2 SAMUEL 13:28 - WUKE SUSI WATTI'U AL᷊AL᷊USASSA

²⁸ I tou namarenta manga allangnge, “Paellehe paapia-pia, napawe i Amnon wu'ante ana waugu na'inumma anggore, i ya'u sarun mamarenta, wua'udde patete i tou. Arie pa'ata'utta. I ya'u te sumaruanna olangnge udde. Pammanarate ringannu waṛṛani wuṛṛu imbaṛṛangnga mapapaddua!”

2 SAMUEL 13:28 ပူးပေါင်းရင်းမြစ်များ

PANDARIADDI 9:21

Napawe i Nuh na'inumma anggore, i tou niwu'anne. Niluatta laungnge ana see i tou natiilla tantol᷊e sulal᷊ummu rasanne.

2 SAMUEL 11:13

Ne i tou niumante, i tou manambo nionggol᷊annu inumanna na'oman sara i tou niwu'anne. Arawe su ṛabbi udde lai i Uria tawe napul᷊e su wal᷊ene, ewe'e natiilla nangampakku nasa sulal᷊ummu tampan mandariaga wal᷊en araratuanna.

2 SAMUEL 11:15

I tou namoṛṛetta arendi, “i Uria pararisira'a su saruanne atonna-tonna, su tampan papangaloanna apan asaddatanne, ana see i'o soṛṛotte ringannu awagananni tou tadea'u i tou mate.”

2 SAMUEL 12:10

Ana waugu i'o tawe tinumuṛṛutta si Ya'u wuṛṛu i'o nanganu awingngi Uria, ne suapan papapulunnu piaddu mate iapate.

2 SAMUEL 13:27

Arawe ana waugu i Absalom sidutu mammata'a, panginsueanne i Daud nandolokki Amnon wuṛṛu anangnge esakka sarangkanambone apan baine tumantalongnga si Absalom. (Ana see i Absalom nanarun anna apan apianne si mangitou.)

2 SAMUEL 14:6

Allangngu pia ruan katou ana'a esakka, ne su allo sambau itarua natatiakka su wadda'a. Ana waugu tawe taumata nalla'assa, ne suwallattu sangkatou nate.

1 MARARATU 20:16

Pamamangalo nitattakka allo sutempo i Benhadad wuṛṛu tallun pul᷊o dua ratu apan naola'a hawene udde tantal᷊anna ma'inumma na'oman sara niwu'anne sulal᷊ummu rasanni mangitou.

ESTER 1:10

Su allo appitune, ratu tantal᷊anna ma'inumma na'oman sara naapendamma tumaniten lulluassa. Ana waugu udde i tou namaggo siri pitu tembonanne apan niṛṛae maola'a mangngangimbene sassane; i mangitou eteudde Mehuman, Bizta, Harbona, Bigta, Abagta, Zetar wuṛṛu Karkas.

DARALO 104:15

wuṛṛu napasabbangu ua'e anggore apan maal᷊uassa. See lai lanan zaitun apan maatilangnga hatine, wuṛṛu anna apan mangngonggolu atatohassa si tou.

SASABANGNGA 1:18

Ne ratu namago biangnga darua udde wuṛṛu naiwal᷊o, “Anio iraddua namalan manga ana'a esakka udde wiakka?”

MANNANASE 10:19

Andeangnga maaola'a lal᷊agge, wuṛṛu anggore maaola'a lal᷊ala'a. Salaiwe tawe doitta iapamaekka.

MANNANASE 9:7

Wette, ante wuṛṛu lalluasse, pa'inumpe anggore ringannu lullala'a. Ruata tawe mamulo, ewe'e i tou lai mandolokka.

DANIEL 5:30

Su rabbi udde lai nippatete Belsyazar ratun Babel udde.

NAHUM 1:10

I'o sarun soṛṛowanna ere laṛṛami apan namarate ere aputta ṛoaanna apan uaandongnga.

LUKAS 21:34

“Paariagai wadangngu, arie ma'oman sara i yamiu tumanite manambo ma'ola'a andeangnga wuṛṛu ma'inumma ua'e ma'awu'anna, ara'e tumanite maṛṛingiddu al᷊awo'u hattom biakki yamiu, na'oman sara i yamiu tawe naasaddia napawe allo udde nirumanta ringannu awagananna.

WATTI'U MANGA RASUL 5:29

I Petrus wuṛṛu manga rasul apan baine sinumimbakka, “I yami ṛinone tumuṛṛutta Ruata wuṛṛu wal᷊ine tumuṛṛutta taumata.

YOSUA 1:9

Naunge, i Ya'u buatte namarenta si'o tadea'u i'o atonna-tonna mangimanna wuṛṛu waṛṛani! Imbaṛṛanga i'o mata'utta ara'e alal᷊eoannu ikkata, ana waugu i Ya'u Mawu Ruatanu uṛundingnna su al᷊awo'u tampa a'amatannu.”

MAL᷊AṚṚUUNGNGA 19:22

Tantal᷊anna i mangitou mallal᷊umanna'a, inaṛombanganna wal᷊en udde papal᷊iwutanten manga taumata lal᷊eo wuassu soa udde. I mangitou namu'a ngara wuṛṛu nabbisara timmade udde, “Tantil᷊a'e si yami esakka apan niapiddu su wal᷊enu. Yami mappulu mappaatti tou!”

MAL᷊AṚṚUUNGNGA 19:6

Ne taumatan Lewi udde niuma'iante ana see inumante wuṛṛu na'inumpe suadio'a ringannu iamangu wawine udde. Arawe napawe i tou rumarisikke ana waugu inaite, iamangu wawine udde nassal᷊o'a tadea'u lasa'e paapul᷊e. “Paatammude isindi asuene,” wisarane, “wuṛṛu panaṛabbite isindi.” Ne taumatan Lewi udde natana'e isudde saṛabbi lai.

MAL᷊AṚṚUUNGNGA 19:9

Wua'udde, napawe taumatan Lewi udde wuṛṛu sawane su liudde see lai allangnge inaite, iamange udde nabbisara, “Allo wawallote, tate mal᷊annu lai marandumpe. Mappianne panaṛabbite isindi wuṛṛu paatammude. Tiṛabbi yamiu wotongnge napu'o maṛanggapa inai mapul᷊e.”

RUT 3:7

Napawe i Boas buatte niumanna wuṛṛu na'inumma, i tou naapendamma aaul᷊e wuṛṛu mal᷊uassa naungnge. Ana see i tou inaite matiilla maranin gandumma ua'ombo. Ringannu mal᷊anna-l᷊annabba i Rut nirumanta wuṛṛu namu'a nasan Boas, wua'udde natiilla maranin leddane.

1 SAMUEL 18:22

Wua'udde i tou nandolokku manga mammamanarane tadea'u iapawal᷊o si Daud ringannu mal᷊anna-l᷊annabba, arendi, “i Tuangnga marangngu si'o aroddi lai manga mammamanarane; nariaddi ete orassa indi tempone apan mapia si'o ma'awingngu anangnge maṛṛuala udde.”

1 SAMUEL 28:10

Ana see i Saul nassalu, wisarane, “Sulal᷊ummu arannu Mawu apan biakka, ya'u maddiandi manungku i'o tawe iṛṛuumangku ana waugu na'ola'a inolaanna indi.”

1 SAMUEL 28:13

I Ratu sinumimbakka, “Arie paata'utta! Pasingkata'e apa apan niasiloannu!” Wawine udde sinumimbakka, “Allangngu naasilo ghaṛaho nilumapputta wuassu runia.”