2 SAMUEL 1:1 - WUKE SUSI WATTI'U AL᷊AL᷊USASSA

¹ Napawe i Saul natete, i Daud nabelengke wuassu pangalo namaddon taumatan Amalek, ana see natana'e su Ziklag rua allo al᷊annune.

2 SAMUEL 1:1 ပူးပေါင်းရင်းမြစ်များ

PANDARIADDI 14:7

Wua'udde manga mangangenggenna nabal᷊i'a apia wuṛṛu nabelengke watukku En-Mispat apan orassa indi isassago Kades. I mangitou nanahuanna ahewallu leta'u Amalek wuṛṛu napaarugin taumatan Amori apan uatana'a su Hazezon-Tamar.

1 SAMUEL 27:6

Ana see i Akhis nangonggollu soa Ziklag si Daud, ne ana waugu udde Ziklag naola'a pussa'an manga ratun Yehuda naddatingngu orassa indi.

1 SAMUEL 30:1

Rua allo nal᷊iudda, i Daud wuṛṛu tantarane nabelengke watukku soan Ziklag. Napawe na'omate poiaroddi, i mangitou naaratingnga manungku taumatan Amalek buatte namangalo wageangngu leta'a su samba'an timukku wanuan Yehuda wuṛṛu namangalo Ziklag. I mangitou tawe namate saran sangkatou. Arawe soa udde nasue nisoṛṛobbi mangitou wuṛṛu nanassukku amatanni mangitou ringannu uaapiddu manga wawine, al᷊aṛṛana'a wuṛṛu manga tumanangnge waine. I mangitou lai nangapiddu amonanni Daud wuṛṛu amonannu tantarane, nasutta lai ruan katou awingngi Daud, i Ahinoam wuṛṛu i Abigail. I Daud wuṛṛu tantarane mangke nasusa, na'oman sara i mangitou lulluaite tawe illol᷊one na'oman sara nallome.

1 SAMUEL 31:4

Ana see i Saul nabbisara su ana'a esakka apan uaagassa ahidde, “Sawutte hal᷊elenu wuṛṛu usua'e si ya'u, tadea'u ya'u tawe nalanganna wuṛṛu pateannu manga taumata apan tawe maaillal᷊a Mawu.” Arawe ana'a esakka udde maddiri mangusu'a, ana waugu i tou tumaniten maaddata. Ana waugu udde i Saul nanganu hal᷊elene sassane wua'udde tinumattere su hal᷊ele apan maṛṛoro udde.

1 SAMUEL 31:6

Etearoddi i Saul suadio'a ringannu anangnge esakka siri tallu, wuṛṛu anambon tantarane see lai ana'a esakka udde nate su allo sambau udde.