2 SAMUEL 16:21 - WUKE SUSI WATTI'U AL᷊AL᷊USASSA

²¹ I Ahitofel sinumimbakka, “Roote ringannu wawine nia'in iamangngi Tuangku apan tinantangnga niapataṛṛapa wal᷊en araratuanna, wuṛṛu atiille ringanni mangitou. Ahewallu Israel sarun maasingkatta inolaanni Tuangku udde, Tuangku buatte niapasaseettu iamangngi Tuangku. Ne anambon mallal᷊aṛenggenni Tuangku mabbal᷊i waṛṛani.”

2 SAMUEL 16:21 ပူးပေါင်းရင်းမြစ်များ

PANDARIADDI 34:30

I Yakub nabbisara si Simeon wuṛṛu si Lewi, “Iradua napaasusa'u. Orassa indi taumatan Kanaan wuṛṛu taumatan Feris wuṛṛu anambon tumana'u wanua indi sarun mandantingku. Manga taumatan kite matul᷊u; amungkangu manga tumana'u wanua udde maammula mandoappa wuṛṛu mamangalo si ya'u, anambon amonanni ite pateanna.”

PANDARIADDI 35:22

Tantal᷊anna i mangitou uatana'a su tampa udde i Ruben natiilla ringanni Bilha, awingngu iamangnge su liudde. Olangnge udde niasingkatanni Yakub, wuṛṛu i tou nasa'u atonna. I Yakub uatahuanna siri mapul᷊o dua ana'a esakka.

PANDARIADDI 38:16

Ana see i Yehuda nangundanin tou su winggin dal᷊anna udde, wuṛṛu nabbisara, “Pira apan dorongannu?” I tou wagga manungku wawine udde mananambone sassane. I Tamar sinumimbakka, “Walate i Tuangnga.”

PANDARIADDI 6:4

Su tempo udde, wuṛṛu lai nal᷊iudda wua'udde pia taumata wawalla su runia. I mangitou papapulunnu manga maṛṛualan taumata apan naawingngu al᷊aṛṛana'u Ruata. Manga taumata wawalla eteudde manga baṛṛanin seetta wahewalla wuṛṛu manga taumata tinumelengnga su tempon al᷊amona.

2 SAMUEL 10:6

Wua'udde taumatan Amon naatutukka manungku inolaanni mangitou udde naaola'a si Daud naisaseetti mangitou. Ana waugu udde i mangitou nanewa 20.000 su atoune tantaran Siria apan uatana'a su Bet-Rehob wuṛṛu Zoba, see lai 12.000 su atoune tantara wuassu Tob, see lai ratu wuassu wanua Maakha ringannu 1.000 su atoune tantarane.

2 SAMUEL 12:11

I Ya'u massalu sarun mandantan asasilaka si'o apan darantane wuassu amonannu sassane. I Ya'u sarun mangal᷊appa manga awingngu su saruannu matanu sassane wuṛṛu Ta'u ionggola su taumata waine apan sarun matiilla suadio'a ringanni mangitou su allattune.

2 SAMUEL 13:5

Ana see i Yonadab nabbisara si tou, “Udde mal᷊uassa! Lallowangke su tatattereanna, wuṛṛu pangawusute maradda'a. Napawe iamangngu rumanta mattembo si'o, wal᷊oa'a si tou, ‘Papa, wala'ewe i Tamar rumanta tadea'u i tou mangonggollo anna si ya'u. Amungkangu wotongnge i ya'u lai ma'ellega si tou mallaha anna isindi, ya'u wotongnge umanna.’ ”

2 SAMUEL 15:16

Ana see ratu inaite tatantalongannu anambon walahanne wuṛṛu mammamanaran araratuanne, tumba'u siri mapul᷊o wawine nia'i nitantangnga iapariagga wal᷊en araratuanna.

2 SAMUEL 16:20

Wua'udde i Absalom nabbisara si Ahitofel, “Wal᷊oa'a apa apan sarun olaanni ite.”

2 SAMUEL 17:7

I Husai sinumimbakka, “Tatantiron Ahitofel paassa indi dal᷊eo.

2 SAMUEL 2:7

Paatammudda naungngu, wuṛṛu pattannote ere atumannaṛṛannu soa! I Saul, ratunu atonna natete, arawe i ya'u buatte nitenegi mangitou naola'a ratun mangitou.”

2 SAMUEL 20:3

Napawe i Daud na'omate su wal᷊en araratuanne su Yerusalem, siri mapul᷊o nia'i apan nitantangnge iapariaga wal᷊en araratuanna, niapatana'i tou su wal᷊en apan lal᷊u'arannu mandariaga. Hausanni mangitou mangke nisuungnganna, arawe tawe saran paassa i Daud natiilla ringanni mangitou. Nariaddi i mangitou udde niṛṛambatta wuṛṛu i mangitou mabbiakka ere wawine wal᷊u ma'oman sara mate.

1 MARARATU 11:25

Ere lai i Hadad, i Ratu Rezon lai asaseettu Israel sutempo pabbiaṛṛanni Salomo, wuṛṛu mangngal᷊iba'ukku wanua udde.

1 MARARATU 2:17

“Apa darorongngu?” aiwal᷊on Batsyeba. I Adonia sinumimbakka, “I ya'u sumal᷊ande tadea'u Inangnga maddorongnga si Ratu Salomo tadea'u mamala'u ma'awingngi Abisag, maṛṛuala wuassu Sunem udde. I ya'u mangimanna i Salomo tawe manol᷊a'u darorongngu inangnga.”

1 MARARATU 2:22

“Anio Inangnga maddorongnga olangnge udde si ya'u?” aiwal᷊on Salomo. “Udde nassul᷊ungngu maddorongnga tadea'u i ya'u mangonggollu araratuanna indi si tou. Wal᷊inewe i tou iaangku? See lai Imam Abyatar wuṛṛu Yoab uasamba'a si tou!”

IMAMATTA 18:8

Imbaṛṛangnga mallobbosa iamangngu ringannu matatamba sangkatou suwallatu awingnge waine.

IMAMATTA 20:11

Sangkatou esakka apan natatamba ringannu sangkatou awingngu iamangnge, nangaṛṛo pussa'an hakku iamangnge. Esakka wuṛṛu wawine udde ṛinone iṛṛuumanna pateanna. Itarua nate ana waugu pasasalan tarua sassane.

ZAKARIA 8:13

Ei tumana'u Yehuda wuṛṛu Israel! Sutempo nanangkal᷊iu, amungkangngu manga taumata raho uawawontoga, i mangitou mabbisara, ‘Antimanna asasilaka apan naṛṛia'a su Yehuda wuṛṛu Israel maṛṛia'a si'o lai!’ Arawe i Ya'u sarun manal᷊amatta si yamiu, ma'oman sara manga taumata raho udde sarun mabbisara rundussa i mangitou, ‘Antimanna al᷊amatta apan nonto'a su Yehuda wuṛṛu Israel, umonto'a lai su watangannu!’ Ana waugu udde paatohasse naungu wuṛṛu arie paata'utta!”

1 KORINTUS 5:1

I ya'u atonna buatte naaringikka alae manungku su wallatti yamiu pia pallal᷊agu sussandaga apan nipangillembo; Piaddu su wallatti yamiu apan sinumandaga ringannu uatangnge. Manga taumata apan wagga ma'illal᷊a Mawu lai maddiri ma'ola'a pallal᷊agu udde!

1 SAMUEL 13:4

Su anambon walahannu Israel niapasingkatta manungku i Saul buatte namate tembonannu tantaran Filistin udde wuṛṛu manungku taumatan Filistin tumaniten maddantinnu taumatan Israel. Ana waugu udde tumana'u soa niumitu'a wawaggo wuṛṛu niammulen Saul su Gilgal.

1 SAMUEL 27:12

Arawe i Akhis mangngimanna si Daud wuṛṛu maṛṛingidda sulal᷊ummu naungnge, “I tou tumaniten aroddi ipaddantinnu pabbawalage sassane, na'oman sara i tou mangke maola'a allangku su al᷊o'engngu pabbiaṛṛanne.”