2 SAMUEL 1:21 - WUKE SUSI WATTI'U AL᷊AL᷊USASSA

²¹ Ei manga wuiddu Gilboa, paddaringikka wisara'u; Arie ma'oman sara wal᷊angngukka wuṛṛu uranna maaṛṛolo si'o! Wala'ewe mamara wuṛṛu maṛṛasa leta'u wawail᷊annu wuṛṛu wadda'a. Ana waugu ete poiaroddi nirangkalle allungngu taumata waṛṛani. Wuṛṛu allungngi Saul nitaiante, tate lai lananna.

2 SAMUEL 1:21 ပူးပေါင်းရင်းမြစ်များ

1 TAWARIKH 10:1

Taumatan Filistin napapangalon taumatan Israel. I mangitou napapangalo su panenteannu Gilboa. Manambo taumatan Israel nate isudde, wuṛṛu nallambe nasutta lai i Ratu Saul wuṛṛu manga parinsine apan naatal᷊angngu watanganne.

1 TAWARIKH 10:8

Tiṛṛabbine napawe taumatan Filistin nirumanta nangaṛṛo manga winal᷊unanna, i mangitou naasangkalla si Saul wuṛṛu siri tallu parinsine apan nate su panenteannu Gilboa.

ANTARI MAWANTUGA 4:4

Ullekanu naal᷊ihidda candin Daud, apan niola'a tadea'u pangadoannu lutangnga. Wul᷊elenu ere saṛṛiwu allungnga papuullu manga atumannaṛṛanne sarangkanambone.

YESAYA 21:5

I ya'u lai naasilo andeangngu pesetta apan buatte nisaddia; tampa aianannu taumata niwagoanna nasaddiate. I mangitou u'anna ma'inumma. Inaṛṛombanganne niaringikka parenta: “Ei manga piaṛṛa'u tantara! Riahite allungngu!”

YESAYA 5:6

I Ya'u sarun mamalane tuwoannu ahuranganna waine. Punnu anggorene tawe Ta'u tontoanna, wuṛṛu tawe Ta'u wabbasanna. Ewe'e Ta'u iwala tataapannu ahuranganna ṛoaanna wuṛṛu nannal᷊o, ewe'e lai manga winabbawa Ta'u isingadda mangema'u uranna su wailla udde.”

YEHEZKIEL 31:15

Etearendi wisara Mawu Apan Atanggaṛṛanne, “Amungkangngu aaluanna udde sinumossokka su runian taumata nate, i Ya'u mandolokku ua'e sulal᷊ummu leta'a maṛṛamone tatialan lullal᷊o. I Ya'u sarun manaṛṛangnga ua'en sal᷊ukka wuṛṛu maṛṛapinga manga sungene. Ana waugu aaluanna udde natete, i Ya'u sarun mandantan ararandumma su manga wowonen Libanon wuṛṛu mapatolangngu anambon aaluanna su mahurangne.

YOEL 1:9

Gandumma wuṛṛu anggore nawul᷊ite wuassu Wal᷊en Mawu. Ne nilumal᷊ote manga imam, apan satia mangngimbe Mawu.

YOEL 2:14

Asinungka Mawu Ruatanu mawal᷊u ṛingiranna, wuṛṛu mangal᷊amatta si yamiu ringannu nilumambalanna. Na'oman sara i yamiu wotongnge mangonggollu sasamba sasamba anggore wuṛṛu gandumma su Mawu, Ruatanu.

MAL᷊AṚṚUUNGNGA 5:23

“Niawontohante i Meros, wuṛṛu tumatanangnge,” unnu Mala'ekattu Mawu “ana waugu i mangitou tawe nirumanta nangonggolu sumbala maola'a atumannaṛanne apan mattinsahadda hunane su Mawu.”

1 SAMUEL 10:1

Wua'udde i Samuel nanganu awo'a apan lal᷊oṛṛoannu lanan zaitun, ana see lana udde nilal᷊inni Samuel su puan Saul, ana see i tou nangari'a si Saul lapiddu nabbisara, “Mawu buatte nanenegu maola'a ratun Israel walahan-Ne udde. I'o sarun mamarenta al᷊aṛṛanang-Nge wuṛṛu mangesakki mangitou wuassu manga seetti mangitou. Indi tatialane si'o manungku Mawu buatte namile si'o maola'a ratun al᷊aṛṛanang-Nge;

1 SAMUEL 31:1

Tantal᷊anna udde taumatan Filistin uapapangalote nando'appa taumatan Israel su panenteannu Gilboa. Manambo taumatan Israel nate isudde, wuṛṛu ingana'a waine nasutta i Saul wuṛṛu manga anangnge esakka tinumal᷊angngu watanganne.

1 SAMUEL 31:8

Tiṛṛabbine napawe taumatan Filistin nirumanta mangaṛṛo manga winal᷊unanna, i mangitou naasangkalla si Saul wuṛṛu siri tallu anangnge esakka natete su panenteannu Gilboa.