2 SAMUEL 15:10 - WUKE SUSI WATTI'U AL᷊AL᷊USASSA

¹⁰ Arawe tantal᷊anna udde i tou buatte nandolokku manga daroloṛṛanna su anambon walahannu Israel ringannu uaapiddu tanata, “Amungkangu i yamiu maaringikka tingikku trompeta, pangintul᷊ite, ‘I Absalom naola'e ratu su Hebron!’ ”

2 SAMUEL 15:10 ပူးပေါင်းရင်းမြစ်များ

2 SAMUEL 13:28

I tou namarenta manga allangnge, “Paellehe paapia-pia, napawe i Amnon wu'ante ana waugu na'inumma anggore, i ya'u sarun mamarenta, wua'udde patete i tou. Arie pa'ata'utta. I ya'u te sumaruanna olangnge udde. Pammanarate ringannu waṛṛani wuṛṛu imbaṛṛangnga mapapaddua!”

2 SAMUEL 14:30

Wua'udde i Absalom nabbisarate manga allangnge, “I yamiu masingkattu wailli Yoab su samba'an wawail᷊angku apan sasuanannu jelai? Tutungke wailla udde.” Ne i mangitou inaite nanutungnga.

2 SAMUEL 15:9

Ratu sinumimbakka, “Roote ringannu sal᷊amatta.” Ana see i Absalom inaite watukku Hebron.

2 SAMUEL 19:10

I Absalom nitenegi ite naola'a ratu, arawe orassa indi natete sulal᷊ummu pangalo. Anio tawe saran sangkatou apan maṛṛingidda mangapiddi Ratu Daud mabbelengnga?”

2 SAMUEL 2:1

Wua'udde i Daud naiwal᷊ote Mawu, “Mawu maapulu i ya'u inai manahuanna sambau soa su Yehuda?” “Ore,” sasimbakku Mawu. “Soa suapane?” Daud naiwal᷊o. “Hebron,” sasimbakku Mawu.

2 SAMUEL 2:11

wuṛṛu i Daud namarenta Hebron su Yehuda pitu tonna mattangnga al᷊annune.

2 SAMUEL 5:5

Su Hebron i tou namarenta Yehuda al᷊annune pitu tonna mattangnga, wuṛṛu su Yerusalem i tou uaparenta ahewallu Israel wuṛṛu Yehuda al᷊annune tatallu pul᷊o tallu su tonnane.

1 MARARATU 1:11

Ne i Nabi Natan inaite naisasomban Batsyeba, inangngi Salomo, ana see nabbisara si tou, “Apa Awingngi Tuangnga Ratu taambe naaringkikka manungku i Adonia, ana'i Hagit, buatte nanenegu watanganne naola'a ratu, arawe i Ratu Daud wagga su olangnge udde?

1 MARARATU 1:34

Poiaroddi i Zadok wuṛṛu i Natan manenegi tou maola'a ratun Israel. Wua'udde ṛinone i yamiu mattiuppa trompeta wuṛṛu maggio, ‘Wiakke Ratu Salomo!’

2 MARARATU 9:13

Manga ringanni Yehu nasasaṛawutta nalluatta juban mangitou wuṛṛu niampakka su tuadda su saruanni Yehu. Ana see i mangitou nattiuppa trompeta wuṛṛu uui, “i Yehu ratu!”

1 TAWARIKH 11:3

Ne i Daud na'ire manga piaṛṛa'u Israel udde. Ana see i mangitou nanenegi Daud naola'a ratun Israel, ere buatte pina'ire Mawu si Samuel.

1 TAWARIKH 12:23

Sutempo i Daud su Hebron manambo tantara apan masiṛṛangke naammuli tou. I mangitou nassumbala si Daud tadea'u i tou wotongnge maola'a ratu mallol᷊ossa si Saul, ere buatte pina'iren Mawu. Reenganni mangitou ere manansunna indi: Wuassu ṛuanganni Yehuda 6.800 su atoune, nasuungnga ringannu allungnga wuṛṛu sambeangnga. Wuassu ṛuanganni Simeon 7.100 tantara apan masiṛṛongke. Wuassu ṛuanganni Lewi: 4.600 su atoune. Tantaran Yoyada uapiaṛṛa'u papapulunni Harun: 3.700 su atoune. Manga tuṛṛangngi Zadok, sangkatou tantara saṛṛen tumuwo apan waṛṛani: 22 su atoune – sarangkanambone tembonannu alahanna. Wuassu ṛuanganni Benyamin (ṛuanganni Ratu Saul): 3.000 su atoune; anamboanne wuassu ṛuanganni Benyamin sidutu tuttuṛṛuta si Saul. Wuassu ṛuanganni Efraim: 20.800 taumata apan tinumelengnga sulal᷊ummu amonanne sambau-sambau Wuassu ṛuanganni Manasye su samba'a waṛṛattu Sal᷊ukku Yordan: 18.000 su atoune apan nipile mapatenegi Daud maola'a ratu Wuassu ṛuanganni Izakhar: 200 piaṛṛangnge ringannu tantaran mangitou; manga piaṛṛangnge udde pande manantunnu apa apan ṛinone manarannu tumana'u Israel sutempone Wuassu ṛuanganni Zebulon: 50.000 su atoune apan pande mappaattu al᷊awo'u lutangnga, uasaddiate mapapangalo; ete i mangitou udde manga taumata apan matuṛṛutta wuṛṛu apangimananna Wuassu ṛuanganni Naftali: 1.000 su atoune piaṛṛa'a suadio'a ringannu 37.000 tantara apan nasuungnga ringannu allungnga wuṛṛu sambeangnga Wuassu ṛuanganni Dan: 28.600 su atoune apan nal᷊atite Wuassu ṛuanganni Asyer: 40.000 su atoune apan nasaddiate mapapangalo Wuassu manga ṛuanganna su samba'a ra'in Sal᷊ukku Yordan eteudde Ruben, Gad wuṛṛu sambageanganna wuassu ṛuanganni Manasye: 120.000 su atoune apan pande mappaattu al᷊awo'u hatin lutangnga.

1 TAWARIKH 12:38

Anambon tantara udde inaite watukku Hebron ringannu nariahite mapapangalo wuṛṛu nabbaidde manenegi Daud maola'a ratu su ahewallu Israel. Ne anambon taumatan Israel waine lai naungnge sambua su olangnge udde.