2 PETRUS 3:9 - WUKE SUSI WATTI'U AL᷊AL᷊USASSA

⁹ Mawu tawe mal᷊iwue mangonggolu apa apan suete nipa'ire-Ne, salaiwe piaddu massunna aroddi. Arawe i Tou masabare si yamiu, ana waugu i Tou maddiri pia sangkatou apan mate. I Tou maapulu tadea'u anambon taumata mawal᷊u wuassu manga rosane.

2 PETRUS 3:9 ပူးပေါင်းရင်းမြစ်များ

DARALO 77:8

“Saran mal᷊annu-l᷊annu Mawu manol᷊a'a wuṛṛu tate mandangngu si ya'u?

DARALO 86:15

Arawe I'o, oh Mawu, Ruata marangngu wuṛṛu maakkanna, masabbare, napenen darangngu wuṛṛu tatuṛutta.

SASABANGNGA 18:23

Amungkangngu i'o ma'ola'a aroddi, wuṛṛu olangnge udde niatokku Ruata si'o, i'o sarun botongnge maaola'a manaranu, wuṛṛu anambon taumata sarun mapul᷊e ringannu naungnga mal᷊uassa ana waugu hatton mangitou niola'a ringannu mapia.”

SASABANGNGA 32:32

Doronganna Mawu mangampungnga rosa mangitou; amungkangngu tawe, pappasse arangku wuassu wuken manga taumata wiakka.”

SASABANGNGA 33:11

Mawu uahahatton Musa ringannu uahahati, naal᷊ihidda taumata uahahatton yawene. Wua'udde i Musa nabbelengke su paddasananna. Arawe i Yosua ana'i Nun, sangkatou umbasanna ual᷊al᷊ima si Musa, sidutu uatana'a sulal᷊ummu Rasanna udde.

SASABANGNGA 34:6

Wua'udde Mawu sinumabbi ringanni Musa wuṛṛu nabbisara, “I Ya'u Mawu, eteudde Ruata apan napenen naungnga mapia wuṛṛu darangngu. Darungngu-U nilumambalanna, i Ya'u satia wuṛṛu mal᷊iwue masa'u.

MANNANASE 8:11

Anio aroddi al᷊uanne taumata ma'ola'a al᷊al᷊eo? Ana waugu ṛuumanne tawe lapiddu ionggolla.

YESAYA 30:18

Salaiwe aroddi, Mawu mangke ual᷊aṛṛaddo tempone mamasilon tatal᷊antu-Ne si yamiu. I Tou uasaddiate umakkanni yamiu. Ana waugu Mawu eteudde Ruata apan ma'ola'a sarangkanambone apan suṛṛinone. Lal᷊umanna'a su taumata apan mangngantimma si Tou.

YESAYA 46:13

I Ya'u sarun maranin allon pamallosanna asasal᷊amatta apan i Ya'u ionggolla tate lai masoṛṛotta. I Ya'u sarun manal᷊amatta Yerusalem, wuṛṛu mangonggollu awawantuga su Israel.”

YEHEZKIEL 33:11

Wal᷊oa'a si mangitou manungku sulal᷊ummu arang-Ku, Ruata apan biakka, Mawu Apan Atanggaṛṛanne, i Ya'u tawe mal᷊uassa amungkangngu taumata lal᷊eo mate; arawe i Ya'u mappulu manantangngu manga rosane tadea'u i tou sidutu wiakka. Ei walahannu Israel, uddita'e ma'ola'a rosa! Anio i yamiu mappulu nate?

DANIEL 4:29

Mapul᷊o dua su wul᷊anna wua'udde, sutempo i ya'u u'amatta su wawail᷊anna al᷊iu rosone su wal᷊en araratuangku su Babel,

HABAKUK 2:3

Woṛṛeta'e udde ana waugu orassa indi taambe tempone. Arawe tempone udde sarun dumanta, wuṛṛu apa apan Ta'u niapasingkatta si'o mariaddi. Salaiwe pemdamanna ta'e mal᷊annu, arawe paṛṛaddote! Tempo udde sarun dumanta wuṛṛu tawe iasoṛṛota.

ROMA 13:11

Su liuddu sarangkanambone udde i yamiu maasingkata manungku tempo indi eteudde temponu mapu'o wuassu atatiilla. Ana waugu tempone i ite iapaasal᷊amatta maranite orassa indi, wuassu i ite wakkute mannattaka mangngimanna.

ROMA 13:12

Ṛabbi maranite mal᷊iudda; wuṛṛu ete lai adio'a allote. Nariaddi mappianne i ite mangillol᷊o ma'ola'a inolaanna apan marandumma. I ite ṛinone mapaasuungngu watanganni ite ringannu ahiddu asasemakka.

ROMA 2:4

Ara'e i yamiu mangngadio'a darangngu Duata wuṛṛu ahewallu naung-Nge see asasabare-Ne apan aroddi ahewalle? I yamiu masingkatta manungku Ruata mapaal᷊iatta'u apapia naung-Nge ana waugu i Tou maapulu tadea'u i yamiu mawal᷊u wuassu manga rosanu.

ROMA 9:22

Aroddi lai apa apan buatte niola'u Ruata. I Tou maapulu mapaasabangngu naung-Nge lal᷊eo wuṛṛu mapaal᷊iatta'u taṛṛino-Ne. Arawe i Tou masabbare su saruanni mangitou apan sarun iṛṛuumanna ana waugu napaasa'un Tou.

1 TIMOTIUS 1:16

Ana waugu udde Ruata marangngu si ya'u, tadea'u Kristus Yesus wotongnge mapaal᷊iatta'u anambon asasabare-Ne si ya'u, taumata apan arosanne indi. Wuṛṛu indi maola'a sambau tul᷊ada su anambon taumata apan mangngimanna si Tou wuṛṛu maasomba wiakka tutune wuṛṛu mal᷊annu-l᷊annu.

1 TIMOTIUS 2:4

I Tou maapulu tadea'u anambon taumata maasomba asasal᷊amatta wuṛṛu masingkatu apapia.

IBRANI 10:37

Ana waugu sulal᷊ummu Wuke Susi uaroṛṛetta, “Ete tal᷊ang kadio'a lai, ne i Tou apan sarun dumanta udde, sarun rumanta ringannu mal᷊ihakka; I Tou sarun tawe mangaddo mal᷊annu daranta-Ne.

1 PETRUS 3:20

eteudde ghaṛṛaho manga taumata apan mal᷊awangnga Ruata su tempo Nuh. Su tempo udde Ruata uaraṛṛaddo ringannu sabare tantal᷊anna Nuh mallanginnu apalla. Tumba'u manga taumata apan sulal᷊ummu apalla – sarangkanambone siri ual᷊u – apan nisal᷊amatta wuassu manawangnga apan wahewalla udde.

2 PETRUS 1:4

Ringannu olangnge udde Ruata nangonggolu manga al᷊amatta apan wahewalla wuṛṛu maarega si ite apan suete pina'iren Tou. Ringannu manga al᷊amatta udde i yamiu wotongnge mal᷊iu wuassu manga apulu lal᷊eo apan manggohakku runia indi, wuṛṛu i yamiu manengkamma pallal᷊agun Duata.

2 PETRUS 3:15

Pendamete manungku asasabbare Mawun kite maola'a sambau tempo apan nionggoli Tou si yamiu tadea'u wotongnge masal᷊amatta. Paulus, tuṛṛangi ite apan arangnguanna, suete namoṛṛeta aroddi lai si yamiu. I Tou namoṛṛetu udde ringannu apande apan nionggolu Ruata si tou.

SONDAPPA 2:21

Suete Ta'u nionggol᷊annu tempone i tou mawal᷊u wuassu manga rosane, arawe i tou maddiri mamallosu inolaanne sussandaga udde.