2 PETRUS 1:3 - WUKE SUSI WATTI'U AL᷊AL᷊USASSA

³ Ruata suete nappaattu taṛṛino-Ne sassane wuṛṛu nangonggolu al᷊awo'u sarannapa si ite apan ipappaatta su patataṛṛamawuanna. Inolaanni Tou indi wuassu apa apan niasingkatanni ite su ola'u Mawu Yesus Kristus, apan suete namaggo si ite mamendamma awawantu-Ge wuṛṛu apapia-Ne.

2 PETRUS 1:3 ပူးပေါင်းရင်းမြစ်များ

DARALO 110:3

Su allo apan rumanta ringannu taṛṛino, su wuidda apan susi, tumana'u soanu sarun inai ringannu naungnga mal᷊uassa. Naal᷊ihidda angngukka sutempo marua allo, manga umbasanna rumantate ringannu.

DARALO 84:11

Mappianne allo massallo su Wal᷊en-Nu sul᷊ungnge'e saṛṛiwu su tonnane su tampa waine. I ya'u mamile maola'a mandariaga ngara su Wal᷊en Duata'u sul᷊ungnge'e matana'a su wal᷊en taumata lal᷊eo.

AMSAL 12:4

Awingnga apan mapia eteudde al᷊al᷊uassa wuṛṛu lal᷊umanna'u awingnge esakka, awingnga apan mammansili awingnge esakka naal᷊ihidda radda'a maṛṛenessa duṛṛi.

AMSAL 31:10

Awingnga wawine apan pande masahadda paddeaanne; i tou maareganna wuassu intan berlianna.

AMSAL 31:29

“Pia manambo wawine apan mapia,” wisaran awingnge esakka, “arawe i'o apan apianne wuassi mangitou sarangkanambone.”

MATIUS 28:18

Mawu Yesus nangundani mangitou wuṛṛu nabbisara, “Anambon taṛṛino su surga wuṛṛu su runia suete tinantilla si Ya'u.

ROMA 8:32

Anang-Nge sassane tawe niakkan-Ne, ewe'e tinantilli Tou hunane si ite sarangkanambone, ṛatade i Tou tawe mangonggolu al᷊awo'u hausanna waine si ite?

ROMA 9:24

Ete i ite apan buatte niwaggoan-Ne, wal᷊ine tumba'u wuassu walahannu Yahudi, arawe lai wuassu manga walahanna waine.

1 KORINTUS 1:9

Ruata mangke apangimananna atonna-tonna. Ete i Tou Ruata apan namaggo si yamiu maola'a sambau ringannu Anang-Nge, eteudde Yesus Kristus Mawun kite.

2 KORINTUS 12:9

Arawe Mawu sinumimbakka, “I Ya'u mandangngu si'o wuṛṛu ete indi wuannu; ana waugu taṛṛino-U ahewal᷊anne amungkangngu i'o sulal᷊ummu al᷊allome.” Ana waugu udde naungku mal᷊uassa mamarabungan al᷊allome'u, ana waugu amungkangngu i ya'u lome, ne su tempo udde i ya'u maapendama manungku Kristus uariagga si ya'u ringannu atatohan-Ne.

EFESUS 4:1

Ana waugu udde i ya'u – sangkatou taumatan ṛuumanna, apan nitaṛṛanganna ana waugu mangngimbe Mawu – sussal᷊ande si yamiu: pabbiakke uasulungngu ere io sangkatou taumata apan suete niwagoannu Ruata.

EFESUS 4:4

Tumba'u pia badangnga sambau, wuṛṛu Ghaṛṛaho sambau. Aroddi lai yamiu suete niwagoanna su pangangantimma sambau apan uasul᷊ungnga.

FILIPI 3:8

Wal᷊ine tumba'u manga inolaanna udde; arawe lai al᷊awo'u inolaanna apan sassunnangku ere manga inolaanna tumba'u maaruggi. Apan tatahuanangku orassa udde lembon maaregganne; eteudde maaillal᷊a si Kristus Yesus Mawu'u. Ana waugu Kristus, ne i ya'u suete namallosu manga al᷊awo'a. Aellehangku sarangkanambone udde ere sapadda, tadea'u i ya'u wotongnge maasomba si Kristus,

FILIPI 4:8

Panginsueanne, manga tuṛṛangnga, loṛṛoite ṛingiṛṛannu ringannu inolaanna apan mapia, apan wotongnge raloanna, eteudde inolaanna apan naṛṛino, maaddata, apan matul᷊ida, waresi, masaṛṛionto'a, wuṛṛu mapia.

KOLOSE 1:16

Ana waugu ete sulal᷊ummi Tou Ruata nandiaddi al᷊awo'u manga apa su surga wuṛṛu su wowon dunia, al᷊awo'u apa apan aasiloanna wuṛṛu apa apan tawe asiloanna, nasutta lai alawo'u ghaṛṛaho apan uataṛṛino wuṛṛu uaparenta. Ahewallu runia indi niola'a sulal᷊ummi Kristus wuṛṛu hunane si Kristus.

1 TESALONIKA 2:12

I yami mannantiro si yamiu, i yami mangngonggolu sasasa si yamiu wuṛṛu i yami mammata'a tadea'u i yamiu mabbiakka aroddi olangnge ma'oman sara maal᷊uassa naungngu Ruata. Ana waugu Ruata suete namaggo si yamiu maola'a lal᷊oṛṛon Dunia Wakkun Duata wuṛṛu mamendamma awawantu-Ge.

1 TESALONIKA 4:7

Ruata mammaggo si ite, wal᷊ine tadea'u see i ite mabbiakka sussandaga, ewe'e tadea'u i ite mabbiakka maal᷊uassa naungngu Ruata.

2 TESALONIKA 2:14

Ana waugu udde Ruata namaggo si yamiu sulal᷊ummu Watti'u Al᷊al᷊uassa apan niapaasingkati yami si yamiu. Ruata namaggo si yamiu, ana waugu i Tou maapulu tadea'u i yamiu lai maapendama awawantugu Mawun kite Yesus Kristus.

1 TIMOTIUS 4:8

Mannarammu wadangnga tumba'u addio'a hunane, arawe mannarammu pangangimanna mahuna su al᷊awo'u inolaanna, ana waugu pia paaire su ipabbiakka tempo indi wuṛṛu tempo addantane.

2 TIMOTIUS 1:9

Ruata mannal᷊amatta si ite wuṛṛu namago si ite, tadea'u maola'a al᷊aṛṛanang-Nge. I Tou na'ola'a udde wal᷊ine ana waugu apa apan suete nimmanaran kite, ewe'e ana waugu panduman-Ne sassane wuṛṛu darangngu-Ne. I Tou nandangngu si ite sulal᷊ummi Kristus Yesus ro'en runia indi taambe niriaddi.

IBRANI 1:3

Ete i Tou apan napaatualagu awawantugu Ruata apan lullendapa; ete i Tou hambarana apan masemakka wuassu wadangu Ruata sassane. Ete i Tou lai apan mammadul᷊i pa'a'aukku ul᷊ilim pati'uppa indi ringannu ṛengetan-Ne apan lembon mataṛṛino. Napawe i Tou suete namalan taumata nipallosa wuassu manga rosa mangitou, i Tou inuma'ianna su adderan araratuanna su surga su sambau ringannu Ruata, tembonanne apan atanggaṛṛanne.

1 PETRUS 1:15

Arawe, ṛinone i yamiu susi su al᷊awo'u inolaanni yamiu, ere lai Ruata apan namaggo si yamiu udde susi.

1 PETRUS 1:5

Sarangkanambone udde ionggola si yamiu, ana waugu i yamiu mangngimanna Ruata. Ne i yamiu rariagannu taṛṛinon Duata tadea'u i yamiu manengkamma asasal᷊amatta apan nasaddiate iapaal᷊iatta'a su allo pangudusanne.

1 PETRUS 2:21

Ana waugu eteudde Ruata namaggo si yamiu. ana waugu Kristus sassane suete natataṛṛangnga asasusa ana waugu i yamiu, wuṛṛu ana waugu udde i Tou nangonggolu tul᷊ada si yamiu, tadea'u i yamiu manantuṛṛutta wal᷊ada-Ne.

1 PETRUS 2:9

Arawe i yamiu udde walahanna apan niapile, manga imam apan mangngimbe ratu, walahanna naukkassa, tumba'u hunan Duata, walahannu Duata sassane. Ruata namile si yamiu wuṛṛu namaggo si yamiu sinumabangnga wuassu araranduma sumutta su asasemakke apan mal᷊endappa ringannu pandumma tadea'u i yamiu mamasingkatu watti'a su ola'u manga inolaan-Ne apan wahewalla.

1 PETRUS 3:9

Arie mabbal᷊issu al᷊al᷊eo ringannu al᷊al᷊eo, ara'e lal᷊ela wal᷊isannu lai lal᷊ela; arawe wal᷊isete ringannu maddorongnga al᷊amatta wuassu Ruata. Ana waugu Ruata namaggo si yamiu tadea'u i yamiu manengkamma al᷊amatta wuassi Tou.

1 PETRUS 5:10

Arawe napawe i yamiu suete natataṛṛangnga sangkatempo, Ruata sassane sarun manuungngi yamiu. I tou sarun mapaatagekki yamiu wuṛṛu manohassa si yamiu see mapaarisikki yamiu. Ana waugu ete i Tou udde Ruata apan naung-Nge lembon mapia, apan suete namago si yamiu mamendama suadio'a awawantu-Ge sarangkal᷊o'engnge sulal᷊ummi Kristus.

2 PETRUS 1:10

Ana waugu udde, manga tuṛṛangnga, pattinsahade lembon maṛṛimadda tadea'u bawago Duata wuṛṛu pamamile-Ne su ririnu udde maola'a lembon matohassa. Amungkangu i yamiu ma'ola'a udde, i yamiu tawe sumoṛṛotta wuassu pangangimannu.

2 PETRUS 1:2

Doronganna Ruata mangonggolu al᷊amatta wuṛṛu paddarame si yamiu ringannu manambo-nambo, ana waugu i yamiu maaillal᷊a Ruata, wuṛṛu Yesus, Mawun kite.

2 PETRUS 1:5

Ana waugu udde, pattinsahadde atonna-tonna tadea'u i yamiu sidutu mangngimanna Mawu Yesus Kristus wuṛṛu pangangimannu udde rarundinganannu wiakka apan mapia. Su liuddu wiakka apan mapia i yamiu wotonge maola'a taumata pia asingkata,

2 PETRUS 1:6

wuṛṛu su liuddu pia asingkatta, i yamiu lai wotongnge maaul᷊inna apulu naungngu. Wuṛṛu su liudde maaul᷊inna apulu naungnga, ṛinone lai yamiu mandiagga ririnu ana see masabbare sumaruanna al᷊awo'u manimmala. Su liuddu masabare sumaruanna al᷊awo'u manimmala, i yamiu lai ṛinone mabbiakka tuttuṛṛuta apulun Duata.

2 PETRUS 1:8

Sarangkanambone eteudde manga pallal᷊agu apan pappandumanni yamiu. Amungkangu manga pallal᷊agu udde pia si yamiu ringannu manambo-nambo, i yamiu mabbal᷊i maṛṛimada wuṛṛu pia buane, wuṛṛu maaillal᷊a Yesus Kristus Mawun kite ringannu lembon mapia lai.

2 PETRUS 2:20

Taumata apan maaillal᷊a Mawu wuṛṛu Punnu Sal᷊amatti ite Yesus Kristus, napallose wuassu taṛṛinon runia apan maal᷊uhuda taumata. Arawe amungkangu sal᷊imurine i tou niasametta apia na'oman sara tawe naaroapa manga taṛṛino udde, ne ola'u taumata udde panginsueanne maddal᷊eoanne lai wuassu paarorone.

2 PETRUS 3:18

Ṛinone i yamiu lembon maapendamma al᷊amattu Mawu Yesus Kristus, Mawu wuṛṛu Punnu Sal᷊amatti ite, wuṛṛu ṛinone i yamiu lai lembon maaillal᷊a si Tou. Daralo si Tou, orassa indi wuṛṛu ma'oman sara mal᷊annu-l᷊annu! Amin. Tabea wuassi yami, Petrus

RUT 3:11

Ana waugu udde arie passinggawanga, Rut. Sarangkanambone apan nirorongannu udde sarun ta'u olaanna; ana waugu anambon taumata su soa indi masingkate manungku i'o sangkatou wawine apan mapia pallal᷊agune.