran Filistin sarun ta'u ionggolla su manu'u winalanganna wuṛṛu winatanganga iapa'inassa. Ne ahewallu runia sarun maasingkatta manungku yami walahannu Israel pia Duata apan sassubbanni yami,