2 PETRUS 2:8 - WUKE SUSI WATTI'U AL᷊AL᷊USASSA

⁸ Su pattangannu manga taumata udde, Lot apan mapia udde mabbiakka ringannu naungnga susa, ana waugu miallo-miallo i tou maasilo wuṛṛu maaringikka pallal᷊agu mangitou apan lal᷊eo.

2 PETRUS 2:8 ပူးပေါင်းရင်းမြစ်များ

PANDARIADDI 13:13

Soa Sodom udde wawanuannu manga taumata apan tumaniten dal᷊eo wuṛṛu marosa su saruannu Mawu.

DARALO 119:136

Allommata'u mangngelekka ere sal᷊ukka, ana waugu tita-Nu tawe tuṛṛutanna.

DARALO 119:139

Asasa'u erete waṛṛa sulal᷊ummu wadangku ana waugu see'u naabul᷊in al᷊aṛṛang-Ngu.

DARALO 119:158

I ya'u maddantinna maasilo manga taumata lal᷊eo udde, ana waugu i mangitou tawe maddaringikka al᷊aṛang-Ngu.

AMSAL 25:26

Taumata mapia apan mattingkawaddo su taumata lal᷊eo naal᷊ihidda al᷊imatan kua'e apan mal᷊abbukka ara'e paṛṛihi malabbukka.

AMSAL 28:12

Amungkangngu taumata mapia uaparenta, anambon taumata mal᷊uassa, amungkangngu taumata lal᷊eo uaparenta, tumana'u soa ma'imbuni.

YEHEZKIEL 9:4

“Roote watukku al᷊awo'u pappi'uannu soa wuṛṛu tialaite pakkannu manga taumata apan uapendamma asiangnga wuṛṛu massusa ana waugu anambon inolaanna maarantinna apan niola'a su soa udde.”

YEHEZKIEL 9:6

Patete anambon taumata esakka wuṛṛu wawine, timmade wuṛṛu dario'a, hagurangnge wuṛṛu al᷊aṛṛanangnge. Arawe arie waṛṛani mangeṛṛetta sangkatou apan pia tatiala su pakkanne. Panattakke wua isindi, wuassu Wal᷊e-U indi.” Ne i mangitou nanatakke manara mangitou ringannu mammate manga piaṛṛa'u Israel apan tantal᷊anna uarisikka su Wal᷊en Mawu.

1 TIMOTIUS 1:9

Ṛinone naunganna manungku titaniola'a wal᷊ine hunane su taumata mapia, ewe'e su taumata apan mal᷊awangnga tita, manga taumata lal᷊eo, taumata mal᷊awangnga, su taumata marosa, taumata tawe agamane, taumata tumba'u maṛṛingiddu runia, su taumata apan namate iamangnge wuṛṛu inangngene, wuṛṛu manga taṛṛa pate sarangkanambone,

IBRANI 11:4

Ana waugu mangngimanna, ne i Habel nangonggolu sasamba apan apianne su Ruata wuassu aonggoli Kain. Ana waugu pangangimanne udde, Habel tinarimmatu Ruata naola'a sangkatou taumata apan mapia, ana waugu nilumiatta'e manungku Ruata nanengkamma aonggole. I Habel natete, arawe ana waugu pangangimanne udde, ne i tou ta'e uahahatto sara orassa indi.

YAKOBUS 5:16

Ana waugu udde, ṛinone i yamiu uaa'a'u pasasal᷊a wuṛṛu uaa'al᷊iomanna, tadea'u i yamiu iapaapia. Aal᷊iomannu taumata apan tuttuṛṛutta apulun Duata, pia taṛṛino apan wahewalla.