2 SAMUEL 12:13 - WUKE SUSI WATTI'U AL᷊AL᷊USASSA

¹³ Ana see i Daud nabbisara si Natan, “I ya'u buatte na'ola;'a rosa su saruannu Mawu.” I Natan sinumimbakka, “Mawu buatte nangampungnga pasasal᷊an Tuangnga; nariaddi i Tuangnga tawe mate.

2 SAMUEL 12:13 ပူးပေါင်းရင်းမြစ်များ

PANDARIADDI 39:9

Isindi taṛṛino'u uasul᷊ungngu taṛṛinone. Tawe saran sambau apan tawe niapangimanna si ya'u tumba'u i Mama tawe. Ereapa wotongnge i ya'u ma'ola'a al᷊al᷊eo udde wuṛṛu marosa su saruannu Ruata?”

2 SAMUEL 24:10

Arawe napawe i Daud buatte nandeengngu walahanna udde, i tou naapendamma pasasal᷊a, wua'udde i tou nabbisarate Mawu, “Oh Mawu, i ya'u tumaniten marosa! Ampungewe i ya'u, ana waugu inolaangku udde tumaniten longonna.”

2 SAMUEL 24:17

I Daud naasilo mala'ekatta apan tantal᷊anna mammate tumanangnge udde, ana see i tou nabbisara Mawu, “Ete i ya'u apan marosa ana waugu i ya'u apan na'ola'a pasasal᷊a udde. Arawe apate pasasal᷊an walahanna nasusa udde? Ṛuumana'e i ya'u wuṛṛu amonangku!”

1 MARARATU 13:4

Sutempo i Yerobeam naaringikka manga wisara udde, i tou nanta'en nabi udde see nangintul᷊i, “Sametta taumata udde!” Arawe ta'iakki Yerobeam lapiddu nanottoga na'oman sara i tou tate maawol᷊engnga apia.

1 MARARATU 21:20

Sutempo i Ahab naasilo si Elia, i tou nabbisara, “Ei seetta, panginsueanne i'o naasangkalla si ya'u!” “Atonna,” sasimbakki Elia. “Ana waugu i Tuangnga ringannu na'utulla na'ola'a al᷊al᷊eo su aellegu Mawu,

1 MARARATU 22:8

I Ahab sinumimbakka, “Ta'e pia sangkatou, i Mikha ana'i Yimla. Arawe i ya'u maddantinni tou, ana waugu tawe saran paassa i tou maramallu apa apan mapia si ya'u; sidutu apan dal᷊eo.” “Eh, arie pabbisara aroddi!” sasimbakki Yosafat.

2 MARARATU 1:9

Ana see i tou nandolokku sangkatou tembonannu tantara wuṛṛu siri liman pul᷊o tantarane inai iapasametta si Elia. Tembonannu tantara udde inaite ana see naaratingnga si Elia tantal᷊anna ua'ianna su sambau wuidda. “Ei, allangu Ruata,” wisaran tembonannu tantara udde, “ratu nandolokka i'o iapasossokka!”

1 TAWARIKH 21:8

Ana see i Daud inumal᷊iomante su Ruata wisarane, “Oh Ruata, i ya'u tumaniten marosa! Ampungewe i ya'u, ana waugu inolaangku udde tumaniten longonna.”

2 TAWARIKH 16:10

Wisaran Nabi Hanani udde naasa'u si Asa na'oman sara nabi udde nitaṛṛon Asa sulal᷊ummu tattupanna. Orassa udde lai Asa nanansara manga pira taumata wuassu tumanangnge.

2 TAWARIKH 25:16

“Paal᷊annabba,” unni Amazia, “Amungkangu tawe, yami sarun mamate si'o! Tawe saran paassa yami namile si'o maola'a mananantiron datu!” Ne nabi udde nallannabbe, arawe paarorone i tou naawisara, “Orassa indi ya'u masingkatta manungku Ruata buatte nakkawessa mamate si Tuangnga ana waugu inolaanni Tuangnga udde, wuṛṛu ana waugu i Tuangnga maddiri maddaringikka tatantiro'u.”

AYUB 33:27

Ne su saruannu awadaalla i tou sarun mabbisara, ‘Iapa lal᷊eo sassunnangku mapia, ahewallawe eteapa rosa'u, arawe Ruata tawe makkuumangku.’

DARALO 103:12

Araune wuassu ra'i maddatingngu waṛṛata, araune udde lai niramme-Ne manga rosan kite.

DARALO 51:16

Liuaawe i ya'u wuassu papate, oh Ruata mananal᷊ama'u, ne ringannu lullala'a i ya'u sarun mamasingkattu atatul᷊iddu Mawu.

DARALO 51:4

Ukkasawe al᷊awo'u al᷊al᷊eo; waresiwe i ya'u wuassu rosa'u.

DARALO 51:6

Su saruan-Nu, tumba'u su saruan-Nu i ya'u narosa, wuṛṛu a'olaangku pallal᷊aghu a'ellehan-Nu lal᷊eo. Ne suṛṛinone I'o makkuumangku, naṛṛinote apulu-Nu.

SASABANGNGA 9:27

Ana see ratu namago si Musa wuṛṛu si Harun, wuṛṛu nabbisara, “I Ya'u narosate. Ete Mawu apan naṛṛino, i ya'u wuṛṛu tumana'u araratuangku buatte na'ola'a pasasal᷊a.

AMSAL 25:12

Tatagun taumata pande su taumata apan mappulu maddaringikka naal᷊ihidda sinsingnga wul᷊awanna ara'e lal᷊oggakka wul᷊awanna.

AMSAL 28:13

Isai apan mammunin dosane tawe mauntungnga. Isai manga'u wuṛṛu manantangngu rosa, sarun dangnguannu Mawu.

YESAYA 38:17

Asasinggawangku sarun mawal᷊u mabbal᷊i atatammudda, I'o nanal᷊amatta si ya'u wuassu asasilaka; manga rosa'u sarangkanambone buatte niampungan-Nu.

YESAYA 43:24

I'o tawe namalli dupa mawangngi huna-Ku, tawe napaal᷊ai-U ringannu tawa sasamba nipotonnu. Ewe'e i'o mawal᷊i'a nangonggollu winabbawa si Ya'u ringannu manga rosanu, napaasusa-U ringannu manga pasasal᷊anu.

YESAYA 44:22

Pasasal᷊anu Ta'u limbuaṛṛanna ere winabbawa, rosanu Ta'u iapasal᷊iu ere abbunga. Pabbelengke ringang-Ku, ana waugu i Ya'u buatte namallonnu!”

LAL᷊ALLU 3:32

Napawe i Tou nangonggollu asasusa i Tou lai mandangngu, ana waugu i Tou sidutu tuttal᷊antuppi ite ringannu darangngu apan tawe pattaal᷊anne.

IMAMATTA 20:10

Amungkangngu sangkatou Israel sinumandaga ringannu awingngu taumata sambalahanne, i tou wuṛṛu wawine udde ṛinone iṛṛuumanna pateanna.

IMAMATTA 24:17

Isai apan namate taumata waine ṛinone iṛṛuumanna pateanna.

ZAKARIA 3:4

Ne mala'ekatta udde nabbisarate su manga mangangimbe su surga, “Rammea'e laubba nallal᷊uhuranna apan ual᷊uṛṛe su taumata indi.” Wuṛṛu si Yosua i tou nabbisara, “Rosanu buatte ta'u niramme, i'o ta'u onggol᷊annu laubba wakku.”

MATIUS 14:10

I tou nandolokku taumata inai watukku tuttupanna iapapototta puan Yohanes.

LUKAS 15:21

‘Iamangnga,’ unnu ana'a udde, ‘i ya'u suete na'ola'a rosa su saruannu Ruata wuṛṛu su saruannu Iamangnga. Tate su ṛinone lai ya'u isago ana'u Iamangnga.’

LUKAS 18:13

Arawe madarorongnga wose udde nirumarisikka marau-rau wuṛṛu tawe maningngara langitta. Lapiddu mannapu roone, i tou nabbisara, ‘O Ruata, akkanawe i ya'u, taumata marosa indi!’ ”

WATTI'U MANGA RASUL 2:37

Napawe manga taumata udde naaringikka olangnge udde, naungngi mangitou u'ambul᷊isada. See i mangitou naiwal᷊o si Petrus wuṛṛu manga rasul apan baine, “Manga tuṛṛangnga apa ṛinone olaanni yami?”

IBRANI 9:26

Ana waugu amungkangu aroddi, udde atappasanne i Tou masokkate matataṛṛanga ro'en runia indi niriaddi. Arawe wutte'e, orassa indi su tempo apan panginsueanne indi, i Tou nirumanta tumba'u paassa mamappasa rosa ringannu nanantillu wadang-Nge sassane.

1 YOHANES 1:7

Arawe amungkangu i ite mabbiakka sulal᷊ummu asasemakka ere lai Ruata sulal᷊ummu asasemakka, ne i ite mabbiakka uaaukka atonna, uasangkapia sangkatou ringannu waine, wuṛṛu ṛaṛṛan Mawu Yesus, Anang-Nge, namaresi si ite wuassu al᷊awo'u rosa.

SONDAPPA 1:5

wuṛṛu wuassi Yesus Kristus, mattatiala apan matuṛṛuta. Ete i Tou apan paarorone niapaawiakka apia wuassu papate wuṛṛu ete i Tou ahebbal᷊anne uaparenta manga ratun runia. Mawu Yesus mandangngu si ite, wuṛṛu ringannu papate-Ne, i Tou napaal᷊iung kite wuassu manga rosang kite,

1 SAMUEL 15:20

I Saul sinumimbakka, “I ya'u buatte tinumuṛṛutta parentan Mawu, wuṛṛu inaite napapangalo ere buatte nirolokku Mawu si ya'u; i Agag ratun Amalek ta'u sinametta wuṛṛu anambon taumatan Amalek buatte ta'u nipate.

1 SAMUEL 15:30

I Saul sinumimbakka, “I ya'u narosate. Arawe tul᷊unga'a Papa, pabbelengke suadio'a ringangku tadea'u ya'u wotongnge mattaṛṛamawu su Mawu Ruata Iamangnga. Ringannu aroddi i Papa mangngaddatta si ya'u su saruannu manga piaṛṛa'u pabbawala'u wuṛṛu su saruannu anambon taumatan Israel.”