2 SAMUEL 14:2 - WUKE SUSI WATTI'U AL᷊AL᷊USASSA

² ana waugu udde i tou napaal᷊appu sangkatou wawine pande apan uatana'a su Tekoa. Napawe wawine udde na'omate, i Yoab nabbisara si tou, “Inangnga ṛinone pangawusu lullal᷊o; palluṛṛeten laubbu lullal᷊o, wuṛṛu imbaṛṛangnga mamuṛṛan lana mawangngi. Pattannote ere wawine apan mal᷊annute lulluai papaten taumata apan arangnguanne.

2 SAMUEL 14:2 ပူးပေါင်းရင်းမြစ်များ

PANDARIADDI 38:19

I Tamar napul᷊ete watukku wal᷊ene wuṛṛu nalluatta lal᷊indummu hatine, ana see nalluṛṛen laubbu inawal᷊uanne apia.

2 SAMUEL 11:26

Sutempo i Batsyeba naaringikka manungku awingnge natete, i tou nilumal᷊o.

2 SAMUEL 12:20

Ne i Daud dirumarisikke wuassu apampakku wal᷊en, ana see nandeno wuṛṛu na'aṛṛo utangnge, wuṛṛu nangganti laubba. Wua'udde i tou inaite mattaṛṛamawu su Wal᷊en Mawu. Wua'udde i tou nabelengke su wal᷊en araratuanna, wua'udde i tou naiatokku anna, ana see i tou niumante.

2 SAMUEL 20:16

Su soa udde pia sangkatou wawine apan pande, ne i tou uarisikka su wowon tanda'a watu udde wuṛṛu niumal᷊iata, “Paddaringikka! Paddaringikka! paddorongke tadea'u i Yoab rumanata inawarendi; ya'u maapulu maggahatto tou.”

1 MARARATU 14:2

I Yerobeam nabbisarate su awingnge, “Pandiahite inai watukku Silo su wal᷊en Nabi Ahia apan dorone nabbisara manungku i ya'u sarun maola'a ratun Israel. Arawe pa'ilal᷊ihidda tadea'u taumata wagga isai i'o.

1 MARARATU 14:5

Arawe Mawu namasingkatta si tou manungku awingngi Yerobeam rumanta wuṛṛu maiwal᷊on anangnge apan maradda'a. Wuṛṛu Mawu lai namasingkatta si Nabi Ahia apa apan sarun iwisarane. Sutempo awingngi Yerobeam na'omate poiaroddi, i tou nailal᷊ihidda ere taumata waine.

2 TAWARIKH 11:6

soa Betlehem, Etam, Tekoa,

2 TAWARIKH 20:20

Tiṛṛabbine marua allo maṛṛanggapa, tumanangnge sinumabbangnga wuṛṛu inaite watukku wageangngu wadda'a maranin Tekoa. Sutempo i mangitou umamatte, Yosafat nangonggolu tanata indi si mangitou, “Tumana'u Yehuda wuṛṛu Yerusalem! Pangimante Mawu Ruatanu, ne i yamiu sidutu wiakka. Sengkampe tatantiro wuassu manga nabinu, ne i yamiu sarun maasomba hessine!”

NEHEMIA 3:27

Manga pira wageangngu darandungnga manansunna niola'u manga taumata indi sulal᷊ummu tal᷊atadde ere manansunna indi: Tumana'u soa Tekoa: darandungnga wuassu saruannu candi pandariagganna Wal᷊en Mawu maddatingngu darandungnga su wageangngu leta'u Ofel. Manga imam apan uatana'a maranin Ngara Wahewallu Awal᷊o: darandungnga apan uasaruanna wal᷊en sangkatou-sangkatou wuassu ngara wahewalla udde masal᷊a watukku sawannakka. Zadok ana'i Imer: darandungnga apan uasaruanna wal᷊ene. Semaya ana'i Sekhanya, mandariagga ngara Wahewallu Ra'i: darandungnga apan uasasaruannu wal᷊ene. Hananya ana'i Selemya wuṛṛu Hanun ana'i Zalaf apan aiannumme. Mesulam ana'i Berekhya: darandungnga apan uasasaruannu wal᷊ene. Malkia, sangkatou mapapanden bul᷊awanna: darandungnga maddatingngu wal᷊en manga mamanaran Wal᷊en Mawu wuṛṛu manga sal᷊en manga maddaraganga su saruannu Ngara Wahewallu Mifkad wuṛṛu maddatingngu marani wabbo'a al᷊iu rosone su pabbuuannu darandungnga samba'a lawassiitta. Manga mapapanden bul᷊awanna wuṛṛu maddaraganga: wageangngu darandungnga apan panginsueanne, manattakka waussu wabbo'a al᷊iu rosone su pabbuannu darandunga maddatingngu Ngara Wahewallu Domba.

DARALO 104:15

wuṛṛu napasabbangu ua'e anggore apan maal᷊uassa. See lai lanan zaitun apan maatilangnga hatine, wuṛṛu anna apan mangngonggolu atatohassa si tou.

MANNANASE 9:8

Wala'e hatinu matilangnga wuṛṛu mal᷊aukka.

YEREMIA 6:1

Roote tal᷊angnga, ei manga taumatan Benyamin! Tantanga'e Yerusalem! Paniuppe trompetta su Tekoa, wuṛṛu paṛṛenggama'e putungnga isaratta su Bet-Kerem! Asasilaka wuṛṛu pangalo wahewalla rumanta wuassu sawannakka.

AMOS 1:1

Amos uddewe sangkatou mallal᷊u'adda domba wuassu soa Tekoa. I tou naola'a nabi sutempo wanua Yehuda paprentanni Ratu Uzia, wuṛṛu Israel paparentanni Ratu Yerobeam, ana'i Yoas. Darua su tonnane tantal᷊anna taambe nariaddi linukka, Ruata namasingkatta si Amos manga inolaanna su ola'u Israel.

MATIUS 6:17

Arawe amungkangngu i yamiu mappuasa, rammusa hatinu wuṛṛu paaṛṛo paal᷊eno-l᷊eno utangngu,

RUT 3:3

Orassa indi pandenote i'o, pamuṛaten manga lana mawangngi, wuṛṛu luṛṛea'e laungngu apan apianne. Ana see roote su tampan Boas tantal᷊anna mammanara mannontongngu gandumma wuassu raene. Paṛṛadote isudde ma'oman sara i tou nasute niumanna wuṛṛu na'inumma, arawe arie ma'oman sara i tou maasingkata manungku io lai poiaroddi.