2 SAMUEL 16:8 - WUKE SUSI WATTI'U AL᷊AL᷊USASSA

⁸ I'o buatte nangaṛṛo araratuanni Saul! Orassa indi i'o niṛṛuumannu Mawu ana waugu tumaniten manambo namate tuṛṛangngi Saul. Mawu buatte nangonggollu araratuannu su anangngi i Absalom. Orassa indi i'o natete, i'o taṛṛa pate!”

2 SAMUEL 16:8 ပူးပေါင်းရင်းမြစ်များ

2 SAMUEL 1:16

I Daud nabbisara taumatan Amalek udde, “I'o sassane apan nangema'u ṛuumanna pateanna indi su ririnu ringannu nanga'u manungku ratu apan nipilen Mawu buatte nipatenu!”

2 SAMUEL 19:19

“Allangngu sumal᷊ande, antimanna i Tuangnga tawe mangantimma manungku allangngu indi sidutu nassal᷊a. Doronganna i Tuangnga maabul᷊i inolannu allangngu sutempo i Tuangnga manantangngu Yerusalem.

2 SAMUEL 19:21

Naaringikka udde i Abisai ana'i Zeruya nabbisara, “i Simei wotongngete iṛṛuumanna pateanna ana waugu i tou buatte nantal᷊an ratu apan nipilen Mawu.”

2 SAMUEL 21:1

Sutempo i Daud uaparenta, nariaddite tempon elessa apan al᷊annune tallu tonna nattinggumma. Ana see i Daud naddorongnga tatantiro wuassu Mawu su ola'u arariadianna udde, wuṛṛu Mawu nabbisara, “Elessa indi ana waugu pasasal᷊an Saul wuṛṛu amonanne, i mangitou buatte namate manga taumatan Gibeon.”

2 SAMUEL 21:9

I mangitou tinantilla su manga taumatan Gibeon, ana see siri pitu taumata udde nate suadio'a niele su wuidda su saruannu Mawu. Ṛuumanna pateanna udde niapaamatta su panginsueannu tempo rongnga mallal᷊uwo napawe jelai itingante.

1 MARARATU 2:8

Su ola'i Simei ana'i Gera wuassu soa Bahurim su wageangngu leta'i Benyamin, pia lai tanata'u si'o. Sulal᷊ummu amatangku watukku Mahanaim, i Simei udde dorone namontogga si ya'u ringannu maṛṛagissa. Arawe wua'udde, sutempo i tou nirumanta nanal᷊oho si ya'u su Sal᷊ukku Yordan, i ya'u nassalu si tou ringannu arannu Mawu manungku i ya'u tawe mamate si tou.

DARALO 3:2

Oh Mawu, tumaniten manambo see'u, tumaniten manambo mammangalo si ya'u!

DARALO 4:2

Oh Ruata, ete I'o apan uasamba'a si ya'u; simbakke amungkangu i ya'u sumal᷊ande. Sutempo i ya'u susa, I'o mantul᷊ungku; orassa indi tal᷊antupaawe i ya'u wuṛṛu daringiṛṛewe aal᷊iomangku.

DARALO 55:3

Intannoiwe i ya'u wuṛṛu simbaṛṛewe i ya'u, i ya'u naṛimunsa'a ana waugu asasusa'u.

DARALO 7:4

Oh Mawu Ruata'u, i ya'u na'ola'a pallal᷊inga, na'ola'a al᷊al᷊eo susaruannu sandingananna ara'e namaddon seetta ringannu tawe pinangiananne, unnu wisara i ya'u na'ola'a aroddi,

AMSAL 26:2

Naal᷊ihidda manu'u winalanganna tuttalla'a wuṛṛu mannalangnga su winalanganna, aroddi lai wawontoga tawe maṛṛino su taumata apan tawe sal᷊ane.

SONDAPPA 16:6

I mangitou suete napaaturon ṛaṛṛam walahannu Ruata wuṛṛu ṛaṛṛa manga nabi; orassa indi I'o mappa'inummu ṛaṛṛa si mangitou. Atonna, naṛṛinote udde maola'a si mangitou!”

MAL᷊AṚṚUUNGNGA 9:24

Olangnge indi nariaddi tadea'u awal᷊isante al᷊al᷊eon Abimelekh wuṛṛu manga taumatan Sikhem apan namono'a si tou iapapate siri pitu pul᷊o al᷊aṛana'i Gideon.