2 SAMUEL 14:16 - WUKE SUSI WATTI'U AL᷊AL᷊USASSA

¹⁶ Allangngu maṛṛingidda i Tuangku sarun maddaringikka wuṛṛu manal᷊amatta allangngu wuassu taumata apan pia pandumma mamate allangngu wuṛṛu ana'u allangngu. I mangitou pia pandumma mallimbuakka si yami wuassu leta'a apan nionggollu Ruata su al᷊aṛṛanang-Nge.

2 SAMUEL 14:16 ပူးပေါင်းရင်းမြစ်များ

2 SAMUEL 14:15

Allangngu sinumaruanna si Tuangku ana waugu allangngu iwabbansaggu taumata. Ana see allangngu naṛṛingidda mappianne allangngu maggahatton Tuangku ringannu antimma manungku darorongngu allangngu indi sarun tipusanni Tuangku.

2 SAMUEL 20:19

Soan kami Abel indi wahewalla, sambau soa apan matammudda wuṛṛu matuṛṛutta su leta'u Israel. Anio i Tuangnga pia pandumma mankkimunsa'a soa udde? i Tuangnga maapulu manggohakka leta'a pussa'an Mawu?”

DARALO 72:12

Ana waugu i tou namallossu taumata niallangnga apan tawe maal᷊ore, wuṛṛu taumata asiangnga apan sussal᷊ande si tou.

AMSAL 16:10

Ratu nanengkamma taṛṛino wuassu Ruata, nariaddi, i tou tawe nassal᷊a sulal᷊ummu laṛṛawenne.

TAHIUL᷊E 32:9

Arawe papapulunni Yakub indi nipile Mawu hunan batangan-Ne sassane.

1 SAMUEL 26:19

Tuangnga paddaringikke sasubban allangngu indi. Unnu wisara Mawu buatte nandolokki Tuangnga niaparo'appa allangngu, udde maola'a sambau sasamba apan botongnge mapaasungen asasa'un Mawu su saruannu allangnge. Arawe unnu wisara apan nirolokki Tuangnga udde taumata, doronganna i mangitou wontohannu Mawu. Ana waugu wuassu inolaanni mangitou, allangngu buatte nilimbuaṛṛanna wuassu leta'a pussa'an Mawu wuṛṛu ringannu mawakkatta allangngu inaite su wanua waine suapa allangngu ṛinone mattaṛṛamawu monganna apan ta'e awagananna.