2 PETRUS 3:3 - WUKE SUSI WATTI'U AL᷊AL᷊USASSA

³ Paarorone, i yamiu ṛinone masingkatta manungku su allo-allo pangudusanne, sarun rumanta manga taumata apan pabbawiakke paparentannu apulu naungngi mangitou sassane. I mangitou sarun mangal᷊uandaga si yamiu,

2 PETRUS 3:3 ပူးပေါင်းရင်းမြစ်များ

AMSAL 1:22

“Ei manga taumata longonna! Maddatingngu tingngera apulun kamiu sidutu aroddi? Tingngerate a'omanna tempone i yamiu umaddo mangngaddio'a wuṛṛu manol᷊a'u al᷊aṛṛa'a?

AMSAL 14:6

Taumata mawunga sarun tawe maola'a pande, arawe taumata pande mal᷊uassa massi'ol᷊a.

AMSAL 3:34

Mawu maddantinnu taumata matanggakka naungnge, arawe mangngal᷊amatta taumata naungnge mawawo.

YESAYA 28:14

Paddaringikka apa apan iwisara Mawu, ei manga taṛṛa al᷊uandaga apan uaparenta tumana'u soa su Yerusalem!

YESAYA 29:20

Eteudde panguddusannu manga taumata apan mangngallangnga taumata waine wuṛṛu mallobbossa Ruata. Ruata sarun makkadda'a anambon taumata marosa,

YESAYA 5:19

Wisaranu, “Wala'e Mawu Ruata susin Israel mal᷊ihakka ma'inolaanna! Wala'e i Tou mapaamattu ṛiin-Ne, tadea'u i ite maasilo wuṛṛu maasingkatta.”

HOSEA 7:5

Su allon andeangngu ratu, na'ola'a ratu wuṛṛu manga tembonanne na'inumma anggore na'oman sara niwu'anne wuṛṛu na'ola'a inolaanna apan longonna. Panginsuenne ratu mallal᷊umanna'a ringannu manga taumata apan nampabbaha udde.

YOHANES 12:48

Taumata apan mannol᷊a-U wuṛṛu maddiri maddaringikka wisara-U, piate mallaṛṛuungnge. Wisara apan Ta'u iapaasingkatta, eteudde sarun ipamarikissa si tou su Allong Kiamatta.

2 KORINTUS 4:2

I yami tawe mappaattu inolaanna marandumma apan maasili. Yami maddiri mammanara ringannu mangngapande ara'e mammal᷊elongngu wisaran Duata. I yami mangngimbe Ruata ringannu naungnga apan matul᷊ida tumuṛṛuttu apulu-Ne. Ana waugu udde, i yami mangngantimma anambon taumata ma'ellega si yami ringannu mapia sulal᷊ummu naungnge.

2 TIMOTIUS 3:1

Naunge'o indi: Su manga allo panginsueanne sarun pia asasusa manambo.

IBRANI 1:2

Arawe su tempo panginsueanne indi Tou uahahattong kite sulal᷊ummu Anang-Nge. Sulal᷊ummu Anang-Nge indi Ruata nandiaddi ul᷊ilim pati'uppa. Wuṛṛu Ruata suete nanantuna lai manungku ete Anang-Nge indi apan manahuanna al᷊awo'u sarangkanambone.

2 PETRUS 1:20

Lembonete lai yamiu ṛinone mannaungnga indi: Tanatan Duata apan ipappasingkatu manga nabi tawe wotongnge ital᷊a'a tumuṛṛuttu adapannu sassane.

2 PETRUS 2:10

lembonete su manga taumata apan tuttuṛṛuta apulun naungngi mangitou apan lal᷊eo wuṛṛu mangal᷊uandaga taṛṛinon Duata. Aroddi awaṛṛanine wuṛṛu awungane manga huru awusu udde na'oman sara i mangitou tawe go'ane mangal᷊uandaga manga riaddianna apan mawantuga sara lai su surga!

1 YOHANES 2:18

Al᷊aṛṛana'u panginsueannu tempo maranite! Suete niapaasingkata si yamiu paarorone, manungku Seetti Kristus sarun rumanta; wuṛṛu orassa indi nirumantate anambon taumata apan masseetti Kristus. Udde tatialane manungku panginsueannu runia maranite.

YUDAS 1:16

Manga taumata udde siddutu sussungkuta wuṛṛu mapaasal᷊an taumata waine. I mangitou mabbiakka tuttuṛṛutta manga apulun naungngi mangitou apan marosa. I mangitou taṛṛa watti'u watanganni mangitou sassane, wuṛṛu massal᷊o'u taumata ana see maasomba auntunganna.”

YUDAS 1:18

I mangitou namasingkatta paarorone si yamiu manungku maddanin allon panginsueanne sarun rumanta manga taumata apan sarun mangal᷊uandaga si yamiu, eteudde manga taumata apan mabbiakka tuttuṛṛutta apulun mangitou apan marosa.