2 SAMUEL 18:22 - WUKE SUSI WATTI'U AL᷊AL᷊USASSA

²² Arawe i Ahimaas namata'i Yoab, “Sarangkanambone apan mariaddi, wala'awe i ya'u mangapiddu watti'a.” “Anio i'o aroddi mappulu inai, ana'u?” aiwal᷊on Yoab. “I'o tawe maasengkamma lal᷊antakku insaharannu udde.”

2 SAMUEL 18:22 ပူးပေါင်းရင်းမြစ်များ

2 SAMUEL 18:21

Wua'udde i Yoab nabbisara allangnge sangkatou taumatan Sudan, “Roote pasingkata'a su ratu sarangkanambone apan buatte niasiloannu.” Allangnga udde niumal᷊intudda nassubba ana see inaite ringannu tuttal᷊angnga.

2 SAMUEL 18:23

“Tawe apane,” unni Ahimaas apia, “I ya'u sarun inai.” “Amungkangu aroddi, roote,” unni Yoab. Ne i Ahimaas tinumal᷊angke nanassukku lal᷊anna apan sumabbi Wawal᷊annu Yordan, ne tawe nal᷊anna'a i tou nalliuṛṛorote allangnga taumatan Sudan tanginna.

2 SAMUEL 18:29

Ratu naiwal᷊o, “Apa i Absalom taumata saṛṛentumuwo udde nasal᷊amatta?” I Ahimaas sinumimbakka, “Tuangnga, tanginna napawe allangngu nirolokki Yoab, allangngu naasilo patatatiakka apan bahewalla, arawe allangngu wagga apate sarun mariaddi.”

1 MARARATU 11:22

“Anio?” aiwal᷊on ratu. “Apa i'o pia awussa isindi, na'oman sara i'o mabbelengke su wanuanu?” “I ya'u tawe awussa apa-apa,” sasimbakki Hadad, “arawe wala'e i ya'u inai.” Ne i tou nabbelengke watukku wanuane.

ROMA 1:28

Ana waugu taumata maddirite lai ma'illal᷊a Ruata, ne Ruata namalaten ṛingiddi mangitou malal᷊eo, na'oman sara i mangitou ma'ola'a manga inolaanna apan ṛinone tawe wotongnge olaanna.

EFESUS 5:4

Tawe su lal᷊anne lai yamiu mapaasabbangngu manga wisara lal᷊eo wuṛṛu tawe su ṛinone. Ewe'e ṛinone i yamiu u'al᷊iomanna su Ruata.