2 SAMUEL 18:9 - WUKE SUSI WATTI'U AL᷊AL᷊USASSA

⁹ Sutempo i Absalom uasa'e awal᷊one, inaṛṛombanganne i tou nassomban tantaran Daud. Awal᷊o udde sinumabbi su al᷊ungngu alu apan masallakka wuṛṛu mawawo, ne puan Absalom na'aitte su ranna sambau. Awal᷊on tou sidutu tuttal᷊angnga arawe i Absalom natantangke wuṛṛu ua'elete isudde.

2 SAMUEL 18:9 ပူးပေါင်းရင်းမြစ်များ

2 SAMUEL 13:29

Manga allangnga udde tinumuṛṛutta parentan Absalom, ana see i mangitou namatete si Amnon. Naasilo udde manga esakka ana'i Daud waine sinuma'e awal᷊one sambau-sambau wuṛṛu tinumal᷊angnga.

2 SAMUEL 14:26

Utangnge tumaniten maappalla, wuṛṛu i tou ṛinone mamol᷊o utangnge santonna paassa ana waugu pendamanne tumaniten mawakkatta. Uta'a apan nipol᷊one udde awakkanne nilumebbe wuassu rua kilo tumuṛṛuttu aul᷊aannu ratu.

2 SAMUEL 17:23

Napawe i Ahitofel naasunna manungku tatantirone tawe niraringiṛṛanna, i tou nandiahite keledaine wuṛṛu napul᷊ete watukku soane sassane. Napawe manarane nuddusse i tou nattingka'elen batanganne, ana see nilabbingke su labbingngu walahanne.

2 SAMUEL 18:10

Sangkatou wuassu tantaran Daud naasilo, ne i tou inaite nabbal᷊o si Yoab, “Tuangnga, tanginna i ya'u naasilo i Absalom ua'ele su alu masallakka!”

2 SAMUEL 18:14

“Uddita'e! Tempo masuete tumba'u uasasimbakku,” wisaran Yoab. Ana see i Yoab nanganu sambeangnga tallun bua ana see nipanta'a su sabba'i Absalom apan orassa udde ta'e ua'ele wiakka su alu.

2 SAMUEL 18:8

Pangalo nilumewessa su ahewallu leta'a udde, wuṛṛu mannamboanna taumata apan nate niaṛapatanna su mahurangnge wuassu tampan papangalonna.

AYUB 31:3

Silaka wuṛṛu asasusa sarun iaparantan Mawu su taumata apan ma'ola'a al᷊al᷊eo!

AMSAL 20:20

Taumata apan mammontoga hagurangnge, wiakke sarun mawul᷊i naal᷊ihidda sol᷊o nappaddumma su ṛabbi wasa.

AMSAL 30:17

Taumata apan mangngal᷊uandaga iamangnge ara'e inangngene apan timmadete, ṛinone iramme su liudde tadea'u matane tembonannu manu'a gagak wuṛṛu winal᷊unanne inasannu manu'a a'a.

YEREMIA 48:44

Taumata apan tinumal᷊angngu watanganne wuassu pangalo sarun mawontolla sulal᷊ummu loṛṛangnga, wuṛṛu iapa naasabbangnga wuassu loṛṛangnga udde sarun umul᷊ussa su sedda. Sarangkanambone udde sarun mariaddi sutempo apan buatte Ta'u nitantunna ipanggohakku Moab.

MATIUS 27:5

I Yudas nallombon doitta udde sulal᷊ummu Wal᷊e Mawu, see napul᷊e wuṛṛu nangelen batanganne.

MARKUS 7:10

I Musa suete nangagillu parenta indi, ‘Pangaddatta iamangngu wuṛṛu inangngu,’ wuṛṛu, ‘Isai-sai mabbisara iamangnga inangnge ṛinone iṛṛuumanna ma'oman sara pateanna.’

GALATIA 3:13

Arawe Kristus namallosi ite wuassu awawontogu titan agama. I Tou na'ola'a udde ringannu namalan watangan-Ne awontohanna ana waugu i ite. Ana waugu sulal᷊ummu Wuke Susi uawoṛṛetta, “Niawontohante taumata apan nate niele su alu pangangeleanna.”

TAHIUL᷊E 21:23

winal᷊unanna udde tawe wotongnge iwala isudde su al᷊o'engngu ṛabbi, arawe ṛinone ilabbingnga allo udde lai. Winalunanna apan ua'ele udde, mandantan bontogu Mawu Ruata su wanua udde. Nariaddi, labbinga'e winal᷊unanna udde tadea'u i yamiu tawe mandal᷊eo wanua apan nionggolu Mawu Ruatanu si yamiu.

TAHIUL᷊E 27:16

‘Niawontohante taumata apan tawe mangaddata hagurangnge wuṛṛu namalan mangitou tawe padul᷊iananna.’ ‘Amin!’

TAHIUL᷊E 27:20

‘Niawontohante taumata apan mangadio'a hagurangnge ana waugu nassawa suwallatu sangkatou awingngu iamangnge.’ ‘Amin!’