2 MARARATU 9:6 - WUKE SUSI WATTI'U AL᷊AL᷊USASSA

⁶ Wua'udde itarua sinumuttate sulal᷊ummu wal᷊en, wuṛṛu nabi saṛṛen tumuwo udde nallal᷊innu lanan zaitun udde su puan Yehu ana see nabbisara, “Mawu Ruatan Israel nabbisara, ‘I Ya'u sarun manenegu maola'a ratu su pabbawala-U Israel.

2 MARARATU 9:6 ပူးပေါင်းရင်းမြစ်များ

1 MARARATU 1:34

Poiaroddi i Zadok wuṛṛu i Natan manenegi tou maola'a ratun Israel. Wua'udde ṛinone i yamiu mattiuppa trompeta wuṛṛu maggio, ‘Wiakke Ratu Salomo!’

1 MARARATU 10:9

Dalo so Mawu, Ruatan Tuangnga! Ringannu nanenegi Tuangnga naola'a ratun Israel, Mawu napal᷊iatta'a aroddi al᷊uanne i Tou si Tuangnga. Tawe panginsueanne i Tou mandangngu walahannu Israel; ana waugu udde i Tou namile si Tuangnga naola'a ratun mangitou, tadea'u i Tuangnga wotongnge mandisikku tita wuṛṛu atatul᷊idda.”

1 MARARATU 14:7

Apul᷊ete wuṛṛu waloa'a si Yerobeam manungku eteindi apan niwisaran Mawu, Ruatan Israel, ‘I'o buatte Ta'u nipile wuassu wallattu tumana'a wuṛṛu niola'a tembonannu uma-U Israel.

1 MARARATU 16:2

‘Dorone i'o tawe gunane, arawe i'o buatte Ta'u nitenega naola'a piaṛṛa'u uma-U Israel. Orassa indi i'o narosate ere lai Yerobeam wuṛṛu pangillul᷊eanne uma-U Israel narosa lai, na'oman sara naasopan asasa'u-U.

1 MARARATU 19:16

Pa'ola'e aroddi lai si Yehu ana'i Nimsi, tadea'u i tou maola'a ratun Israel, wuṛṛu si Elisa ana'i Safat wuassu Abel-Mehola, tadea'u i tou maola'a nabi mallolossa si'o.

1 MARARATU 3:8

I ya'u uatana'a su pattangngannu walahanna apan buatte nipile-Nu maola'a uman-Nu sassane. I mangitou sambau walahanna wahewalla apan tawe iareengnga anambone.

2 MARARATU 9:3

wuṛṛu lal᷊ina'e lana indi su puane, ana see wal᷊oa'a, ‘Mawu nabbisara manungku i tou sarun itenegu Mawu, maola'a ratun Israel.’ Napawe buatte na'ola'a udde, paal᷊ihakka manantangu tampa udde.”

2 MARARATU 9:5

ana see naaratinga si Yehu wuṛṛu manga tembonannu tantara waine tantal᷊anna manggol᷊aga poiaroddi. Nabi udde nabbisara, “Tua, i ya'u uaapiddu watti'a si Tuanga.” I Yehu sinumimbakka, “Sisai?” “Si Tuanga sassane,” pinabbil᷊issu nabi udde.

2 TAWARIKH 22:7

Ruata buatte nanantunna manungku i Ahazia sarun aratingannu papatene sutempo i tou mattembo si Yoram. Su patatembo udde Ahazia wuṛṛu i Yoram naasomba lal᷊awangnga wuassu sangkatou esakka aranne i Yehu ana'i Nimsi, apan buatte nipilen Mawu iapapate amonanni Ratu Ahab.

DARALO 2:6

Wisara-Ne, “Su Sion wui-U apan susi buatte Ta'u nitenega ratu nipile-U.”

DARALO 75:6

Wuṛṛu su taumata lal᷊eo, tadea'u ariete mamunga. Arie mananggakku watangannu ara'e mabbisara ringannu mawunga.

YESAYA 45:1

Mawu buatte namile si Kores maola'a ratu; i tou nitebbo'a iapawaddo manga walahanna wuṛṛu ipamaddi taṛṛinon manga ratu. Mawu sarun mamu'a manga ngaran soa si tou, tawe saran sambau apan nallambe uaṛṛuudda. Ete si tou Mawu nabbisara,

DANIEL 2:21

Ete i Tou apan mannantunnu watianna wuṛṛu tempo, i Tou mannal᷊inggi wuṛṛu mannenegu tembonanne. Ete i Tou lai apan mangngonggollu asingkatta, see mangngonggollu pasasunna.

DANIEL 4:17

Eteudde inaappuanni yami manga mala'ekatta apan uasaddia wuṛṛu uatehamma. Pandumannu Ruata Apan Atanggaṛṛanne uataṛṛino araratuannu taumata wuṛṛu i Tou apan nangonggollu araratuanna udde su anambon taumata apan nipile-Ne, ewe'e lai su taumata apan tawe gunane saran addio'a.’

DANIEL 4:32

I'o sarun limbuaṛṛanna wuassu ammul᷊annu tumana'u soa, wuṛṛu mabbiakka manga winatangnga su wadda'a. Al᷊annune pitu tona i'o sarun umanna nannal᷊o ere sapi. Wua'udde i'o sarun manga'u manungku Ruata Apan Atanggaṛṛanne uataṛṛino su araratuannu taumata wuṛṛu araratuanna udde nionggollu Ruata su anambon taumata apan nipile-Ne.”

1 SAMUEL 10:1

Wua'udde i Samuel nanganu awo'a apan lal᷊oṛṛoannu lanan zaitun, ana see lana udde nilal᷊inni Samuel su puan Saul, ana see i tou nangari'a si Saul lapiddu nabbisara, “Mawu buatte nanenegu maola'a ratun Israel walahan-Ne udde. I'o sarun mamarenta al᷊aṛṛanang-Nge wuṛṛu mangesakki mangitou wuassu manga seetti mangitou. Indi tatialane si'o manungku Mawu buatte namile si'o maola'a ratun al᷊aṛṛanang-Nge;

1 SAMUEL 2:7

Pia taumata apan niolang-Nge asiangnga, piaddu lai apan niolang-Nge ala. Pia taumata apan niapaawawo-Ne, piaddu lai niapaatanggakku Mawu.

1 SAMUEL 2:8

Wuassu asasusa Mawu namatunna taumata tawe darotongnge, wuassu asasahadda Mawu namallossu taumata lal᷊ebbone. I mangitou niola'a hawe manga ma'ala, wuṛṛu nionggol᷊annu manara apan a'addatanna. Rapappakku runia tatahuanannu Mawu, su wowone Mawu napararisikku runia.