2 PETRUS 2:4 - WUKE SUSI WATTI'U AL᷊AL᷊USASSA

⁴ Manga mala'ekatta apan marosa lai tawe iwalan Duata mal᷊iu wuassu ṛuumanna, ewe'e iramme sulal᷊ummu naraka. I mangitou iwontola sulal᷊ummu rampissa apan maranduma wuṛṛu taṛṛanganna poiaroddi madatingngu Allo Pamarikisanna.

2 PETRUS 2:4 ပူးပေါင်းရင်းမြစ်များ

AYUB 21:30

I mangitou mabbisara, “Su allo Ruata mangonggollu ṛuumanna, manga mandal᷊al᷊eo sarun iapasal᷊amatta.”

AYUB 4:18

Ewe'e lai manga allangngu Ruata su surga, tawe apangimanan-Ne. Ewe'e lai su manga mala'ekan-Ne niasangkal᷊an-Ne pasasal᷊a wuṛṛu sangkulla.

DARALO 78:50

I Tou tawe naṛṛaddannu asasa'u-Ne ara'e niumakkannu wiakki mangitou, arawe namate si mangitou ringannu radda'u manu'a.

YESAYA 14:12

Ei ratun Babel, dorone i'o anumpitanna aṛṛusuallo apan mal᷊ansiangnga, arawe orassa indi nundu'e su leta'a! Dorone i'o mammaddon manga walahanna, arawe orassa indi i'o nema'e su leta'a.

YEHEZKIEL 5:11

I Ya'u uddewe Ruata apan biakka, Mawu Apan Atanggaṛṛanne, wuṛṛu indiwe wisara-U: Ana waugu i'o buatte nandal᷊eo Wal᷊e-U ringannu al᷊awo'u inolaannu apan dal᷊eo wuṛṛu maarantinna, i Ya'u sarun makkimunsa'a si'o ringannu tawe ampunge.

YEHEZKIEL 7:4

I Ya'u tawe umakkannu ara'e mangonggollu ampungnga si'o. I Ya'u sarun makkuumannu uasul᷊ungngu al᷊awo'u inolaanna maasili apan buatte niolangngu. Ne i'o masingkatte manungku ete i I Ya'u Mawu.”

YEHEZKIEL 7:9

I Ya'u tawe umakkanna ara'e mangonggollu ampungnga si'o. I Ya'u sarun makkuumanni yamiu uasul᷊ungngu al᷊awo'u al᷊al᷊eo apan buatte niola'i yamiu. Ne i yamiu masingkatte manungku ete i Ya'u Mawu wuṛṛu ete i Ya'u apan makkuumanni yamiu.”

MATIUS 25:41

See Ratu udde sarun mabbisara su manga taumata su samba'an aiṛṛiNe, ‘Roote wua isindi, manga taumata lal᷊eo! Suttate sulal᷊ummu putungnga apan tawe iapadumma, apan suete nissaddia su Setanna wuṛṛu su manga ralol᷊oṛṛanne!

MATIUS 8:29

I mangitou sinumabangnga wuassu manga liangngu lal᷊abinganna wuṛṛu mangngintul᷊i, “Ana'u Ruata sarun olaannu ereapa i yami? Apa I'o mappulute mannansara si yami salaiwe taambe tempone?”

MARKUS 5:7

Ringannu tingikka apan ma'ikkatta i tou inumui, “Yesus, Ana'u Ruata Apan Atanggaṛṛanne! Sarun urannu i ya'u indi? Ringannu arannu Ruata i ya'u sumal᷊ande, arie panansara si ya'u!” (

LUKAS 10:18

Mawu Yesus sinumimbakka, “I Ya'u naasilo Setanna nanawo wuassu langitta naal᷊ihida sawallo.

LUKAS 8:31

Manga ghaṛṛaho lal᷊eo udde sinumal᷊ande tadea'u Mawu Yesus tawe mallimbuakka si mangitou sulal᷊ummu Rampissu Papate.

YOHANES 8:44

Ete Setanna iamangngu, wuṛṛu i yamiu tuttuṛṛutta apulun iamangngu. Ro'en panataṛṛanne Setanna udde taṛṛa pate. I tou taambe saran paassa manamba'a apapia, ana waugu tawe apapia si tou. Amungkangngu i tou mangawusu, udde naṛṛino ana waugu ete aroddi pallal᷊agune. I tou taṛṛa awusu wuṛṛu punnu al᷊awo'u awusu.

ROMA 11:21

Ana waugu amungkangngu Ruata tawe umakkannu taumatan Yahudi iramme ere manga ranna tutune udde, arie passunna manungku i Tou mappau mandammenu!

ROMA 8:32

Anang-Nge sassane tawe niakkan-Ne, ewe'e tinantilli Tou hunane si ite sarangkanambone, ṛatade i Tou tawe mangonggolu al᷊awo'u hausanna waine si ite?

TAHIUL᷊E 29:20

Mawu tawe mangampungnga taumata ereudde. Arawe i tou sarun aṛṛinoannu asasa'um Mawu apan ahewal᷊anne, wuṛṛu al᷊awo'u asasusa apan uawoṛṛetta sulal᷊ummu wuke indi sarun maṛṛia'a si tou, na'oman sara i tou pateannu Mawu.

2 PETRUS 2:11

Arawe manga mala'ekatta apan mattohasanna marau wuṛṛu lembon taṛṛino wuassu manga huru awusu udde, tawe mangansila manga riadianna apan mawantuga udde ringannu wisara aal᷊uandaga su saruannu Mawu.

2 PETRUS 2:5

Aroddi lai runia su tempo rorone Ruata tawe namalan tou mal᷊iu wuassu ṛuumanna. Ruata napaarantan manawangnga wahewalla su runian manga taumata lal᷊eo su tempo udde. Tumba'u Nuh su sambau ringannu siri pitu waine apan niapaasal᷊amatta, ana waugu Nuh namasingkattu watti'a su ola'u wiakka apan maal᷊uassa naungngu Ruata.

2 PETRUS 2:9

Nariaddi, Mawu masingkatta ereapa manal᷊amatta manga taumata tuttuṛṛuta apulu-Ne su tempo i mangitou uasaruanna manga wawono'a. Wuṛṛu Mawu masingkata ereapa manahipunna manga taumata lal᷊eo udde sansaranna su Allo Pamarikisanna,

1 YOHANES 3:8

Arawe taumata apan matatana'a ma'ola'a rosa, ete i tou uddewe ana'u Setanna, ana waugu Setanna marosa ro'en al᷊amonane. Ana waugu udde Ana'u Ruata nirumanta, eteudde makkimunsa'a manaran Setanna.

YUDAS 1:13

Ere lai lua'a mal᷊aragga su tahal᷊oangnga lullupa, aroddi lai i mangitou lullupa manga inolaanna apan maasili. I mangitou ere lai manga anumpitanna apan lullallele apan suete nisaddian Duata tampane sulal᷊ummu araranduma apan masaddatta ma'oman sara mal᷊annu-l᷊annu.

YUDAS 1:6

Paanaunge lai manga mala'ekatta apan nalliu passarannu taṛṛino mangitou, naoman sara nanantangu tampa atatanaanni mangitou. Ruata namantungu manga mala'ekatta udde ringannu ṛate apan tawe mawu'a, sulal᷊ummu tampa apan marandumma su al᷊ungngu runia. Poiaroddi i mangitou siddutu tataṛṛanganna ma'oman sara i mangitou iṛṛu'umanna su Allo apan wahewalla udde.

SONDAPPA 20:10

See Setanna apan nangawusu si mangitou udde, tinuntunga sulal᷊ummu tahal᷊oangngu putungnga wuṛṛu belerangnga. Ete isudde tampane winatangnga wuṛṛu nabi awusu udde niramme paarorone. I mangitou sarun sansaranna allo ṛabbi saran mal᷊annu-l᷊annu.