2 MARARATU 9:34 - WUKE SUSI WATTI'U AL᷊AL᷊USASSA

³⁴ Ana see i Yehu sinumutta sulal᷊ummu wal᷊en araratuanna wuṛṛu inumanna. Wua'udde i tou nabbisara, “Wawine niawontohanna. Salaiwe aroddi, labbinga'e winal᷊unanne, ana waugu i tou ana'u ratu.”

2 MARARATU 9:34 ပူးပေါင်းရင်းမြစ်များ

1 MARARATU 16:31

Tawe tumba'u mabbiakka marosa ere Ratu Yerobeam, i tou ewe'e lai na'awingngi Izebel ana'i Ratu Etbaal wuassu Sidon, wuṛṛu i tou mattaṛṛamawu si Baal.

1 MARARATU 21:25

Tawe saran paassa pia taumata apan ringannu na'utulla ma'ola'a al᷊al᷊eo su aellegu Mawu ere apan niola'i Ahab. Anambon al᷊al᷊eo udde niolangnge wuassu darolokki Izebel, awingnge.

MATIUS 25:41

See Ratu udde sarun mabbisara su manga taumata su samba'an aiṛṛiNe, ‘Roote wua isindi, manga taumata lal᷊eo! Suttate sulal᷊ummu putungnga apan tawe iapadumma, apan suete nissaddia su Setanna wuṛṛu su manga ralol᷊oṛṛanne!

AMOS 6:4

Nasilakate i yamiu apan mattiilla su lallowanganna apan mangkapia wuṛṛu maandeangngu ṛemessu sapi wuṛṛu domba apan ta'e saṛṛen tumuwo!

YESAYA 65:15

Manga taumata nipile-U sarun mappaattu arannu maola'a wawontoga; ‘Antimanna Mawu Apan Atanggaṛṛanne mamate si yamiu ere lai si mangitou!’ Arawe taumata apan matuṛṛutta si Ya'u sarun Ta'u onggol᷊annu aranna wakku.

AMSAL 10:7

Pannanaunganna su taumata mapia udde maola'a al᷊amatta, arawe taumata lal᷊eo lapiddu abbul᷊iananna.

ESTER 3:15

Manga daroloṛṛanna nasasaṛṛawutta nanguntuddu manga suratta udde su anambon propinsin araratuanna. Wuassu darolokku ratu, parenta udde nial᷊iata lai su Susan, inangngu soan Persia. Wua'udde ratu wuṛṛu Haman ua'iante lapiddu ma'inumma anggore, arawe soa Susan niṛṛumindu'a ana waugu watti'a udde.

1 MARARATU 18:41

Wua'udde i Elia nabbisarate si Ratu Ahab, “Orassa indi mappianne i Tuangnga inaite anna! Tawe mal᷊anna addio'a manguranna, ana waugu tingikke aaringiṛṛante.”

2 MARARATU 9:33

I Yehu nabbisara si mangitou, “Tuntunga'e i tou inawaroddi!” Ne i mangitou nanuntungken Izebel inawaroddi ana see. I tou nailarannu keretane na'oman sara daṛṛane nassiappa su darandunga wuṛṛu su manga awal᷊on kereta udde.

2 MARARATU 9:35

Arawe su tempo manga taumata inai mangal᷊appa winal᷊unanne ilabbinga, i mangitou naasomba tanggilal᷊ane, wuṛṛu manga duṛṛi ta'iakka wuṛṛu leddane.