2 SAMUEL 19:28 - WUKE SUSI WATTI'U AL᷊AL᷊USASSA

²⁸ Anambon ṛuanganna amonannu iamangngu allangngu ṛinone iṛṛuumanna pateanni Tuangnga, arawe allangngu indi buatte niwalan Tuangnga umanna su wal᷊en araratuanna. Orassa indi allangngu tate waṛṛani lai maddorongnga al᷊awo'a wuassi Tuangnga.”

2 SAMUEL 19:28 ပူးပေါင်းရင်းမြစ်များ

PANDARIADDI 32:10

I ya'u tawe su ṛinone manengkamma al᷊awo'u darangngu wuṛṛu apan buatte niapal᷊iatta'u Mawu si ya'u. Su tempo i ya'u niumamatta tinumumbe Sal᷊ukku Yordan, i ya'u tawe uaapiddu apa-apa tumbau ta'inna. Orassa i ya'u nirumantate apia ringannu ruang kawageanganna indi.

2 SAMUEL 14:17

Allangngu mangimanna manungku pa'airen Tuangku sarun mallu'adda asasal᷊amattu allangngu ana waugu Tuangku udde ere mala'ekattu i Ruata, apan botongnge mamasingkattu udde mapia wuṛṛu udde lal᷊eo. Doronganna Mawu Ruatan Tuangku uarundinganna si Tuangku!”

2 SAMUEL 14:20

Arawe i tou na'ola'a aroddi ana see ipanginsue hatto udde ringannu mapia. I Tuangku pande naal᷊ihidda mala'ekattu Ruata na'oman sara naasingkatta sarangkanambone apan mariaddi.”

2 SAMUEL 15:26

Arawe napawe Mawu maddiri'ute, walate apulu-Ne maṛṛia'a su watangangku!”

2 SAMUEL 16:3

Ana see ratu naiwal᷊o si tou, “Suapate i Mefiboset pulunnu Tuangngu i Saul?” “I tou ta'e uatana'a su Yerusalem,” sasimbakki Ziba, “ana waugu i tou uaantimma manungku orassa indi taumatan Israel sarun mangul᷊en araratuanni Saul iupungnge si tou.”

2 SAMUEL 19:29

Ratu sinumimbakka, “Ariete i'o mabbisara manambo. I ya'u buatte nakkawessa mangonggollu anambon pa'a'alan Saul; si'o wuṛṛu si Ziba.”

2 SAMUEL 9:10

I'o wuṛṛu al᷊aṛṛanangngu see lai masasumbalanu ṛinone mabbailla su leta'a udde pabbiaṛṛa'a amonanni Saul, wuṛṛu onggol᷊a'e hessin leta'a udde si mangitou panipusa'a hausanni mangitou. Arawe i Mefiboset wotongnge umanna su wal᷊en araratuanna sarangkal᷊o'engnge.” (I Ziba pia ana'a esakka anambone 15 su atoune wuṛṛu 20 su atoune allangnga).

2 SAMUEL 9:13

Etearoddi watti'i Mefiboset apan pia sangkulle su leddane ruan ba'a udde natana'a su Yerusalem wuṛṛu sidutu u'anna su wal᷊en araratuanna.

2 MARARATU 8:3

Napawe tempo pitu tonna udde nal᷊iudde i tou nabelengke apia su Israel. Ana see i tou wuṛṛu anangnge inaite ringannu ratu sumal᷊ande tadea'u wal᷊en wuṛṛu wawail᷊anne iapawelenga apia si tou.

1 SAMUEL 26:16

I'o tawe maapasanna mappaamattu manaranu, Abner! Sulal᷊ummu arannu Mawu apan biakka, i yamiu sarangkanambone ṛinone mate, ana waugu tawe naariaga mawunu, ratu apan nipile Mawu. Ellehete suapate sambeangngu ratu? Suapa tampan ua'e apan tanginna uaraddo su samba'an puane?”