2 SAMUEL 2:13 - WUKE SUSI WATTI'U AL᷊AL᷊USASSA

¹³ Wuṛṛu lai i Yoab (inangnge aranne i Zeruya), suadio'a ringannu tantaran Daud mattudda soa udde. Darua ammul᷊annu tantara udde uasasaruanna si li'u Gibeon; i Abner wuṛṛu tantarane ua'ianna su samba'a indi, i Yoab wuṛṛu tantarane su samba'a poine.

2 SAMUEL 2:13 ပူးပေါင်းရင်းမြစ်များ

2 SAMUEL 2:18

Siri tallu ana'i Zeruya lai isudde, eteudde i Yoab, i Abisai wuṛṛu i Asael. I Asael mal᷊ihakka tatal᷊angnge ere kijang,

2 SAMUEL 20:23

Eteindi manga mamanara atanggaṛṛanne apan nipilen Daud; Tembonannu anambon tantara: i Yoab. Piaṛṛa'u tantara mandariaga si Daud: i Benaya ana'i Yoyada.

2 SAMUEL 20:8

Sutempo i mangitou na'omate su watu wara'a su Gibeon, i Amasa nirumanta naisasomban mangitou. I Yoab sutempo udde ual᷊uṛṛen laubbu pangalo ringannu hal᷊ele pia papaṛṛanganne apan uapeta su lawanne. Napawe i tou inaite niumamatta, papaṛṛanganne napallossa na'oman sara hal᷊ele na'ingkatta su limane aiṛṛi.

2 SAMUEL 23:24

Manga taumata wuassu “Tridasawira” eteudde: i Asael tuarin Yoab i Elhanan ana'i Dodo taumatan Betlehem i Sama wuṛṛu i Elika taumatan Harod i Heles taumatan Palti i Ira ana'i Ikes taumatan Tekoa i Abiezer taumatan Anatot i Mebunai taumatan Husa i Zalmon taumatan Ahohi i Maharai taumatan Netofa i Heleb ana'i Baana taumatan Netofa i Itai ana'i Ribai taumatan Gibea su leta'u ruanganni Benyamin i Benaya taumatan Piraton i Hidai taumatan manga wawal᷊annu Gaas i Abialbon taumatan Araba i Azmawet taumatan Bahurim i Elyahba taumatan Saalbon i Al᷊aṛṛana'i Yasyen i Yonatan i Sama taumatan Harari i Ahiam ana'i Sarar taumatan Harari i Elifelet ana'i Ahasbai taumatan Maakha i Eliam ana'i Ahitofel taumatan Gilo i Hezrai taumatan Karmel i Paerai taumatan Arbi i Yogal ana'i Natan taumatan Zoba i Bani taumatan Gad i Zelek taumatan Amon i Naharai taumatan Beerot, mangangapiddu lutangngi Yoab i Ira wuṛṛu Gareb taumatan Yetri i Uria taumatan Het. i Sarangkanambone tallun pul᷊o pitu suatoune tantara apan tinumelengnga.

2 SAMUEL 8:16

Eteindi arannu manga mammamanaran araratuanna apan atanggaṛṛanne nipilen Daud: Tembonannu tantara; i Yoab ana'i Zeruya; Mamamoṛṛettu araratuanna: Yosafat ana'i Ahilud; Manga imam: i Zadok ana'i Ahitub, wuṛṛu i Ahimelekh ana'i Abyatar, Mamamoṛṛettu wanua: i Seraya

1 MARARATU 1:7

Ana see i tou inaite na'iren Yoab wuṛṛu Imam Abyatar. Inangngi Yoab aranne i Zeruya. I Yoab wuṛṛu Imam Abyatar niumire mallal᷊ima hol᷊agi Adonia.

1 MARARATU 2:5

Pia lai hatto sambau! I'o asinungka ma'anaungnga apa apan buatte niola'i Yoab si ya'u ringannu namate darua tembonannu Israel, eteudde i Abner ana'i Ner wuṛṛu i Amasa ana'i Yeter. I tou namate sitarua sutempo paddarame tadea'u mabbal᷊issa pamamate apan niola'i mangitou sutempon pangalo. I tou namate taumata tawe sal᷊ane arawe orassa indi ete i ya'u apan ṛinone mamasanna inolaanne wuṛṛu ete i ya'u apan natataṛṛangnga.

1 TAWARIKH 2:16

i Isai pia lai ruang katou ana'a wawine: i Zeruya wuṛṛu i Abigail. I Zeruya pia siri tallu ana'a: i Abisai, i Yoab wuṛṛu i Asael.

YEREMIA 41:12

Ne i mangitou suadio'a ringannu tantarane inaite nangenggenna si Ismael, wuṛṛu naasangkalla si tou su li'u wahewallu Gibeon.

1 SAMUEL 26:6

Wua'udde i Daud naiwal᷊o si Ahimelekh taumatan Het udde, wuṛṛu si Abisai tuṛṛangngi Yoab (Inangngi tarua i Zeruya), “Isai waṛṛani sumutta suadio'a ringangku sulal᷊ummu paddasananni Saul?” i Abisai sinumimbakka, “I ya'u!”