2 SAMUEL 16:1 - WUKE SUSI WATTI'U AL᷊AL᷊USASSA

¹ Sutempo i Daud wakkute nalliu niumamatta su puiddu wuidda, inaṛṛombanganne nirumantate i Ziba allangngi Mefiboset, inai maisasomban Daud ringannu uaapiddu sampare keledai apan lal᷊uranannu rua ṛasutta su waune roti, maṛṛasutta su polonne wuan anggore mamarate, maṛṛasutta su li'unne manga wuan aaluanna wakku wuṛṛu sambowongnga ua'e anggore.

2 SAMUEL 16:1 ပူးပေါင်းရင်းမြစ်များ

2 SAMUEL 15:30

Wua'udde i Daud nalluatta sapatune. I tou suadio'a ringannu mallal᷊aṛenggenne sinumaate Wuiddu Zaitun lapiddu lulluai ringannu pua paporonganna tatialan massusa.

2 SAMUEL 15:32

Sutempo i Daud na'omate su puiddu wuidda sutampa inanaramannu taumata mattaṛṛamawu Mawu, i tou nisal᷊ohoannu hawene apan marangngu eteudde i Husai taumatan Arki. Laubbi Husai nahesa'a wuṛṛu puane nisal᷊iawuṛṛannu awu.

2 SAMUEL 19:32

I Barzilai timmadete, uukke ual᷊ote pul᷊o su tonnane. I tou tumaniten ala wuṛṛu su al᷊annune i Ratu Daud uatana'a su Mahanaim dorone, ete i Barzilai apan mannaddia wiakku ratu.

1 TAWARIKH 12:40

Wuassu manga ṛuanganna su samba'an sawannakka apan marau eteudde ṛuanganni Isakhar, i Zebulon wuṛṛu i Naftali, taumata pasi ranta uaapiddu keledai, unta, bagal, wuṛṛu sapi apan napene lal᷊uranannu anna: taponna, wuan ara, kismis, anggore wuṛṛu lanan zaitun. I mangitou lai uaapiddu sapi wuṛṛu domba apan pateanna wuṛṛu inasanna. Sarangkanambone udde napal᷊iatta'a manungku aroddi lullala'a tumana'a su ahewallu Israel.

AMSAL 18:16

Lal᷊antakku maawu'a lal᷊anna wuṛṛu manguntuddu taumata ringannu manga tembonanne.

YEREMIA 40:10

Atana'e su manga soa apan ipaapulun kamiu, wuṛṛu pangammule see pamanahipunna anggore, manga wuan aaluanna wuṛṛu lanan zaitun. I ya'u sassane sarun marana'a si Mizpa wuṛṛu mananggal᷊uanna tumanangnge amungkangngu manga taumatan Babel rumanta inawarendi.”

YEREMIA 40:12

Ana waugu udde i mangitou nanantangke manga tampa suapa i mangitou nisal᷊iawukka, ana see nabbelengke su Yehuda. I mangitou nirumanta ringanni Gedalya su Mizpa, wuṛṛu nangammulu manambo atonna anggore wuṛṛu manga wuang kaaluanna.

AMOS 8:1

I ya'u naasomba sambau sondapa apia wuassu Mawu Apan Atanggaṛṛanne. I ya'u nassilo sambau sal᷊angka lal᷊oṛṛoannu manga wuan kaaluanna apan nal᷊ahate.

MIKHA 7:1

Nasilakate i ya'u! I ya'u naal᷊ihidda ere taumata niamal᷊unusanna apan inaite nani'o wuan aaluanna napawe nal᷊iudde tempone. Nasuete manga wuane su aaluanna. Wuan anggore wuṛṛu wuan ara apan mangkapia sarangkanambone nasuete niti'o.

1 SAMUEL 10:3

I Samuel nabbisara apia, “Wua' isudde i'o asal᷊ate amatta maddatingngu punnu alu patataṛṛamawuanna su Tabor. Poiaroddi i'o sarun massomban siri tallu esakka apan tantal᷊anna mattuda Betel inai mangonggollu sasamba su Ruata. Sangkatou ua'ehetta tatallu ana'u ambingnga, sangkatou lai uaapiddu tatallu su warene roti, wuṛṛu sangkatou lai uaapiddu pato'a wuassu pisi lal᷊oṛṛoannu anggore.

1 SAMUEL 16:20

Wua'udde i Isai nandiahi sambau keledai, ana see i tou nallurannu sambau ana'u ambinga, roti wuṛṛu pato'a wuassu pisi niloṛṛoannu anggore na'oman sara napene. Sarangkanambone udde niapaapidda si Daud iapaonggolla si Saul.

1 SAMUEL 25:18

Ana see i Abigail lapiddu nanganu rua ṛasutta roti, wuṛṛu darua pato'a wuassu pisi apan napenen anggore, lima domba nipanggangnga, mapul᷊o pitu su kilone gandumma nihorengnga, maṛṛasutta su raene wuan anggore mamara wuṛṛu rua ṛasutta kukisse wuassu ara. Sarangakanambone udde niluranna su manga keledaine.