2 SAMUEL 18:17 - WUKE SUSI WATTI'U AL᷊AL᷊USASSA

¹⁷ Wua'udde winal᷊unanni Absalom nipasanna wuṛṛu niramme sulal᷊ummu paṛṛihi su mahurangnge udde. Paṛṛihi udde niomboanni mangitoun batu na'oman sara matanggakka. Anambon tantaran Israel tinumal᷊angngu watanganne sambau-sambau su wal᷊ene.

2 SAMUEL 18:17 ပူးပေါင်းရင်းမြစ်များ

2 SAMUEL 19:5

I Yoab inaite sinumaruanna ratu wuṛṛu nabbisara, “Su allo indi i Tuangnga namansili tantaran Tuangnga, sumbal᷊i ete i mangitou apan nanal᷊amatta niawan Tuangnga, niawan manga wawine ana'i Tuangnga, awingnga wuṛṛu nia'in Tuangnga.

2 SAMUEL 19:8

Wua'udde dirumarisikke ratu wuṛṛu sinumabbangke su liudde, wuṛṛu niuma'ianna maranin ngara passallanganna. Tantarane naaringikka manungku i tou isudde, ne i mangitou sarangakanambone nirumanta sinumaruanna. Tantal᷊anna udde anambon tantaran Israel tinumal᷊angke, wuṛṛu napul᷊ete su wal᷊en sambau-sambau.

2 SAMUEL 19:9

Su pattangngannu anambon walahannu Israel nariaddite patatatiakka. I mangitou mabbisara, “i Ratu Daud buatte nanal᷊amatta si ite wuassu taṛṛinon taumatan Filistin wuṛṛu namallossi ite wuassu manga seetta waine, arawe orassa indi i tou tinumal᷊angngi Absalom wuṛṛu nanantangngu wanua indi.

2 SAMUEL 20:1

Su soan Gilgal pia sangkatou taṛṛa sal᷊asa'a aranne i Seba. I tou ana'i Bikri, wuassu ruanganni Benyamin. Sutempo taumatan Daud nangelekka nirumanta, i Seba nattiuppa trompetta wuṛṛu nangintul᷊i, “I ite tawe paa'aukka ringanni Daud. Ipa'ura i ite tumantalongnga si tou? Ei taumatan Israel, wette i ite mapul᷊ete!”

2 SAMUEL 20:22

Ana see i tou inaite, wuṛṛu ringannu apandene namasingkattu pandumanne su tumana'u soa. Wua'udde puan Seba niponggo'a ana see niwareta si Yoab. Wua'udde i Yoab nattiuppa trompetta ne tantarane nanantangken soa udde ana see napul᷊ete su wal᷊ene sambau-sambau. I Yoab napul᷊ete lai watukku Yerusalem sinumaruanna ratu.

2 MARARATU 14:12

Tantaran Yehuda narugite wuṛṛu anambon tantarane tinumal᷊angke napul᷊e watukku wal᷊en sambau-sambau.

2 MARARATU 8:21

Ana waugu udde, i Yehoram sinumabbangke ringannu anambon keretan pangalone inaite watukku Zair. Poiaroddi i tou niliwunannu tantaran Edom, arawe ṛabbine i tou wuṛṛu manga tembonannu tantara uasa'e kereta, nilumassanga wuassu seetta apan ual᷊iwunna udde, wuṛṛu tantaran mangitou tinumal᷊anga wuṛṛu napul᷊ete su wal᷊en sangkatou-sangkatou.

AMSAL 10:7

Pannanaunganna su taumata mapia udde maola'a al᷊amatta, arawe taumata lal᷊eo lapiddu abbul᷊iananna.

TAHIUL᷊E 21:20

I mangitou ṛinone mabbisara su matatimmadu soa udde, ‘Ana'i yami indi maattikka puane, apulune lullawangnga wuṛṛu madiri tumuṛṛutta si yami; i tou mangnginsue roitta wuṛṛu taṛṛa wu'anna.’

TAHIUL᷊E 21:21

Ana see manga esakka wuassu soa udde ṛinone manuntungngu watu su ana'a udde ma'oman sara mate. Ringannu aroddi yamiu mangnginsue al᷊al᷊eo udde. Anambon taumatan Israel sarun maaringikka arariadianna udde wuṛṛu mabbal᷊i mata'utta.”

YOSUA 10:27

Su tempo matannallo mattupe, wuassu parentan Yosua, manga winal᷊unanna udde sinossokka ana see niwareta sulal᷊ummu loṛṛanga apan tanginna nipaattu manga ratu udde naola'a tampa pa'imbunianna. Wua'udde manga watu wahewalla niaddo su mamoṛṛongannu loṛṛanga udde. Naddatingngu orassa indi manga watu udde ta'e isudde.

YOSUA 7:26

Ana see tampa udde niomboanni mangitoun batu, wuṛṛu na'oman sara allo indi ta'e poiaroddi. Ana waugu udde tampa udde isassago Wawal᷊annu Asasusa. Ne nompo'e asasa'u Mawu.

YOSUA 8:29

Ratun soa udde niele su alu, wuṛṛu niwala isudde na'oman sara wawallo. Su tempo matannallo mattupe, i Yosua nandolokku taumata niapaal᷊appa winal᷊unanna udde wuṛṛu niramme su saruannu pasattangannu soa. Ana se'e tampa udde niomboannu watu manambo atonna. Manga watu udde ta'e poiaroddi na'oman sara orassa indi.

1 SAMUEL 4:10

Wua'udde napapangalote taumatan Filistin ringannu masaddatta wuṛṛu namaddon tantaran Israel. Taumatan Israel tinumal᷊angnga watukku rasanne sambau-sambau. Tumaniten bahewalla arugianna udde; 30.000 tantaran Israel nate.