2 SAMUEL 17:23 - WUKE SUSI WATTI'U AL᷊AL᷊USASSA

²³ Napawe i Ahitofel naasunna manungku tatantirone tawe niraringiṛṛanna, i tou nandiahite keledaine wuṛṛu napul᷊ete watukku soane sassane. Napawe manarane nuddusse i tou nattingka'elen batanganne, ana see nilabbingke su labbingngu walahanne.

2 SAMUEL 17:23 ပူးပေါင်းရင်းမြစ်များ

2 SAMUEL 15:12

Ana see tantal᷊anna i Absalom mangngonggollu sasamba, i tou lai nandolokku daroloṛṛanna watukku soan Gilo iapawaggo si Ahitofel, eteudde sangkatou maraṛṛingiddi Ratu Daud. Etearoddi ammul᷊anna lumawangnga ratu udde lembon mattohassa, wuṛṛu a'atambante anambone mallal᷊aṛenggenni Absalom.

2 SAMUEL 15:31

Napawe niapasingkatta si Daud manungku i Ahitofel uatantalongnga lai ringannu ammul᷊anni Absalom, i Daud niumal᷊iomante arendi, “Oh, Mawu, doronganna paaraua'a tatantiron Ahitofel!”

2 SAMUEL 16:23

Sutempo udde suapan tatantiron Ahitofel daringiṛṛanna ereola'u wisara udde wisaran Duata sassane, mawae i Daud aroddi lai i Absalom tuttuṛṛutta manga tatantirone.

2 SAMUEL 17:22

Ana see i Daud wuṛṛu tantarane tinumumbete Sal᷊ukku Yordan, wuṛṛu na'omate su samba'a su sasabbangannu matannallo.

1 MARARATU 16:18

Sutempo i Zimri naasilo manungku soa udde niaaṛṛote, i tou sinumutta sulal᷊ummu wal᷊en araratuanna wuṛṛu nanoṛṛobba wal᷊en araratuanna udde suaddio'a ringannu watanganne, ne i tou natete.

2 MARARATU 20:1

Sutempo udde i Ratu Hizkia nirumadda'a pinsula apan mawakkata na'oman sara maraniten nate. I Nabi Yesaya ana'i Amos nattembo si tou wuṛṛu nabbisara, “Mawu nannanata tadea'u i Tuanga sarun manginsue al᷊awo'u manara, ana waugu i Tuanga tate mapia wuassu radda'a. Tate mal᷊annu lai i Tuanga sarun nate.”

AYUB 31:3

Silaka wuṛṛu asasusa sarun iaparantan Mawu su taumata apan ma'ola'a al᷊al᷊eo!

DARALO 109:20

Mawu, paarua'a ṛuumanna udde su mangngangasila si ya'u, su taumata apan mabbisaran al᷊al᷊eo si ya'u.

DARALO 5:10

Ana waugu wisaran see'u tawe pangimananna; naungngi mangitou napenen hol᷊aga mawukku'a. Manga wisaran mangitou daringiṛṛanna maasaṛindu'a, arawe naungngi mangitou napenen awawukku'a.

DARALO 55:23

Tantil᷊a'e asasinggawangu su Mawu, ne i Tou sarun massumbada si'o; ana waugu taumata matul᷊idda tawe iwala-Ne iapawaddo.

AMSAL 16:18

Warabbunga pangillul᷊eanne awawinasa; atatanggakka pangillul᷊eanne ananawo.

AMSAL 19:3

Taumata mandugi watanganne sassane ana waugu awawoddone, wua'udde mapasal᷊an Mawu su olangnge udde.

YESAYA 38:1

Sutempo udde i Hizkia nirumadda'a wuṛṛu ete addio'a nate. I Nabi Yesaya ana'i Amos, nattembo si tou wuṛṛu nabbisara, “Mawu nannanata tadea'u i Tuangnga manginsue anambon manara, ana waugu i Tuangnga tawe mapia wuassu radda'a. Tate mal᷊annu lai i Tuangnga sarun mate.”

MATIUS 27:5

I Yudas nallombon doitta udde sulal᷊ummu Wal᷊e Mawu, see napul᷊e wuṛṛu nangelen batanganne.