2 PETRUS 3:7 - WUKE SUSI WATTI'U AL᷊AL᷊USASSA

⁷ Arawe langitta wuṛṛu runia apan sara orassa indi, nipadul᷊ianannu ṛengetannu Ruata udde lai, ana see tutungannu putungnga su tempo addantane. Orassa indi langitta wuṛṛu runia ta'e papadul᷊iananna ma'oman sara allo manga taumata apan lal᷊eo udde iṛṛuumanna wuṛṛu pateanna.

2 PETRUS 3:7 ပူးပေါင်းရင်းမြစ်များ

DARALO 102:26

dorone I'o nandiaddi runia; langitta lai lanna'u lima-Nu.

DARALO 50:3

Ruatan kite nirumanta wuṛṛu tawe uatatana'a matammuda, i Tou niliuṛṛoroannu putunga apan nilumewa, wuṛṛu papal᷊iwutannu tandi'a apan masaddata.

YESAYA 51:6

Pa'ellege langitta wuṛṛu panailete runia; langitta sarun mawul᷊i ere timbulla wuṛṛu runia sarun matabbe ere laṛṛeme, anambon tumanangnge sarun mate ere namu'a. Arawe asasal᷊amatta apan Ta'u nionggolla sidutu sarangkal᷊o'enge, wuṛṛu auntungang-Ku tawe panguddusanne.

YESAYA 66:15

Atonna, Mawu sarun dumanta ringannu putungnga; i Tou sarun suma'e kereta-Ne naal᷊ihidda anginna al᷊isusu, tadea'u mapasabbangngu asasa'u-Ne, wuṛṛu mammuṛṛeangnga ringannu ma'ikkatta.

DANIEL 7:9

Tantal᷊anna i ya'u sidutu mannutukka, manga pira adderan araratuanna tantal᷊anna iaaddo. Ana see i Tou apan wiakka saran mal᷊annu-l᷊annu ua'ianna su wowon wallattu sambau wuassu manga adderan araratuanna udde. Laung-Nge wuṛṛu utang-Nge mawira ere sangarenna. Adderan araratuan-Ne ringannu manga bolane lukkenggamma ana waugu renggammu putungnga,

ZEFANYA 3:8

Arawe paatehamma! Paṛṛaddote allone i Ya'u dumarisikka maola'a mangangalaene. Ana waugu buatte Ta'u niṛṛawessa tadea'u mangammullu manga walahanna wuṛṛu manga araratuanna ipangema'u asasa'u-U si mangitou. Ahewallu runia sarun masue soṛṛowannu putungngu asasa'u-U.

MALEAKHI 4:1

Unnu Mawu Apan Lembontaṛṛino, “Sarun a'omanna anambon taumata mawunga wuṛṛu lal᷊eo soṛṛowanna ere laṛṛami. Su allo udde i mangitou sarun soṛṛowanna ma'oman sara masue, wuṛṛu taweddu mallambe wuassi mangitou.

MATIUS 10:15

Paanaunge! Su Allong Kiamatta, manga taumatan soa Sodom wuṛṛu Gomora malluasanna ampungannu Ruata wuassu manga taumata su soa udde!”

MATIUS 11:22

Paanaunge, su Allong Kiamatta, manga taumatan Tirus wuṛṛu Sidon malluasanna ampungannu Ruata wuassi yamiu.

MATIUS 11:24

Paanaunge, su Allong Kiamatta, taumatan Sodom malluasanna ampungannu Ruata wuassi yamiu!”

MATIUS 12:36

Nariaddi, paanaunge: su Allong Kiamatta, sangkatou-sangkatou ṛinone sumimbakka manga wisara apan tawe gunane apan suete niwisaran tou.

MATIUS 24:35

Langitta wuṛṛu runia sarun mawul᷊i, arawe wisara-U ma'oman sara mal᷊annu-l᷊annu.”

MATIUS 25:41

See Ratu udde sarun mabbisara su manga taumata su samba'an aiṛṛiNe, ‘Roote wua isindi, manga taumata lal᷊eo! Suttate sulal᷊ummu putungnga apan tawe iapadumma, apan suete nissaddia su Setanna wuṛṛu su manga ralol᷊oṛṛanne!

MARKUS 6:11

Arawe amungkangngu i yamiu ma'oma su sambau tampa, wuṛṛu manga taumata isudde maddiri manarimmatta wuṛṛu maddiri madaringikka si yamiu, tantanga'a tampa udde. Wuṛṛu tontonga'a awu wuassu leddanu maola'a sambau pananaunganna su saruanni mangitou!”

YOHANES 12:48

Taumata apan mannol᷊a-U wuṛṛu maddiri maddaringikka wisara-U, piate mallaṛṛuungnge. Wisara apan Ta'u iapaasingkatta, eteudde sarun ipamarikissa si tou su Allong Kiamatta.

ROMA 2:5

Arawe puan kamiu maattika wuṛṛu maddiri mawal᷊u. Ana waugu udde ete i yamiu sassane apan ma'ola'a ṛuumannu aatambanna awakkane su Allon Kiamatta, napawe Ruata mapaal᷊iatta'u asasa'u-Ne ringannu ṛuumanna apan su ṛinone.

1 KORINTUS 3:13

Manaran sangkatou-sangkatou sarun asiloanna su tempo Kristus rumanta apia. Ana waugu su allo udde putungnga sarun manemakka manaran sangkatou-sangkatou see asiloanna. Putungnga sarun manal᷊u'atta wuṛṛu manantunnu apapian manara udde.

FILIPI 1:28

Ṛinone i yamiu siddutu waṛṛani; arie matta'uttu manga seennu. Ringannu aroddi yamiu mapaal᷊iatta'a manungku i mangitou sarun maruggi, wuṛṛu i yamiu sarun maauntunga, ana waugu Ruata sassane apan mangonggolu auntunganna si yamiu.

2 TESALONIKA 2:3

Salaiwe ereapa, arie mapaawalan taumata mangawusu si yamiu. Ana waugu tantal᷊anna taambe nia'omanna allo udde, ṛinone mariaddi dorone olangnge indi: Manambo taumata sarun massinaadda, maddandilli Kristus; wuṛṛu Taumata Lal᷊eo apan suete nitantuna iapaasutta su naraka, sarun mamasilon batanganne.

1 TIMOTIUS 6:9

Arawe taumata apan maapulu maola'a ala, inawono'anna wuṛṛu niasamettu al᷊awo'u aapulu apan woddo wuṛṛu mandal᷊eo. Manga aapulu udde ma'ola'a taumata maṛṛimunsa'a wuṛṛu masilaka.

IBRANI 12:29

Ana waugu Ruatang kite ere putungnga apan maatutungnga.

2 PETRUS 2:9

Nariaddi, Mawu masingkatta ereapa manal᷊amatta manga taumata tuttuṛṛuta apulu-Ne su tempo i mangitou uasaruanna manga wawono'a. Wuṛṛu Mawu masingkata ereapa manahipunna manga taumata lal᷊eo udde sansaranna su Allo Pamarikisanna,

2 PETRUS 3:10

Arawe Allo darantan Mawu sarun rumanta ere darantan taṛṛa ta'o. Su Allo udde langitta sarun mawul᷊i ringannu tingikka ruddallu'a, wuṛṛu manga saranapa su langitta sarun masue matutungnga, wuṛṛu runia ringannu al᷊awo'u lal᷊oṛṛone sarun mawul᷊i.

2 PETRUS 3:12

tantal᷊anna i yamiu uaraṛṛaddo wuṛṛu luṛṛintulu darantan Allon Ruata. Su Allo udde langitta sarun masue matutungnga, wuṛṛu ana waugu sal᷊ihangnge, ne manga sarannapa su langitta sarun monossa.

1 YOHANES 4:17

Darangngu niola'a nasuungnga sulal᷊ummu watanganni ite, tadea'u i ite pia awawaṛṛani su Allo Pamamarikisanna. I ite sarun pia awawaṛṛani, ana waugu wiakki ite sulal᷊ummu runia indi ere lai wiakki Kristus.

YUDAS 1:7

Naunge'o lai soa Sodom wuṛṛu Gomora wuṛṛu manga soa maranine, apan inolaannu tumanangnge ere lai inolaannu manga mala'ekatta udde. I mangitou sussanddaga wuṛṛu ma'ola'a al᷊al᷊eo, na'oman sara i mangitou niramme sulal᷊ummu putungnga apan tawe panginsueanne, tadea'u maola'a sambau pannanaunganna su anambon taumata.

SONDAPPA 17:11

Wuṛṛu winatangnga apan rorone suete nabbiakka, arawe tempo indi tate nabbiakka lai; eteudde ratu aual᷊une. I tou udde sangkatou wuassu wallatu sire pitu ratu udde lai, apan orassa indi tantal᷊anna mattudan tampa apateanne.

SONDAPPA 17:8

Winatangnga udde rorone suete nabbiakka, arawe orassa indi tate mabbiakka apia. Ete adio'a lai tou sumabbanga wuassu rampisu papate wuṛṛu inai mattudan tampam papatene. Manga taumata apan mabbiakka su runia, apan aranne tawe uawoṛṛetta sulal᷊ummu Wuken Taumata Wiakka tantal᷊anna runia taambe niriaddi sarun tumiangnga napawe maasilo winatangnga udde. Ana waugu winatanga udde rorone suete nabbiaka. Orassa indi i tou tate nabbiaka lai, arawe i tou sarun rumanta apia.

SONDAPPA 20:11

Napawe wua'udde i ya'u naasilo sambau adderan araratuanna mawira apan bahewalla wuṛṛu i Tou apan ua'ianna su wowone. Langitta wuṛṛu runia nawul᷊i wuassu saruan-Ne na'oman sara tate lai iasilo.

SONDAPPA 21:1

See i ya'u naasilo langitta apan bakku wuṛṛu runia wakku. Langitta paarorone wuṛṛu runia paarorone nawul᷊ite, wuṛṛu tahal᷊oangnga lai nawul᷊i.